Ring Ring Ring
"အင်းးး"
ကျယ်ကျယ်လောင်လောင်မြည်နေတဲ့ဖုန်းသံကြောင့် အိပ်မောကျနေရာမှ ဆတ်ခနဲနိုးသွားရသည်။သူ့ဖုန်းကိုဆက်တာဟာ အလုပ်ကိစ္စတော်တော်များများမှဖြစ်တာကြောင့် ခုတင်ဘေးနားကစားပွဲပေါ်ရှိ ဖုန်းကိုလှမ်းယူလိုက်ပြီး contact name ကိုကြည့်လိုက်လျှင်
*NOVELfly's Author*
"ဟားးး"
ဖြစ်ပေါ်လာတဲ့စိတ်အခြေအနေကြောင့် သူသက်ပြင်းကြီးကြီးချလိုက်မိပါသည်။ဒီဖုန်း! တစ်ရက်မှာ ဆယ့်နှစ်ခါလောက်ဆက်နေတဲ့ဖုန်း! သူ့ကိုဒုက္ခပေးနေတာတစ်လနီးပါးလောက်ရှိပြီဖြစ်တဲ့ဖုန်း! Blacklist ထဲထည့်လို့ မရပြန်တဲ့ဖုန်း!
မကိုင်မချင်း အဆက်မပြတ်မြည်နေတဲ့ဖုန်းကြောင့် answer ကိုနှိပ်လိုက်ပြီး
"ဟဲလို!"
"အို့! လန့်တာကွာ၊ ဖြည်းဖြည်းထူးပါ"
သူပြန်မပြောဘဲနေလိုက်တော့ တစ်ဖက်ကရယ်သံတိုးတိုးထွက်လာပါသည်။
"ကိစ္စရှိလို့ဆက်လိုက်တာပါကွာ၊ သခင်ကြီးရဲ့အကြောင်းလေး..."
"တစ်ခါလာလည်း သခင်ကြီးရဲ့အကြောင်း! တစ်ခါလာလည်း သခင်ကြီးရဲ့အကြောင်း! ခင်များဦးနှောက်မကောင်းဘူးလား ဟမ်! သခင်ကြီးရဲ့အကြောင်းကို ကကြီးကနေ အ အထိ ပြောပြနေတာဘယ်နှခေါက်ရှိနေပြီလဲ! တစ်နေ့တစ်နေ့ ခင်များကိုသခင်ကြီးရဲ့အကြောင်းပြောပြနေရတာနဲ့တင် ကျွန်တော်တခြားအလုပ်မလုပ်ရတော့ဘူး!"
"စိတ်လျော့ပါကွာ၊ မင်းက ကိုယ်မေးတိုင်း အကုန်လုံးပြောပြောပြနေမှတော့ ကိုယ်ဘယ်လိုလုပ်အကုန်မှတ်မိနိုင်မလဲ၊ အမှန်ဆို မင်းက နည်းနည်းနဲ့ဖြည်းဖြည်းချင်းပြောပြသင့်တာကို"
"ဒါဆို ကျွန်တော့်အမှားပေါ့လေ!"
"................."
သခင်ကြီးကိုယ်တိုင်ကိုက လိုလိုလားလားလက်ခံထားတဲ့ ကိစ္စဖြစ်တာမို့ သူ့စိတ်ကိုအတက်နိုင်ဆုံးပြန်လျော့ချထားလိုက်သည်။
"ဟူးး ကောင်းပြီ၊ သိချင်တာကိုမေး ပြီးရင်ခင်များ တစ်ခုခုထဲမှာသေချာလိုက်မှတ်ထား၊ ဦးနှောက်ထဲမှာမဟုတ်ဘဲ တခြားနေရာမှာမှတ်! ကျွန်တော်ပြောတာကို သဘောပေါက်တယ်မလား"
YOU ARE READING
Master's Blind Boy (COMPLETED)
Romanceကျုပ်နာမည် စစ်တုရင်၊ ကစားပွဲတိုင်းကို ကျုပ်နဲ့စပြီးကျုပ်နဲ့ပဲအဆုံးသတ်မယ်၊ King,Rook,Bishop,Queen,Knight and Pawn အကုန်လုံးက ကျုပ်ရဲ့ကစားပွဲထဲမှာပါတဲ့ နယ်ရုပ်လေးတွေပဲ:::: က်ဳပ္နာမည္ စစ္တုရင္၊ ကစားပြဲတိုင္းကို က်ဳပ္နဲ႕စၿပီးက်ဳပ္နဲ႕ပဲအဆုံးသတ္မယ္၊ King...
