أسيرة الشيطان الجزء الأول + الجزء الثاني+ الثالث

الحادي عشر الجزء الثاني

للقلب سلطان آخر
الجزء الثالث
       من
أسيرة الشيطان
الفصل الحادي عشر
الجزء الثاني
¤¤¤¤¤¤¤¤¤
بناء على رغبة القراء هنحط في بداية كل فصل كل عيلة بولادها عشان الناس اللي لسه بتتلغبط
جاسر ورؤي أبطال الأجزاء اللي فاتت عندهم 6 أولاد رعد وجوري أول تؤام
يوسف ومريم تاني تؤام
سليم وياسين آخر تؤام
-----------------
نرمين أخت جاسر اللي جاسر كان بينتقم من صبري وبنته شاهندا عشانها
نرمين وياسر جوزها عندهم 2
( جاسر الكبير 29 سنة دكتور نفسي
اريج في 2 كلية طب )
ياسر كان ليه بنت من مراته اللي ماتت قبل ما يتجوز نرمين اسمها سما جوزها اسمه مصطفى
______________
عاصم أخو رؤي خال العيال اللي كان بيحب تهاني واتجوز حلم في الجزء التاني عنده ولدين
حسين الكبير مهندس ، مراد الصغير في ثانوية عامة ساقط سنة
_____________
رؤى كان ليها جيران أخ وأخت ساكنين سوا اللي هما عمرو وايمان
ايمان اتجوزت علي صاحب جاسر وعندها شريف الكبير ظابط شرطة ، وليان الصغيرة المدلوقة على الجاموسة جواد
_________
أما عمرو فاتجوز روان بنت صاحب الشركة اللي كان شغال فيها وخلف ولد وبنت
جواد جاموسة متنقلة مهندس ديكور
ومرام دلوعة ماما 22 سنة في كلية إعلام ومخطوبة لشريف ابن عمتها
________
فاضل طرب وملاك ، ومليكة وتوحة وكل الناس دي هنعرف اصلهم وفصلهم فيما بعد
لما تتلغبط اطلع بص هنا وكمل الفصل عادي
نبدأ الفصل ❤
______________
صمت ... لن تسمع هنا سوى صوت الصمت ، لن ترى سوى أعينهم المتسعة ونظراتهم المدهوشة المستنكرة صوب تلك الفتاة التي تقف في منتصف الصالة تبتسم لا مبالية بما أحدثت ، يوسف رؤى وجاسر ثلاثتهم لا يصدقون ما يرون أمام أعينهم أتلك هي فاطمة أم أنها فتاة أخرى وهي فقط تشبهها ما الذي حدث لفاطمة الصغيرة لا يصدق أي منهم ما يراه أمام عينيه
إلى أن قررت فاطمة نفسها أن تكسر ذلك الصمت حركت انظارها بين ثلاثتهم تغمغم بابتسامة واسعة :
- هاي عليكوا
نظرت رؤى لشقيقتها مدهوشة مما ترى وتسمع لتصيح فيها غاضبة :
-فاطمة ايه اللي أنتِ عملاه في نفسك دا
تبعها جاسر الذي يقف هو الآخر لا يعي ما بحدث هدر صوته يصيح فيها :
- طمطم أنتِ اتجننتي ايه الهباب دا ؟
تجاهلت فاطمة شقيقتها ونظرت لجاسر زوج شقيقتها وشقيقها الكبير جاسر يكبر عاصم نفسه سنا ، ابتسمت تكتف ذراعيها أمامها تغمغم ساخرة:
- جاسر حبيبي Calm down ، ولو سمحت ما تزعقليش أنا مش طمطم الصغيرة اللي مستنية الشوكولاتة ، أنا كبرت وعارفة أنا بعمل ايه
أحمر وجه جاسر غضبا نظر صوب رؤى ليراها تنظر صوب شقيقتها مصعوقة الدموع تملئ عينيها تضع يدها على فمها تحرك رأسها وكأنها ترفض ما ترى وتحاول حذفه من أمام عينيها ، فما كان منه إلا أن اقترب من فاطمة قبض على رسغ يدها يهزها بعنف يصرخ فيها :
- أنتِ كبرتي واتهبلتي ، ايه البنطلون المقطع دا وفانلة ولا قميص ولا نيلة معري نص بطنك
قاطعته قبل أن يكمل تنزع يدها منه تنظر له محتدة قبل أن تصرخ فيه :
- والله أنا حرة ، أنت مش واصي عليا ، ما حدش فيكوا واصي عليا أنا عندي ٣٣ سنة مش عيلة صغيرة هتضربوها على أيديها لما تغلط
هنا انهمرت الدموع من عيني رؤى لا تصدق ما يحدث ، كارثة تلو الأخرى أولا رعد وما حدث بينه وبين جاسر والآن شقيقتها الصغيرة ، صحيح أن فاطمة لاقت الكثير في الفترة ولكن لم تتوقع أن يصل بها اليأس لتلك الدرجة:
- أنا مش مصدقة اللي أنا شيفاه واللي أنا بسمعه منك
التفت فاطمة إلى شقيقتها التي تقف تبكي تنظر إليها متحسرة ، لتتحرك الخطى إليها وقفت أمامها تبتسم ساخرة قبل أن تردف:
- لاء صدقي يا رورو أنا خلاص بقيت واحدة تانية فهمت صح ، ما أنا طول عمري بصلي وبصوم وبدعي وفي الآخر خسرت كل حااااجة
قطب جاسر جبينه هل يعقل أن ما حدث لها هو السبب ، صحيح أنها عانت ولكن لم يتخيل أن يكن رد فعلها هو ذلك التحول المخيف نظر إليها يغمغم محتدا :
-  يمكن لأنه اختيار من ربنا مثلا
التفتت برأسها إليها تغمغم بابتسامة باهتة :
-اعتبرني سقطت فيه و...
وقبل أن تردف بحرفٍ آخر قاطعها صوت يوسف من خلفها وهو يقرأ آيات من القرآن ، بصوته الهادئ
-( ومن الناس من يعبد الله على حرف فإن أصابه خير اطمأن به وإن أصابته فتنة انقلب على وجهه خسر الدنيا والآخرة ذلك هو الخسران المبين ( 11 ) ) دا كلام ربنا يا خالتي
رجف جسد فاطمة بالكامل حين استمعت للآيات ولكن في اللحظة التالية تذكرت جل ما حدث من صفعة تلتها الأخرى كم تفنتت الحياة في تدميرها وهي لم تؤذي أحد قط ، لما يجب أن تُعاقب وهي لم تذنب من الأساس ، التفتت بكامل جسدها صوب ابن شقيقتها يوسف ذلك الشاب لم تلطمه الدنيا بعد ابتسمت تغمغم بنبرة خاوية فارغة من أي حياة :
-أنا بردوا كنت بقول زيك كدة ، كنت بقول إني لازم أصبر لازم ... بس ليه ، ليه أصبر على بلا وأنا ما عملتش ذنب أصلا ، أنا ما عملتش حاجة يا يوسف عشان اتعاقب كل العقاب ، واللي آذوني عايشين حياتهم وكويسين مبسوطين وأنا اللي اتدمرت وخسرت كل حاجة ، أنت لسه صغير يا يوسف لسه الدنيا ما ورتكش هي قد ايه ظالمة !!!