သခင်ကြီးစစ်တုရင် စံအိမ်ကိုပြန်ရောက်ရောက်ချင်း ဦးတည်ရာနေရာက စားဖိုဆောင်ဖြစ်သည်။စားဖိုဆောင်အတွင်း သူရှာနေတဲ့အကြောင်းပြချက်လေးမရှိတော့မှ စားဖိုဆောင်ဘေးနားက အခန်းထဲကို တည်တည်ငြိမ်ငြိမ်ဖြင့်ဝင်သွားလိုက်သည်။
ထိုအချိန် သခင်ကြီးသွားရာနောက် မျက်လုံးတောက်လျှောက်ကပ်ပါနေကြတဲ့လူတွေကို နှင်းဝိုင် ချောင်းဟန့်လိုက်မှသာ ကိုယ့်အလုပ်ကိုယ်ပြန်လုပ်ကြတော့သည်။နှင်းဝိုင် တစ်ယောက်သက်ပြင်းအသာချကာ ခေါင်းခါလိုက်ပြီးမှ ကိုယ့်အခန်းကိုယ်ပြန်ပြီး အနားယူရန်ပြင်လိုက်ပါသည်။
:
အခန်းထဲမှာ ကောင်လေးရဲ့အရိပ်အယောင်ကိုမတွေ့ရပေမယ့် ရေချိုးခန်းထဲကရေကျသံကြောင့် ရေချိုးနေတယ်ဆိုတာသိလိုက်ရသည်။အပေါ် coat ကိုချွတ်လိုက်ကာ ခုတင်ပေါ်ပစ်တင်လိုက်ပြီး သူပါခုတင်ပေါ်မှာခြေချထိုင်လိုက်သည်။ရင်ဘက်နားကပြုတ်နေပြီးသားကြယ်သီးနှစ်လုံးအပါအဝင် နောက်ထပ်နှစ်လုံးကိုထပ်ဖြုတ်လိုက်တော့ ကြွက်သားအပြည့်ဖြင့် ဝမ်းဗိုက်က ထင်းခနဲ။
ထို့နောက် လက်နှစ်ဖက်နောက်ပြန်ထောက်ကာ ရေချိုးခန်းဘက်မျက်နှာမူပြီး ထိုထဲမှထွက်လာမယ့် ကောင်လေးကိုစောင့်နေလိုက်ပါသည်။
စောင့်နေရင်း ခဏအကြာမှာပင် ရေချိုးခန်းတံခါးပွင့်သွားပြီး သဘက်အဖြူတစ်ထည်ခါးမှာပတ်ထားသည့် ကောင်လေးထွက်လာသည်။လက်တစ်ဖက်ဖြင့်နံရံကိုထိကိုင်ကာ လျှောက်နေသည့် ကောင်လေးက အခန်းထောင့်နားမှာရှိနေတဲ့ အဝတ်ဗီဒိုဆီကိုဦးတည်နေသည်။
ကောင်လေးရဲ့လှုပ်ရှားမှုတွေကို သူအသံတိတ်ဖြင့် မျက်တောင်မခတ်တမ်းကြည့်နေလိုက်ပါသည်။
"သခင်ကြီး"
ထိုစဉ် ဗီဒိုနားရောက်သွားသည့်ကောင်လေးက ခုတင်ဘက်ကိုခေါင်းလေးစောင်းကာ မေးလာတာမို့ သူမျက်ခုံးပင့်လိုက်မိသည်။သူရှိတာကို သိနေတာလား။
"သခင်ကြီးလား"
"................."
"အာ မရှိဘူးပဲ"
ESTÁS LEYENDO
Master's Blind Boy (COMPLETED)
Romanceကျုပ်နာမည် စစ်တုရင်၊ ကစားပွဲတိုင်းကို ကျုပ်နဲ့စပြီးကျုပ်နဲ့ပဲအဆုံးသတ်မယ်၊ King,Rook,Bishop,Queen,Knight and Pawn အကုန်လုံးက ကျုပ်ရဲ့ကစားပွဲထဲမှာပါတဲ့ နယ်ရုပ်လေးတွေပဲ:::: က်ဳပ္နာမည္ စစ္တုရင္၊ ကစားပြဲတိုင္းကို က်ဳပ္နဲ႕စၿပီးက်ဳပ္နဲ႕ပဲအဆုံးသတ္မယ္၊ King...
