أسيرة الشيطان الجزء الأول + الجزء الثاني+ الثالث

الخامس والعشرون الجزء الاول

للقلب سلطان آخر
الجزء الثالث
       من
أسيرة الشيطان
الفصل الخامس والعشرون 
الجزء الأول
¤¤¤¤¤¤¤
بناء على رغبة القراء هنحط في بداية كل فصل كل عيلة بولادها عشان الناس اللي لسه بتتلغبط
جاسر ورؤي أبطال الأجزاء اللي فاتت عندهم 6 أولاد رعد وجوري أول تؤام
يوسف ومريم تاني تؤام
سليم وياسين آخر تؤام
----------------
نرمين أخت جاسر اللي جاسر كان بينتقم من صبري وبنته شاهندا عشانها
نرمين وياسر جوزها عندهم 2
( جاسر الكبير 29 سنة دكتور نفسي
اريج في 2 كلية طب )
ياسر كان ليه بنت من مراته اللي ماتت قبل ما يتجوز نرمين اسمها سما جوزها اسمه مصطفى
______________
عاصم أخو رؤي خال العيال اللي كان بيحب تهاني واتجوز حلم في الجزء التاني عنده ولدين
حسين الكبير مهندس ، مراد الصغير في ثانوية عامة ساقط سنة
_____________
رؤى كان ليها جيران أخ وأخت ساكنين سوا اللي هما عمرو وايمان
ايمان اتجوزت علي صاحب جاسر وعندها شريف الكبير ظابط شرطة ، وليان الصغيرة المدلوقة على الجاموسة جواد
_________
أما عمرو فاتجوز روان بنت صاحب الشركة اللي كان شغال فيها وخلف ولد وبنت
جواد جاموسة متنقلة مهندس ديكور
ومرام دلوعة ماما 22 سنة في كلية إعلام ومخطوبة لشريف ابن عمتها
_______
فاضل طرب وملاك ، ومليكة وتوحة وكل الناس دي هنعرف اصلهم وفصلهم فيما بعد
لما تتلغبط اطلع بص هنا وكمل الفصل عادي
نبدأ الفصل❤
_________
- بس على فكرة مدام كاملا مامت طرب وملاك عايشة
التفت الجميع صوب تلك الجملة التي خرجت من فم الفتاة الواقفة جوار جاسر ... توسعت حدقتي طرب ذهولا لا تصدق ما تسمع هرعت إلى الفتاة تسألها متلهفة تملأ عينيها الدموع :
- أنتِ إزاي بتقولي ماما عايشة ماما ماتت من سنين ، أرجوكِ ردِ عليا فهميني
مدت أريچ يدها إلى جيب سترتها تخرج هاتفها منها ، بعد بحث بسيط وصلت إلى صورة ما ، قبل أن تمد يدها بالهاتف صوب طرب تحادثها :
- هي دي مامتك ؟
التقطت طرب منها الهاتف يديها ترتجف بعنف نظرت للصورة أمامها لتشهق بقوة تضع يدها على فمها ، والدتها ؟ نعم هي ... ها هي أمامها بعد سنوات ، بعد أن ظنتها ميتة كما اخبروها
نزفت عينيها الدموع ؛ لتركض صوب رعد ترفع الهاتف أمام وجهه تحادثه بحرقة :
- ماما يا رعد ، ماما أهي ، ماما عايشة ... ابوس ايدك وديني عندها
حرك رأسه سريعا يحاول أن يجعلها تهدئها :
- حاضر يا طرب والله هخليكِ تروحيلها ، اهدي بس
ومن ثم نظر لأريچ يسألها :
- أنت تعرفيها منين يا أريچ والصورة دي إنتِ صورتيها فين ؟
ارتبكت أريچ خاصة وإن أعين الجميع مصوبة عليها ؛ لتتمسك في ذراع جاسر الواقف جوارها فتولى هو دفة الحديث :
- مدام كاميلا في الجزء الخيري في المستشفى بتاعتك يا خالي ، هي وأريچ أصدقاء بقالهم أكتر من سنة ، إنما هي في المستشفى اعتقد بقالها سنين ، ست طيبة ومعظم الوقت ساكتة كلامها قليل جداا
هطلت الدموع من عيني طرب تنظر صوب زين تبكي بعنف :
- ماما عايشة يا زين ، كانوا بيكذبوا علينا ، ماما ما ماتتش
أمسك رعد بكف يدها يحادثها مترفقا بحالها :
- اهدي يا طرب هنروحلها ، اهدي لحد ما نتأكد بردوا وما تقوليش حاجة لملاك على ما نرجع
حركت رأسها بالإيجاب سريعا تتشبث بكف يده قبل أن تتحرم سمعت زين يقول :
- أنا هاجي معاكوا يا طرب
جذب رعد طرب بحدة لتقف خلفه في حين تقدم هو صوب زين قبض على إحدى دفتي قميصه يحادثه غاضبا :
- بقولك ايه يا جدع أنت ، اتفضل مع ألف سلامة شوف طريقك أنا مستحملك بالعافية بدل ما اكسرلك رجلك التانية ومعاها دماغك
هنا تحرك عاصم سريعا يفصل بينهما يغمغم على عجل :
- اهدا يا رعد مش كدة ، أنت كنت جاي ليه صحيح يا زين
مد زين يده بالملف صوب عاصم يعرف أنها حجة واهية أن يأتي لهنا بصحبته ذلك الملف متحججا أنه يريد توقيع عاصم عليه ، ولكنه كان يرغب وبشدة في طرب وملاك :
- الملف دا مهم حضرتك لازم توقعه وتقراه كويس ، أنا آسف بجد لو عملت مشكلة بس مدام كاملا ليها فضل كبير عليا ومش مصدق بصراحة أنها عايشة فعايز اشوفها ، يمكن ربنا بعتني هنا دلوقتي عشان اعرف أنها عايشة
اومأ عاصم برأسه موافقا على ما يقول ليلتفت لرعد يحادثه :
- مش هيحصل حاجة يا رعد ، وبعدين هو هيمشي وراكوا بعربيته مش هيبقى معاكوا
روح يا ابني على عربيتك
تحرك زين تحت أنظار جاسر إلى خارج البيت ابتلع لعابه متوترا حين لاحظ نظرات جاسر الحادة المصوبة نحوهه وكأنه يخبره أنه اكتشف أمره ، التفت جاسر إلى رعد يغمغم :
- معلش يا ياسر هتيجي معانا ، يلا يا رعد هات مرات ومش عايز كلمة تالتة لحد ما افهم ايه الحوار دا