أسيرة الشيطان الجزء الأول + الجزء الثاني+ الثالث

الحادي عشر

للقلب سلطان آخر
الجزء الثالث
       من
أسيرة الشيطان
الفصل الحادي عشر
الجزء الأول
¤¤¤¤¤¤¤¤¤
بناء على رغبة القراء هنحط في بداية كل فصل كل عيلة بولادها عشان الناس اللي لسه بتتلغبط
جاسر ورؤي أبطال الأجزاء اللي فاتت عندهم 6 أولاد رعد وجوري أول تؤام
يوسف ومريم تاني تؤام
سليم وياسين آخر تؤام
-----------------
نرمين أخت جاسر اللي جاسر كان بينتقم من صبري وبنته شاهندا عشانها
نرمين وياسر جوزها عندهم 2
( جاسر الكبير 29 سنة دكتور نفسي
اريج في 2 كلية طب )
ياسر كان ليه بنت من مراته اللي ماتت قبل ما يتجوز نرمين اسمها سما جوزها اسمه مصطفى
______________
عاصم أخو رؤي خال العيال اللي كان بيحب تهاني واتجوز حلم في الجزء التاني عنده ولدين
حسين الكبير مهندس ، مراد الصغير في ثانوية عامة ساقط سنة
_____________
رؤى كان ليها جيران أخ وأخت ساكنين سوا اللي هما عمرو وايمان
ايمان اتجوزت علي صاحب جاسر وعندها شريف الكبير ظابط شرطة ، وليان الصغيرة المدلوقة على الجاموسة جواد
_________
أما عمرو فاتجوز روان بنت صاحب الشركة اللي كان شغال فيها وخلف ولد وبنت
جواد جاموسة متنقلة مهندس ديكور
ومرام دلوعة ماما 22 سنة في كلية إعلام ومخطوبة لشريف ابن عمتها
________
فاضل طرب وملاك ، ومليكة وتوحة وكل الناس دي هنعرف اصلهم وفصلهم فيما بعد
لما تتلغبط اطلع بص هنا وكمل الفصل عادي
نبدأ الفصل ❤
______________
وقفت تنظر إليه وهو يضحك مدهوشة مما يفعل .. رأته يتحرك للخارج لتسرع إليه ، أمسكت كف يده ليلتفت لها .. انتفض ينزع يده من يدها ، أما هي فابتسمت له تحرك رأسها ترفض ما يقول تحادثه :
-أنت مش كدة يا رعد ، أنت ما قبلتش تمسك ايدي حتى ... ما تعملش حاجة عكس طبيعتك ، عشان تثبت لوالدك أنه كان غلط ، أنت نضيف جدااا يا رعد ما تحاولش توسخ نفسك اسمع مني
رغم أن كلامها أخمد ثورة غضبه قليلا ألا أنها مخطئة تماما ، تخبره أنه نظيف لأنه رفض أن تلمس لا تعلم أنه يرتكب ما هو أكبر؛ لأنه معها تحت سقف واحد والباب مغلق عليهم ... أعطته ابتسامة صغيرة لتغمغم سريعا :
-أنا عارف أنك متضايق عشان أنا وأنت لوحدنا ، بص أنا هعملك حتى كوباية عصير لأنك ما كلتش حاجة من الصبح زي ما قولتلي وامشي بعدها ولو إني مش عارفة أنت هتمشي دلوقتي تروح فين ، اقعد يا رعد واهدا
ابتسمت له ومن ثم تحركت للداخل تفكر شاردة حزينة فيما سمعت منه ، ذلك الفتى لاقى الكثير في حياته ، ترى ما سيكون رد فعله إذا علم أنها أيضا تخدعه ، تنهدت بعنف تحمل كوب ماء حين فتحت المبرد خافت أن تلك الزجاجات تحتوي على المخدرات وهي لا تعلم ، وهي لن تخاطر وتؤذيه يكفي ما هو فيه على كل حال ، وكان الحل الأمثل التقطت الكوب الفارغ تفتح صنبور المياه تضع المياه فيه ومن ثم بحثت عن علبة السكر والليمون ، كوب عصير ليمون يدوي سيكون أكثر من جيد ، وضعت معلقتي سكر وقبل أن تفعل شئ آخر وصل رسالة إلى هاتفها ، فتحتها لتجد ذلك الوغد أرسل لها ( جاسر مهران تحت العمارة ما تخليهوش يشوفك ، اخرجي من باب المطبخ على الباب اللي ورا ، بسرعة يلا)
أصفر وجهها ذعرا التفتت تنظر صوب الصالة لترى رعد ينكس رأسه لأسفل يخفي وجهه بين كفيه ، تسللت على أطراف أصابعها إلى باب المطبخ الخلفي تفتحه بحذر ، انتفضت حين سمعت دقات عنيفة على باب المنزل لتسارع تفتح باب المطبخ ... خرجت منه تغلقه خلفها تركض على السلم لأسفل نظرت حولها حذرة قبل أن تهرب بعيدا نزلت لأسفل وقفت بعيدا تراقب تلك السيارات الضخمة التي وقفت تحاوط المكان
أما بالأعلى فصوت الطرقات العالي جعله يقطب جبينه متعجبا ، تحرك من مكانه صوب الباب يفتحه لتشخص مقلتيه حين رأى أبيه يقف أمامه ، في تلك اللحظة لم يفعل شئ سوى أنه نظر خلفه صوب المطبخ حيث من المفترض أن توجد طرب بالداخل ، لم يكن قلقا سوى عليها ... حين عاد ينظر لأبيه احتدت مقلتيه يحاول منعه من الدخول يغمغم محتدا :
- أنت بتعمل ايه هنا ؟ وعرفت إزاي أن أنا هنا ؟ أنت بتراقبني ؟!!
نظر جاسر لفتحة الباب التي تقلصت وتأكد أن ولده يُخفي شئ ما بالداخل فما كان منه إلا أنه تحرك يتقدم دفع الباب بخفة يخطو داخل المنزل ينظر حوله هنا وهناك قبل أن يعاود النظر لرعد يغمغم :
- أنت عارف أنا بدور عليك بقالي كام ساعة ؟! ، عارف حال رؤى عامل إزاي دلوقتي ، شقة مين دي يا رعد وأنت بتعمل ايه هنا ومين معاك ، ما كنتش عايزني أدخل عشان ما أشوفوش
ابتسم رعد ساخرا يكتف ذراعيه أمامه يتهكم منه:
-أنت ما بقاش ليك أي حق تسأل أو تعرف ، ولو سمحت اتفضل خد رجالتك وامشي عشان أنا مش هاجي معاك ، ولو كان على ماما فأنت شوفتني أهو
أقترب جاسر منه وقف على بعد خطوة واحدة منه يهمس له محتدا :
- أنا مش هتحرك من هنا خطوة واحدة غير وأنت معايا ، فالأفضل تيجي معايا بمزاجك يا رعد يا مهران
هنا ضحك رعد عاليا ابتعد عن والده يفتح ذراعيه بحركة درامية ساخرة يردف ضاحكا :
- جاسر باشا مهران بيهددني ، بعد كل اللي عمله لسه بيهدد ، وأنا مش هتحرك من هنا خطوة واحدة يا باشا واتفضل بقى عشان البيوت ليها حرمة
جملة رعد الأخير جعلت جاسر يقطب جبينه قلقا ليتحرك في المنزل سريعا وخلفه رعد يصيح فيه:
- أنت بتعمل ايه دا مش بيتك ومش من حقك تفتح أي باب
لم يعره جاسر انتباها ظل يبحث ولم يجد شيئا ، كاد يصدق أن رعد يقل ذلك ليغظيه فقط حتى دخل إلى المطبخ ورأى كوبي العصير اللذان لم يكتمل صنعهما ، هنا نظر لولده يغمغم محتدا :
-مين كان معاك يا رعد ، ووديتها فين
نظر حوله هنا وهناك ليرى باب المطبخ الخلفي تحرك إليه يفتحه ينظر لأعلى ولأسفل ولكن لا أحد ، عاد إلى رعد قبض على ذراعه يسأله محتدا :
-مين كان معاك يا رعد
وكان الرد ابتسامة ساخرة لا إجابة بعدها ، نزع رعد ذراعه من كف جاسر يعود للخلف يشير صوب الباب يغمغم ساخرا:
-لو سمحت اتفضل عشان الوقت اتأخر وعايز أنام
زفر جاسر أنفاسه بعنف يحاول أن يهدأ ، سيعرف لاحقا كل شئ عن تلك الشقة ومن هم أصحابها الأهم الآن ولده العنيد ، أقترب منه خطوة وأخرى يغمغم مترفقا :
- رعد أنا عارف أنك مخنوق ومتضايق وحقك ، بس ممكن نرجع البيت عشان خاطر والدتك حتى وهعملك كل اللي أنت عايزه ، تعالى معايا يلا
رفع رعد حاجبيه لأعلى ينظر لوالده ساخرا هل يظنه طفلا صغيرا يسهل خداعه بتلك البساطة
رفض محتدا :
- أنت فاكرني عيل صغير بتهاودني ، أنا مش هرجع بيتك دا تاني يا جاسر يا مهران أنت فاهم واتفضل بقى اطلع برة