أسيرة الشيطان الجزء الأول + الجزء الثاني+ الثالث

التاسع والعشرون الجزء الثاني

للقلب سلطان آخر
الجزء الثالث
       من
أسيرة الشيطان
الفصل التاسع والعشرون 
الجزء الثاني
¤¤¤¤¤¤¤¤
بناء على رغبة القراء هنحط في بداية كل فصل كل عيلة بولادها عشان الناس اللي لسه بتتلغبط
جاسر ورؤي أبطال الأجزاء اللي فاتت عندهم 6 أولاد رعد وجوري أول تؤام
يوسف ومريم تاني تؤام
سليم وياسين آخر تؤام
----------------
نرمين أخت جاسر اللي جاسر كان بينتقم من صبري وبنته شاهندا عشانها
نرمين وياسر جوزها عندهم 2
( جاسر الكبير 29 سنة دكتور نفسي
اريج في 2 كلية طب )
ياسر كان ليه بنت من مراته اللي ماتت قبل ما يتجوز نرمين اسمها سما جوزها اسمه مصطفى
______________
عاصم أخو رؤي خال العيال اللي كان بيحب تهاني واتجوز حلم في الجزء التاني عنده ولدين
حسين الكبير مهندس ، مراد الصغير في ثانوية عامة ساقط سنة
_____________
رؤى كان ليها جيران أخ وأخت ساكنين سوا اللي هما عمرو وايمان
ايمان اتجوزت علي صاحب جاسر وعندها شريف الكبير ظابط شرطة ، وليان الصغيرة المدلوقة على الجاموسة جواد
_________
أما عمرو فاتجوز روان بنت صاحب الشركة اللي كان شغال فيها وخلف ولد وبنت
جواد جاموسة متنقلة مهندس ديكور
ومرام دلوعة ماما 22 سنة في كلية إعلام ومخطوبة لشريف ابن عمتها
_______
فاضل طرب وملاك ، ومليكة وتوحة وكل الناس دي هنعرف اصلهم وفصلهم فيما بعد
لما تتلغبط اطلع بص هنا وكمل الفصل عادي
نبدأ الفصل❤
___________
في صباح اليوم التالي تحركت سيارة جاسر على الطريق الزراعي الطويل يوجه أنظاره للطريق أمامه ، شيء بداخله لديه فضول قاتل ليعرف ما حدث ، وشيء آخر يصرخ فيه أن لا شأن له وأن يعد أدراجه ولا يكمل تلك الرحلة ، فضوله سيوصله للهاوية يومًا أكمل رحلته الطويلة يفكر في كل ما مضى يضحك ساخرا على أفكار انتقامه السخيفة التي كان يكنها إليها والآن يرغب فقط في أن ... ، صدقا هو لا يعرف فيما يرغب ، لأول مرة يشعر بتلك الحيرة بين عقله وقلبه وشعور غريب يود إقحام نفسه بينهم ، زفر أنفاسه بعنف يوقف السيارة جانبا نزل منها يتحرك بضع خطوات ليرى عدة رجال يتحركون أمامه اقترب منهم سريعا يسأل :
- صباح الخير يا رجالة ، معلش بيت الحج فتحي فين ؟
نظر الرجال لبعضهم البعض قبل أن يبادر أحدهم قائلا :
- امشي على طول على ايدك اليمين أول فتحة هتلاقي بيت كبير قدامك ، بس الحج فتحي دلوقتي مش هتلاقيه في بيته يا أستاذ هتلاقيه في الأرض من هناك كدة امشي طوالي
ابتسم يشكرهم ، تحرك ليغادر ليسمع أصوات الرجال يتهامسون فيما بينهم :
- تفتكر بيسأل على بيت الحج فتحي ليه ؟
- مش فتحي دا أبو البت مليكة اللي كانت ماشية على حل شعرها مع عادل ابن المزارع اللي عندهم في الأرض قبل ما يتقتل
- يا عم مالناش دعوة ربنا يستر على حريمنا
أكمل خطاه لا يفهم ما يحدث وما تلك الكلمات التي يلكها الرجال كالعلكة في أفواهم ، أكمل طريقه إلى أن وصل لحقل كبير ، ما أن وصل اشتم رائحة البرتقال المحببة لقلبه ، تحرك يسأل عامل وآخر عن مكان فتحي ، إلى أن أشار له أحد العمال صوبه ، نظر هناك ليرى رجل يقف أمامه لم يرى وجهه شعره أشيب ، مديد القامة ، تحرك إليه وقف بالقرب منه يتحدث :
- حضرتك الحج فتحي والد مليكة ؟!
التفت فتحي له في لحظة ليرى كيف توسعت حدقتي الرجل ذعرا ما أن ذكر اسم ابنته فقط ، اقترب منه سريعا يغمغم مذعورا :
- ايوة أنا ، بنتي كويسة حصلها حاجة ، وبعدين أنت مين وتعرف بنتي منين
نفى فرضية أن مليكة تتعرض لعنف أسري فالرجل أمامه كاد يموت خوفا عليها من كلمة واحدة ، ابتسم جاسر يومأ برأسه يحادثه :
- ما تقلقش يا حج فتحي بنتك بخير وزي الفل ، أنا اللي عاوز حضرتك في كلمتين ، ممكن نقعد
نظر فتحي له مرتابا عدة لحظات قبل أن يوافق رفع يده يربت على كتف جاسر يدعوه لداخل غرفة جانبية ، دخل جاسر وجلس على مقعد أمام فتحي الذي ظل يتفحصه بنظراته لعدة لحظات وكأنه رآه قبلا ، ابتسم فتحي ابتسامة صغيرة يحادثه :
- إنت فيك شبه من واحد أنا كنت أعرفه زمان ، ربنا يمسيه بالخير ، ما اتعرفتش بيك
ابتسم جاسر يومأ برأسه يردف بهدوء:
-  أنا اسمي جاسر ياسر راضي دكتور نفسي
قطب فتحي جبينه قبل أن يهب واقفا نظر لجاسر غاضبا قبل أن يصدح بصوته :
- ابن دكتور ياسر اللي كان بيعالج نرمين هانم أخت جاسر باشا اللي أنا كنت شغال عنده زمان وطبعا والدتك سمتك على اسم خالك ، اللي ما تعرفوش يا دكتور إن أنا زمان كانت شغلانتي عند خالتي إني أجيب قرار أي حد عايز يعرف عنه معلومة ، وفي ناس كتير افتكرها من مجرد الاسم ، أنت عاوز ايه من بنتي يا دكتور