عزلة السقر

❤🖤

مساء الــ🥀ـورد على عيونكم حبايب قلبي ❤.

هذا النوت مهم جدًا لذلك اللي اترجاه منكم تقرأون كل حرف بيه بـ تمعن و تركيز حتى تحصلون جواب شافي وافي عن جميع اسئلتكم و مترجعون تكرروها .

هالرواية بالذات رواية خطيرة + غريبة و سابقًا توجه لي سؤال في حساب الأنستا إذا أكو رواية اِنعرضت عليَّ ورفضتها لخطورتها جاوبت نعم (عُزلة السقر) لكن تحديت نفسي وقبلتها وتحت هالعبارة خلوا لي خطين

عُزلة السقر مو رواية اِعتيادية تشبه باقي روايات الواتباد أنقل لكم أحداثها من بيئة إجتماعية أبطالها يتواجدون داخل بيت صغير محاوطين بأربع جدران !!

لا هالرواية إنقلت لكم من مجتمع مُختلف عن مجتمعكم تمامًا ، مجتمع غريب لأول مرة تتعرفون على مشاكله مثلما تعودتوا سابقًا على التعرف على مشاكل مجتمعنا والغوص في عاداته وتقاليده بـ سلبياتها قبل إيجابياتها من خلال القصص العراقية البحته

ثانيًا الرواية دتنقل من داخل مصحة نفسية و من داخل السجون أيضًا ، يعني مو حالها حال الروايات الإجتماعية تتطرق لمشاكل إعتيادية تعودتوا سماعها ، هنا الوضع يختلف تمامًا لأن راح تشوفون وتسمعون أمور يتقبلها العقل وأخرى ميتقبلها نهائيًا لذلك الميتحمل قوة أحداث هالرواية يتركها من هسه وليسقط بيها من تتصاعد الأحداث لأن كلامي هذا راح يعتبر حجة عليكم شوكت ما حچيتوا راح أواجهكم بيه أمام الجميع (اللهم إني بلغت اللهم فَـ اشهد)

مختصر لـ هذا الكلام الرواية هذه غريبة بـ شخوصها وأحداثها ومجتمعها ، المستعد يكمل ويانا للأخير أهلاً وسهلاً ، الميتقبل أي حدث غريب يريح راسه و يتركها من هسه أفضل له ولي وللجميع ما زال بعدنا ببدايتها

الغموض اللي بالرواية كله راح يتوضح ، هواي أشوف تعليقات كاتبتنا وضحي هذا شنو ؟؟
شنو علاقة فلان بـ فلان ؟؟
ليش ما سردتِ هنا شنو صار وتجاوزتي الحدث ؟؟

عيناي أنتم .. كل شي راح يتوضح ويا الأيام يعني كل لغز راح يتوضح بالحدث والمكان اليناسبه ثقوا بالله ما راح أختم الرواية وأني تاركة بـ أذهانكم تساؤل واحد ولو كان جدًا بسيط ، يعني كل سؤال راح تحصلون له جواب لكن بالوقت المناسب .. فـ أصبروا

طريقة السرد واضحة من أول بارت وراح استمر عليها

راح نتوقف حاليًا لحين إنتهاء الإمتحانات ونرجع بأول يوم من العطلة النصفية بـ نظام نشر (بين يوم ويوم)
يعني يوم نشر ويوم اِستراحة الساعة العاشرة مساءً لكن في حال إكتمل البارت عندي قبل هالوقت راح أنزله وما أبخل عليكم بيه ، أني كريمة وأنتم تستاهلون

اعذروني لو مرات اتأخر عليكم أو اعتذر لأن هالرواية بالذات راح أطبعها كتاب بعد ختامها مباشرةً فـ ما أريد استعجل بيها حتى تتم طباعتها بـ صورة تليق بها وبيَّ وبكم كـ متابعين راقين ..

كان استمريت وياكم هذه الفترة بالتنزيل المتقطع لكن الأحداث القادمة من البارت التاسع فـ صاعدًا متحتمل أي إنتظار ولا تكتمل قوتها بالنشر غير المنتظم فـ يفضل ننتهي من هوسة الإمتحانات ونرجع للكتابة والقراءة ببال صافي ، هذا الأنسب للجميع

هواي قرأت تساؤلات من بداية الرواية ولليوم وحاولت أجاوب على جميعها لكن ما أعرف إذا فاتني شيء منها أو لا ، على العموم إذا عندكم أي إستفسار خارج أحداث القصة الرئيسية اتركوه هنا بـ هذه الفقرة وراح أجاوب باللي أگدر عليه إن شاء الله

بالنهاية ما أعرف شلون لازم أشكركم على هالتفاعل المُميز كَـ شخصكم والجميل كَـ جمال أراوحكم

يعني لأول مرة أشوف بداية قصة تكون التعليقات مع نزول البارت مباشرةً أكثر من المشاهدات والتصويت نفسه .. عين الحارة باردة عليكم جيشي الراقي ،
(اللهم صلِ على محمد وآل محمد)

حب كبير بـ حجم السماء لكم ولمحبتكم وإخلاصكم لي كَـ أخت أولاّ .. وكاتبة ثانيًا .. يخليلياكم يا رب 💛