أسيرة الشيطان الجزء الأول + الجزء الثاني+ الثالث

التاسع والعشرون الجزء الأول

للقلب سلطان آخر
الجزء الثالث
       من
أسيرة الشيطان
الفصل التاسع والعشرون 
الجزء الأول
¤¤¤¤¤¤¤¤
بناء على رغبة القراء هنحط في بداية كل فصل كل عيلة بولادها عشان الناس اللي لسه بتتلغبط
جاسر ورؤي أبطال الأجزاء اللي فاتت عندهم 6 أولاد رعد وجوري أول تؤام
يوسف ومريم تاني تؤام
سليم وياسين آخر تؤام
----------------
نرمين أخت جاسر اللي جاسر كان بينتقم من صبري وبنته شاهندا عشانها
نرمين وياسر جوزها عندهم 2
( جاسر الكبير 29 سنة دكتور نفسي
اريج في 2 كلية طب )
ياسر كان ليه بنت من مراته اللي ماتت قبل ما يتجوز نرمين اسمها سما جوزها اسمه مصطفى
______________
عاصم أخو رؤي خال العيال اللي كان بيحب تهاني واتجوز حلم في الجزء التاني عنده ولدين
حسين الكبير مهندس ، مراد الصغير في ثانوية عامة ساقط سنة
_____________
رؤى كان ليها جيران أخ وأخت ساكنين سوا اللي هما عمرو وايمان
ايمان اتجوزت علي صاحب جاسر وعندها شريف الكبير ظابط شرطة ، وليان الصغيرة المدلوقة على الجاموسة جواد
_________
أما عمرو فاتجوز روان بنت صاحب الشركة اللي كان شغال فيها وخلف ولد وبنت
جواد جاموسة متنقلة مهندس ديكور
ومرام دلوعة ماما 22 سنة في كلية إعلام ومخطوبة لشريف ابن عمتها
_______
فاضل طرب وملاك ، ومليكة وتوحة وكل الناس دي هنعرف اصلهم وفصلهم فيما بعد
لما تتلغبط اطلع بص هنا وكمل الفصل عادي
نبدأ الفصل❤
___________
الساعة الرابعة والنصف عصرا حين عادت من جامعتها ، دست المفتاح الخاص بها في قفل الباب ، دخلت تلقي حقيبتها على أحد المقاعد تحركت صوب غرفتها ليستوقفها صوت بكاء زينب توسعت حدقتاها ذعرا تهرع إلى غرفتها ظنا أن مكروها أصابها ، فتحت باب الغرفة لترى زينب تجلس على سطح الفراش تطوي ساقيها أمامها تبكي ، اقتربت منها سريعا تسألها قلقة :
- مالك يا زينب بتعيطي ليه يا حبيبتي ، حد ضايقك ، ما تنطقي يا زينب ما ترعبنيش عليكِ يا بنتي
رفعت زينب وجهها تنظر إلى مليكة عدة لحظات قبل أن تشهق عاليا ترتمي بين أحضانها تتمتم من بين شهقتها :
- كلمني بأسلوب وحش أوي وطردني يا مليكة وأنا والله ما عملتوش حاجة
قطبت مليكة جبينها غاضبة لا تعلم من فعل ذلك ولكنه بكل تأكيد شخص يستحق بتر رقبته
أبعدت زينب عنها تمسح دموعها مرة بعد أخرى أسألها محتدة :
- بطلي عياط يا زينب مين اللي عمل كدة وأنتِ ازاي تسمحيله يعمل كدة
احتاجت زينب بضع دقائق حتى هدأت قليلا تنفست بعمق قبل أن تقص عليها ما حدث صباح اليوم مع شريف ، انعقد حاجبي مليكة غضبا كيف تسمح له بأن يتجاوز حده ، كيف لم تصفعه ذلك الوغد الوقح زفرت أنفاسها بعنف تحادثها محتدة :
- وأنتِ إزاي ما تهزقيهوش ولا تلطشيه قلم يعلم على خلقته ، إزاي سيبتيه يكلمك بالأسلوب دا يا زينب ، أنتِ مش شغالة عنده وحتى لو شغالة عنده مش من حقه يكلمك بالطريقة دي ولا يطردك ، وأنتِ بعبطك عيطتي ومشيتي ، عارفة لو أنا كنت كسرتله رجله التانية
رفعت زينب يديها تمسح دموعها ابتلعت غصتها تهمس بنبرة مختنقة :
- أنا اتصدمت من رد فعله وأنا ما عملتوش حاجة من صدمتي عيطت وطلعت اجري ، بس بصراحة مامته اعتذرولي كتير أوي ، وفضلوا يقولولي ان حالته النفسية وحشة جداا  من ساعة ما حصله الحادثة