أسيرة الشيطان الجزء الأول + الجزء الثاني+ الثالث

العاشر الجزء الاول

للقلب سلطان آخر
الجزء الثالث
       من
أسيرة الشيطان
الفصل العاشر
¤¤¤¤¤¤¤
بناء على رغبة القراء هنحط في بداية كل فصل كل عيلة بولادها عشان الناس اللي لسه بتتلغبط
جاسر ورؤي أبطال الأجزاء اللي فاتت عندهم 6 أولاد رعد وجوري أول تؤام
يوسف ومريم تاني تؤام
سليم وياسين آخر تؤام
-----------------
نرمين أخت جاسر اللي جاسر كان بينتقم من صبري وبنته شاهندا عشانها
نرمين وياسر جوزها عندهم 2
( جاسر الكبير 29 سنة دكتور نفسي
اريج في 2 كلية طب )
ياسر كان ليه بنت من مراته اللي ماتت قبل ما يتجوز نرمين اسمها سما جوزها اسمه مصطفى
______________
عاصم أخو رؤي خال العيال اللي كان بيحب تهاني واتجوز حلم في الجزء التاني عنده ولدين
حسين الكبير مهندس ، مراد الصغير في ثانوية عامة ساقط سنة
_____________
رؤى كان ليها جيران أخ وأخت ساكنين سوا اللي هما عمرو وايمان
ايمان اتجوزت علي صاحب جاسر وعندها شريف الكبير ظابط شرطة ، وليان الصغيرة المدلوقة على الجاموسة جواد
_________
أما عمرو فاتجوز روان بنت صاحب الشركة اللي كان شغال فيها وخلف ولد وبنت
جواد جاموسة متنقلة مهندس ديكور
ومرام دلوعة ماما 22 سنة في كلية إعلام ومخطوبة لشريف ابن عمتها
________
فاضل طرب وملاك ، ومليكة وتوحة وكل الناس دي هنعرف اصلهم وفصلهم فيما بعد
لما تتلغبط اطلع بص هنا وكمل الفصل عادي
نبدأ الفصل ❤
_____________
خرج من المنزل مسرعا يركض كمن يهرب من الموت وصوت والده خلفه يصرخ فيه وكشافات سيارة ضربت أمامه فجاءة والصمت غزا المكان بعد صوت الفرامل العنيفة !!
لم يُسمع سوى صوت اصطدام السيارة بأحد أعمدة الإنارة ، سائق السيارة تفادى الاصطدام به بأعجوبة فاصطدم بعمود الإنارة ، خرج السائق من سيارة سليما يلهث بعنف ... أقترب من رعد الذي لا يزال مكانه في منتصف الطريق عينيه متسعتين ، جسده متجمد كالصنم ليسأله الرجل قلقا :
- أنت كويس يا إبني ، سامحني أنا كنت بتكلم في الموبايل ما شوفتكش بس الحمد لله انك بخير
هنا استفاق رعد حين سمع صوت جاسر يصرخ باسمه قلقا يهرع إليه ، ترك الرجل وهرع يركض بعيدا وكأنه لصا يهرب ... صرخ جاسر باسم ولده مذعورا :
- رعد استنى يا ابني رعد
ولكن لا شئ آخر ما لمحه رعد هناك يستقل سيارة أجرة تختفي بعيدا .. وقف مكانه يتنفس بعنف يحاول أن يجد حلا ، رعد خرج دون نقود ، دون شئ غير هاتفه كيف حتى سيدفع لسائق سيارة الأجرة نقودا وأين سيذهب من الأساس ؟! ، أجفل على يد صاحب السيارة توضع على كتفه ليلتفت له سريعا يبادر يشكره :
- أنا بجد مش عارف أشكرك إزاي لولا أنك لحقت الموقف كان بعد الشر حصلت كارثة ، تصليح عربيتك بالكامل عندي
ابتسم الرجل يحرك رأسه للجانبين نفيا يغمغم مبتسما :
-دا نصيب ومقدر ومكتوب وربك اللي لطف بينا
أنت مش ملزم تصلحلي العربية خالص
رفض جاسر وبشدة أمسك بيد الرجل يمنعه من الرحيل يغمغم محتجا :
-والله العظيم أبدا أنا حلفت ، دي حاجة بسيطة أنت فديت حياة ابني ، ثواني
طلب من أحد حراسه إحضار دفتر الشيكات الخاص به من الداخل وفعل ذلك ومعه قلم ووقع جاسر مبلغ مئة ألف جنية ، توسعت حدقتي الرجل ينظر للرقم المكتوب على الورقة يغمغم مدهوشا :
-ايه كل دا لاء طبعا دا كتير أوي
أمسك جاسر بالشيك يضعه في كف الرجل يغمغم :
- لا كتير ولا حاجة وما تقلقش الشيك فيه رصيد أنا جاسر مهران لو تعرفني ، اتفضل وبجد شكرا ليك
ابتسم جاسر يربت على كتف الرجل قبل أن يتركه ويعود لداخل المنزل وهو على أتم ثقة أنه سيجد رؤى تبكي بحرقة ، أما الرجل فنظر للورقة في يده عدة لحظات قبل أن تدمع عينيه يغمغم :
- سبحان الله ، كنت رايح ابيعها ب 50 ألف وبفكر هكمل باقي الفلوس منين ، الحمد لله ... الحمد لله