"အင်းး...."
အိပ်ရာနိုးနိုးခြင်းအပျင်းကြောအရင်ဆန့်လိုက်ပြီးတော့မှ ဘေးဘီဝဲယာကို ရှေးရေစက် မျက်လုံးကစားကြည့်လိုက်သည်။
"ဦးစစ်"
အခန်းထဲမှာ ဦးစစ် ရဲ့အရိပ်အယောင်ကိုတောင်မတွေ့ရတာမို့ အသံအက်အက်လေးဖြင့် အော်ခေါ်ကြည့်လိုက်ပါသည်။
"ဦးစစ်"
ပြန်ဖြေသံမကြားတာမို့ နောက်တစ်ခေါက်ထပ်ခေါ်ကြည့်လိုက်တော့မှ
"အင်း ကလေးငယ်"
ရေချိုးခန်းထဲကနေထွက်လာတဲ့ ဦးစစ် ကပြန်ထူးလာသည်။
"နိုးပြီလား၊ ထတော့မလား"
သဘက်တစ်ထည်ကိုခါးမှာပတ်ထားကာ ကျန်သဘက်တစ်ထည်ဖြင့် ခန္ဓာကိုယ်ပေါ်ကရေတွေကိုသုတ်နေတဲ့ စစ်တုရင် ကိုငေးကြည့်ရင်း ရှေးရေစက် ကငေါင်တောင်တောင်ဖြင့်။အိပ်ရာနိုးခါစမို့ဖြစ်ပါလိမ့်မည်။
အိပ်ချင်းမူးတူးဖြစ်နေတဲ့သူ့ကလေးငယ်အနားကို စစ်တုရင် သွားလိုက်ကာ ခန္ဓာကိုယ်လေးကိုပွေ့ဖက်ရင်း လှဲနေရာကနေထူလိုက်သည်။ထိုအခါ စစ်တုရင် ရဲ့လည်တိုင်ကို သိုင်းဖက်လာတဲ့လက်ကလေးတွေက တင်းကျပ်စွာဖြင့်။
"ကိုယ် ဒီနေ့ အလုပ်သွားရမယ်"
"ဟင် ဟုတ်လား"
ပူပူနွေးနွေးလက်ထပ်ထားကြတာ ငါးရက်တိတိရှိပြီဖြစ်ပြီး ငါးရက်အတွင်း သူ့ယောကျ်ားလေးအနားသာကပ်နေတဲ့ စစ်တုရင် ကအခုမှအလုပ်ပြန်သွားမှာဖြစ်သည်။
"အင်း အလုပ်ကိစ္စလေးတွေဖြတ်ချင်လို့၊ နောက်ပြီး တာဝန်တွေလည်းပေးခဲ့ရဦးမယ်၊ ခရီးမသွားခင်လေးလေ"
ခရီးဆိုတာက လင်ယောကျ်ားနှစ်ယောက်ရဲ့ မင်္ဂလာဦးဟန်းနီးမွန်းခရီးကိုဆိုလိုခြင်းဖြစ်ပါသည်။အမှန်တော့ မင်္ဂလာပွဲအပြီးနှစ်ရက်လောက်ကြာတာနဲ့ နှစ်ယောက်သားခရီးထွက်ကြမှာဖြစ်ပေမယ့် သူတို့မင်္ဂလာပွဲပြီးနောက်နေ့မှာပဲ ချက်ချင်းကြီး တစ်ပတ်အတွင်းမင်္ဂလာပွဲရှိတယ်ဆိုပြီးပြောလာသည့် မင်းမျိုးဗီဇ တို့စုံတွဲကြောင့် သူတို့ဟန်းနီးမွန်းကိုနောက်ဆုတ်လိုက်ရတာဖြစ်သည်။မိတ်ရင်းဆွေရင်းတွေရဲ့မင်္ဂလာပွဲဆိုတော့လည်း တက်သင့်သည်လေ။သူတို့ခရီးက အလျဉ်းသင့်ရင်သင့်သလိုကြာမှာမို့ မင်္ဂလာပွဲကိုဘယ်လိုမှမမှီနိုင်တာကြောင့် နောက်ဆုတ်လိုက်ရခြင်းပင်။
KAMU SEDANG MEMBACA
Master's Blind Boy (COMPLETED)
Romansaကျုပ်နာမည် စစ်တုရင်၊ ကစားပွဲတိုင်းကို ကျုပ်နဲ့စပြီးကျုပ်နဲ့ပဲအဆုံးသတ်မယ်၊ King,Rook,Bishop,Queen,Knight and Pawn အကုန်လုံးက ကျုပ်ရဲ့ကစားပွဲထဲမှာပါတဲ့ နယ်ရုပ်လေးတွေပဲ:::: က်ဳပ္နာမည္ စစ္တုရင္၊ ကစားပြဲတိုင္းကို က်ဳပ္နဲ႕စၿပီးက်ဳပ္နဲ႕ပဲအဆုံးသတ္မယ္၊ King...
