မနက်ခင်းရောက်ပြီဆိုတာနဲ့ ထုံးစံအတိုင်း စားဖိုဆောင်ထဲမှာ ချက်ပြုတ်သံတွေဖြင့် ဆူညံနေလေပြီ။ဒီနေ့ကတော့ စံအိမ်မှာလူစုံတာမို့ စားဖိုဆောင်ကလူတွေအလုပ်ရှုပ်နေသည်ဟု ဆိုရပါမည်။အထူးသဖြင့် စံအိမ်ရဲ့သခင်ကြီးအိမ်မှာရှိနေတာကြောင့်။
"ရှေး"
"ဟင်"
အနိုင့်ရဲ့ခေါ်သံကို ကန်စွန်းရွက်ခြွေနေရာမှ သူပြန်ထူးလိုက်သည်။ထိုအခါ အနိုင်က သူ့ဘေးနားကခုံမှာဝင်ထိုင်လာပြီး
"အနိုင်လည်းခြွေပေးမယ်၊ ကန်စွန်းပလိန်းကသခင်ကြီးရဲ့အထူးဟင်းလျာလေ၊ သခင်ကြီးက အသားငါးတွေထက်အသီးအရွက်ပိုကြိုက်တယ်"
"ဪ"
"ရှေး သေချာမှတ်ထားနော်"
"အင်းပါ အနိုင်ရဲ့"
ကန်းစွန်းရွက်အလှည့်ပြီးသွားတော့ ကြက်သွန်နီလှီးရသည်။အမြဲလိုလိုလုပ်ဖူးနေကြအရာတွေမို့ သူကဓားကိုင်တော့ အတော်လေးကျွမ်းပါသည်။အထူးသဖြင့် စားဖိုဆောင်ထဲမှာ အမျိုးသမီးတွေကချက်ပြုတ်ကြပြီး သူတို့ယောကျ်ားလေးနှစ်ယောက်ကတော့ အကူသဘောအနေဖြင့်သာလုပ်ရသည်။အမှန်တော့ ဟင်းမချက်ရတာကြာပြီမို့ သူဟင်းချက်ကြည့်ချင်ပါသည်။သို့ပေမယ့် သူ့လက်ရာကိုလူတွေမကြိုက်ကြမှာစိုးသလို မီးဖိုတွေကိုလည်းမသုံးတတ်တာမို့ လက်လျော့ထားရသည်။မေမေ့ကို ထမင်းဟင်းချက်ကျွေးခဲ့ရတဲ့ အချိန်တွေအား သူလွမ်းမိပါသည်။
"ရှေး"
"အင်း အနိုင်"
"မနေ့က အိပ်ရတာအဆင်ပြေရဲ့လား၊ ညရေးညတာတွေရော"
"အင်း ပြေပါတယ်၊ အာ ဒါနဲ့လေ အနိုင်"
"အင်း ပြောကြည့်"
"မနေ့ညက သခင်ကြီးကိုလေ ရှေးကိုချစ်လားလို့မေးလိုက်တော့ စဉ်းစားဦးမယ်လို့ပြန်ပြောတယ် သိလား"
"................"
စားဖိုဆောင်အတွင်း အသံတွေတိတ်ဆိတ်သွားပြီး အကုန်လုံးရဲ့အကြည့်တွေက ရှေးရေစက် ဆီရောက်လာခဲ့ကြသည်။ကြက်သွန်လှီးနေတဲ့ ရှေးရေစက် ကတော့သူ့အလုပ်သူလုပ်နေပြီး စကားပြောကလည်းမပျက်ပါ။
YOU ARE READING
Master's Blind Boy (COMPLETED)
Romanceကျုပ်နာမည် စစ်တုရင်၊ ကစားပွဲတိုင်းကို ကျုပ်နဲ့စပြီးကျုပ်နဲ့ပဲအဆုံးသတ်မယ်၊ King,Rook,Bishop,Queen,Knight and Pawn အကုန်လုံးက ကျုပ်ရဲ့ကစားပွဲထဲမှာပါတဲ့ နယ်ရုပ်လေးတွေပဲ:::: က်ဳပ္နာမည္ စစ္တုရင္၊ ကစားပြဲတိုင္းကို က်ဳပ္နဲ႕စၿပီးက်ဳပ္နဲ႕ပဲအဆုံးသတ္မယ္၊ King...
