IKADALAWAMPUTTATLO
Inuna naming gawin kung ano ang dapat gawin - business. Nakasunod lamang ako kay Sir Gab. I'm at his beck and call. Lahat ng pinagagawa niya ay aking sinusunod.
"Can you call the firm? Paki-pasa naman na CFO." Nakaharap si Gab sa mga folders.
I was not needed to be told twice. Hawak ko rin naman ang kanyang pang-business na phone kaya mabilis kong dinial. Tinapat ko iyon sa kanyang tenga nang sumagot na. Nahawak niya ang aking kamay nang kuhanin tapos ay ngumiti pa siyang bahagya.
"Hello...."
Nag-angat ako ng tingin kay Ishmael na malalamig ang mga mata sa akin. Ganoon tuwing tititigan ko siya. Daig ko pa ang isang nasasakdal sa korte at siya ang galit na galit na nagdemanda.
"Can I have a strawberry salad?" ani Harriet sa kanyang tabi. Basa ito at tinutuyo ang buhok dahil kagagaling lang sa swimming kahit mainit. Bumagal ang titig ko sa polo ni Ishmael na nakasuot sa kanya.
Mahirap lumunok.
"Strawberry salad?" pag-uulit niya nang hindi pansinin ni Ishmael. This time, nilayasan ako ng tingin ni Ishmael at napabuntong hininga habang tumayo. Pagbalik niya ay may dala nang plato - strawberry salad.
"Thanks!" Kinuha ni Harriet ang plato tapos ay inakma pang subuan si Ishmael ngunit umiling ito at binaling nanaman ang tingin sa akin.
Napaiwas na lamang ako ng tingin.
Kahit ayoko nang may masaksihan pa ay kailangan dahil ito ang ibig sabihing ng pagiging propesyunal. Madalas siyang buligligin ni Harriet, ngunit bilang masugid na nobyo - he'd give her anything she wants. Kahit hindi pa man gusto ay nabibigay na niya.
"Not too far, Harrie. Walang lifeguard d'yan." Matigas ang tono ni Ishmael habang pinagbabawalan si Harriet dahil lalangoy nanaman.
Harriet is in her two piece light blue bikini, showing all her perfect curves and the creamy skin. Ang buhok niya ay umaalon sa likod at natural na ang mapulang pisngi at mga labi. She's the epitome of beauty. She's a head turner. She's everything I was and will never be.
"Fine! Fine!" Tumakbo na ito palayo at mukha siyang anghel na bumaba sa lupa.
I had to keep my voice in check. Kailangan ay tigasan ang boses dahil nagkakandabasag-basag na.
"Ish, bro? What'cha think about this one?" Minsan ay pinakita ni Gab sa kanya ang isang malaking papel. Blueprint?
Nakatingin lang naman sa akin si Ishmael at mukhang hindi nakikinig. Nagtiim-bagang ako atsaka napaiwas ng tingin.
"Sorry, Gab, what?"
"Where's your brain, dude?" Kinakausap....."
Nagtuloy ang kanilang pagpaplano. I wished it was forever like that and no closures will be included. Pero imposible, dahil lahat ng bagay ay natatapos at isa pa, magpinsan sila. They were bound to have some fun.
"Guys! Malilim na! Swim na kayo!" Dinala ng malamig na hanging dagat ang sigaw ni Harriet na naroon na, nagmumukhang napakagandang sirena na kakantahan ka habang buhay. Isang dyosa ng dagat.
"Yeah! Oo nga! Tapos naman na tayo. You wanna swim, Justice?" Taas-baba ang kilay sa akin ni Gab habang nililigpit ko ang mga gamit nila.
"Hindi na. Salamat, Sir Gab." Iyon ang sagot ko.
"Drop the 'sir', Justice. You're my friend!" katwiran naman niya atsaka nagtama ang kamay namin sa folder na hawak dahil dadamputin din ito. Mabilis akong nag-iwas ng tingin at pinamulahan ng pisngi.
