أسيرة الشيطان الجزء الأول + الجزء الثاني+ الثالث

الفصل الرابع والثلاثون(الأخير)

الفصل الاخير الجزء الثاني
باغتها سيد بضربه من كعب مسدسه علي رأسه فزاعت عينيها بألم وفقدت الوعي ، اتجه سريعا ناحية رؤي واخرج المنديل المخدر من جيبه وجعلها تنستشقه ، فحملها سريعا وخرج من باب المستشفى الخلفي حيث ينتظره صبري

________________________________
علي صعيد آخر كاد صوت صراخه الغاضب أن يشق جدران المستشفي ، عندما دخل غرفتها ولم يجدها ووجد مجيدة فاقدة للوعي

جاسر غاضبا للحرس ؛ هاتولي الكلب الي كان واقف بيحرس الغرفة
تفرق الحرس يبحثون عن الحارس في حين عاد حسين وعاصم ومعه طمطم
حسين بقلق: في ايه
جاسر: رؤي اتخطفت
سقط ما كان في يد عاصم من الصدمة : أنت بتقول ايه
وجد جاسر هاتفه يرن برقم غريب
صبري : طبعا مش لقيها
جاسر غاضبا: هقتلك يا صبري
صبري ساخرا: تؤتؤتؤ اهدي علي نفسك يا جاسوره لحسن يطقلك عرق
جاسر غاضبا: فين رؤي
صبري ساخرا: ما تقلقش رؤي في الحفظ والصون ترجعلي املاكي بالفوايد ارجعلك رؤيتك حبيبتك
جاسر: فوايد ايه
صبري: املاك حازم سليمان الي بين يوم وليلة بقت بتاعتك وترجع تاني تمسح جزم هو دا مقامك
جاسر: موافق
صبري : تمام جهز  عقود التنازل واستني مني تليفون وطبعا مش محتاج زي كل الافلام العربي انك لو بغلت البوليس هرجعهالك قطع يا جاسر

اغلق جاسر الخط واتصل بعلي الذي اخذ ايمان الي احد المطاعم ليفهمها ما يحدث
علي : فهمتي بقي يا بنتي
ايمان باكية: يا حبيبتي يا رؤي ، عمرك ما فرحتي ابدا
علي : حرام تقولي كدة وبعدين جاسر مش ساكت جاسر قالب الدنيا
رن هاتف علي برقم جاسر
علي : خير يا جاسر
جاسر: رؤي اتخطفت
علي بصدمة: ايييه
جاسر: جهزلي الاوراق أنا هتنزل عن كل املاكي لصبري
علي : أنت اتجنت يا جاسر
جاسر غاضبا : مالكش دعوة الي اقوله يتسمع فاهم
علي : طيب خلاص الي تشوفه
اغلق علي الخط
ايمان بقلق : في ايه
علي : رؤي اتخطفت
__________________________________
في تلك الغرفة وقف صبري بجانبه سيد يراقب تلك النائمة
صبري : مش حلوة يعني ، بنتي احلي منها بكتير
سيد في نفسه : بنتك دي صاروخ ااااه ، اصبر عليا لما اخد منك الفلوس وأنا هبعتك رحلة للآخرة وهاخد الفلوس كلها ومعاهم الصاروخ بنتك

فتحت رؤي عينيها تنظر لهم بخواء
صبري ساخرا: صح النوم يا حلوة، ما تخافيش
رؤي ساخرة: ما بقتش تفرف معايا صدقني أنا مش خايفة منك
صبري بتعجب : مش خايفة اني اموتك
رؤي بخواء : يا ريت أنا خلاص تعبت من الدنيا دي
صبري ساخرا: دا واضح أن جاسر معلم عليكي جامد
تلقلقت الدموع في عينيها فاخفت وجهها بين كفيها وبدأت في البكاء

صبري ساخرا: لاء صعبتي عليا ، يلا يا سيد سيبها تبكي علي الاطلال

اخذ صبري سيد وخرجا من الغرفة وذهبا الي مكتبه
صبري بسعادة: كلها كام ساعة وكل حاجة هترجعلي ومعاهم روح جاسر مهران
_____________________________
جاسر غاضبا: انطق يا روح امك مراتي فين
رد عليه حامد بضعف من كثرة الضرب : والله العظيم يا باشا ما اعرف أنا جالي سيد الحارس الي أنت طردته وقالي انك رجعته وان سيادتك الي باعته يقف مكاني
جاسر غاضبا: روقوه عشان يبقي يخالف أوامري تاني