عزلة السقر

البارت الرابع والعشرون

#عُزلة_السقر
البارت الرابع والعشرون
للكاتبة لبنى الموسوي

يَشبَهُ الجَحيمْ ، مَنْ يَقتَرِبُ مِنهُ حَتمًا سَـ يَحتَرِقْ
وَلٰكِنـهُ يَجُرَني ..
في أعمـاقِ أسرَارِهِ مِنْ دونِ عِلمٍ يُقْحِمني
وَبِما ألزَمَ بِـهِ نَفسَهُ قَسرًا يُلزِمني
فَـ ما السَبَبْ ؟! هَلْ بِـ مَرَضِهِ المُخيفِ عَشِقَني ؟
حَتىٰ مِنهُ وَفيهِ عَدَني وَإلىٰ يَسارِ صَدرِهِ أسكَنَني
أمْ أخَذَ عَلىٰ عَاتِقِهِ وَعدًا بِـ أنَّـهُ السَّقرْ ..
وأنا القَدَرْ ..
وَلِكَي يَنْجُو مِنْ قَدَرِهِ يَجبْ عَليهِ أنْ يُحرِقني .✍🏻
___________

- وأنتِ منو وصلچ الخبر إذا هوَ سري للغاية ؟!

- دكتور رؤوف مو صديق الوالد ، اِتصل بلغه بالحادث وأني كنت يمه فـ سمعت أغلب الحديث الدار بيناتهم ..

- أمر غريب جدًا !!

- شبيچ شو شكلچ ما فرحتِ بالخبر ؟!

- مو مسألة فرح وغيره بس يعني حادث ! آآآ زين همْ عرفتِ الحادث مال أيش بالضبط لو لا ؟!

- أكيد عرفت ، حادث سيارة ..

- وكمْ نفر كانوا وياه ؟!

- حسب ما سمعت وحدة يمكن طلع بالسيارة بموضوع خاص أو يمكن أكو أحد وياه وأني ما فهمت عدل ..

- زين تگدرين تعرفي لي إذا كان وحده بداخل السيارة ساعة الحادث لو السائق الخاص وياه ؟؟

- ما أعتقد ، يعني أشوفها صعبة أروح اسأل الوالد منو كان وياه بالسيارة هسه شيگول حاطه أذنچ وياية ..

- تمام حبيبتي ، شكرًا على الخبر ..

- مو تزعلين أمانة ..

- ليش أزعل ! حقچ لأن صدگ الموضوع صعب ، المهم بلغتيني شكرًا لچ مرة ثانية ..

- تتدللين ما سويت شي يستحق تشكريني عليه .. يلا أخذي راحتچ لازم أرجع لـ مجموعتي .

مجرد ما غادرتْ رجعت صعدت للإدارة ، توني رافعة ايدي أطرق باب غرفة مكتب المدير بلغتني السكرتيرة طالع من ربع ساعة ، ما گدرت أنزل بصراحة بالي عند الموضوع إذا ما حصلت جواب على الاسئلة الگاعد تدور براسي مستحيل أگدر أركز بالعمل ..

ربع ساعة ثانية يلا اجى يتمشى بالممر هوَ ورسول من شافني رفع ايده عن بُعد ألقى تحية السلام وراح، تقدم دكتور رؤوف سلم وفتح الباب ، دخلنا للمكتب سوى ..

- اعتذر أخاف دأخذ من وقت حضرتك....

- لتكملين بنتي، دائمًا أقول وقتي كله لكم وللمصحة ..

- مشكور دكتور بس سمعت خبر خاص شوية واجيت هنا لأن حابة اتأكد ما مدى صحت هالخبر من حضرتك

- اي تفضلي ..

- الوزير هاني عرفه تعرض لحادث سير من يومين ؟؟