အနက်ရောင်ပြောင်လက်နေသည့် SUV ကားခြောက်စီးရဲ့အလယ်မှာ Luxurious ကားအဖြူရောင်တစ်စီးဟာ ဝင့်ကြွားစွာဖြင့်ထင်ရှားနေသည်။
ဘေးတစ်ဖက်တစ်ချက်ဆီမှာ မြင့်မားသောသစ်ပင်ကြီးတွေများစွာပေါက်ရောက်နေသည့် ကတ္တရာလမ်းမကြီးထက်၌ ကားခုနစ်စီးဟာ အရှိန်မှန်မှန်ဖြင့် စီတန်းရွေ့လျားနေပါသည်။
မိုင်ပေါင်းများစွာကိုခရီးဆက်ပြီးသွားတဲ့နောက်မှာတော့ အဖြူရောင်ဆေးနိုင်နိုင်သုတ်ထားသည့် အုတ်တံတိုင်းကြီးနှင့်မြင့်မားသောသံပန်းတံခါးအဖြူရောင်ကြီးရဲ့ရှေ့ကို ကားခုနစ်စီးလုံးစိုက်ရောက်သွားခဲ့သည်။သို့သော် အရှိန်နည်းနည်းတောင်မလျော့ရပါဘဲ ထိုကားခုနစ်စီးလုံးသည် အရန်သင့်ပွင့်သွားခဲ့သော သံပန်းတံခါးအဖြူရောင်ကြီးကိုဖြတ်ကျော်လျှက် အုတ်တံတိုင်းအမြင့်ကြီးတွေကာရံထားသည့် နယ်မြေထဲကိုချည်းနင်းဝင်ရောက်သွားပါတော့သည်။
မကြာမီပင်...
နန်းတော်ကြီးတမျှခမ်းနားကြီးကျယ်ပြီး အချွန်အထက်ပေါင်းများစွာဖြင့်ဒီဇိုင်းဖော်ဆောက်လုပ်ထားပါသော အဖြူရောင်စံအိမ်တော်ကြီးရဲ့အရှေ့မှာ ကားခုနစ်စီးလုံးစီတန်းရပ်သွားခဲ့ပါသည်။အလယ်ဆုံးက အဖြူရောင် luxurious ကားဟာ စံအိမ်တော်ကြီးရဲ့ အဝင်ပေါက်နားမှာ ကွက်တိအနေအထားဖြင့်။
ကားတွေအကုန်စက်ရပ်သွားတာနှင့်တပြိုင်နက် ကားတွေအပေါ်မှ စနစ်တကျဆင်းလာပြီး ကားအဖြူရောင်ဘက်ကိုမျက်နှာမူကာ ဦးညွှတ်ထားကြပါသော ထောင်ထောင်မောင်းမောင်းယောကျ်ားသားတွေဟာ အနက်ရောင်suit ဝမ်းဆက်ကိုယ်စီဖြင့် သပ်သပ်ရပ်ရပ်။
အဖြူရောင်ကားရဲ့အရှေ့ခန်းမှထွက်လာပါသော နို့နှစ်ရောင်suit ဝတ်စုံပြည့်ဝတ်ထားသည့် ခပ်ချောချာလူငယ်သည် ကားရဲ့အနောက်ခန်းတံခါးကို ဖွင့်ပေးလိုက်ပုံမှာ တိတိကျကျ လျင်လျင်မြန်မြန်။
ကားတံခါးပွင့်သွားတာနှင့်တပြိုင်နက် ကားပေါ်မှမာန်အပြည့်ဖြင့်ဆင်းလာပါသော တည်ကြည်ခန့်ညားသည့်အမျိုးသားသည် mafia လောက၏ အကြီးအကဲ၊ နောက်လိုက်အစေခံပေါင်းများစွာရဲ့အရှင်သခင်၊ အဖြူရောင်စံအိမ်တော်ကြီး၏ပိုင်ရှင် စစ်တုရင် ပဲဖြစ်ပါသည်။
KAMU SEDANG MEMBACA
Master's Blind Boy (COMPLETED)
Romansaကျုပ်နာမည် စစ်တုရင်၊ ကစားပွဲတိုင်းကို ကျုပ်နဲ့စပြီးကျုပ်နဲ့ပဲအဆုံးသတ်မယ်၊ King,Rook,Bishop,Queen,Knight and Pawn အကုန်လုံးက ကျုပ်ရဲ့ကစားပွဲထဲမှာပါတဲ့ နယ်ရုပ်လေးတွေပဲ:::: က်ဳပ္နာမည္ စစ္တုရင္၊ ကစားပြဲတိုင္းကို က်ဳပ္နဲ႕စၿပီးက်ဳပ္နဲ႕ပဲအဆုံးသတ္မယ္၊ King...
