أسيرة الشيطان الجزء الأول + الجزء الثاني+ الثالث

الفصل الثامن الجزء الثاني

للقلب سلطان آخر
الجزء الثالث
       من
أسيرة الشيطان
الفصل الثامن
الجزء الثاني
¤¤¤¤¤¤¤
بناء على رغبة القراء هنحط في بداية كل فصل كل عيلة بولادها عشان الناس اللي لسه بتتلغبط
جاسر ورؤي أبطال الأجزاء اللي فاتت عندهم 6 أولاد رعد وجوري أول تؤام
يوسف ومريم تاني تؤام
سليم وياسين آخر تؤام
-----------------
نرمين أخت جاسر اللي جاسر كان بينتقم من صبري وبنته شاهندا عشانها
نرمين وياسر جوزها عندهم 2
( جاسر الكبير 29 سنة دكتور نفسي
اريج في 2 كلية طب )
ياسر كان ليه بنت من مراته اللي ماتت قبل ما يتجوز نرمين اسمها سما جوزها اسمه مصطفى
______________
عاصم أخو رؤي خال العيال اللي كان بيحب تهاني واتجوز حلم في الجزء التاني عنده ولدين
حسين الكبير مهندس ، مراد الصغير في ثانوية عامة ساقط سنة
_____________
رؤى كان ليها جيران أخ وأخت ساكنين سوا اللي هما عمرو وايمان
ايمان اتجوزت علي صاحب جاسر وعندها شريف الكبير ظابط شرطة ، وليان الصغيرة المدلوقة على الجاموسة جواد
_________
أما عمرو فاتجوز روان بنت صاحب الشركة اللي كان شغال فيها وخلف ولد وبنت
جواد جاموسة متنقلة مهندس ديكور
ومرام دلوعة ماما 22 سنة في كلية إعلام ومخطوبة لشريف ابن عمتها
________
فاضل طرب وملاك ، ومليكة وتوحة وكل الناس دي هنعرف اصلهم وفصلهم فيما بعد
لما تتلغبط اطلع بص هنا وكمل الفصل عادي
نبدأ الفصل ❤
___________
في سيارته ضغط على المكابح بعنف ، أوقف السيارة وقفز خارجها ، دخل إلى المستشفى يركض يهرول إلى غرفة سامر ... قبل قليل أخبرته المستشفى أن سامر دخل في حالة  هياج شديدة ، كان على أتم ثقة أن ذلك سيحدث ولكن ليس بتلك السرعة ... سيبدأ الصراع بين النفس الخاملة الراكدة المستسلمة وشغلة الحياة التي بثها في العقل ... العقل المهيمن بات مشتت جزء رافض الحياة والآخر يستيقظ لها والنفس الراكدة تحاول جذبه للنوم من جديد ، والمسكين بينهما لا يعرف ما يفعل يحاول ويستسلم ويحاول ويستسلم ، هرع يركض إلى غرفة سامر ، رأى أحد الأطباء من القسم يعرفه وجواره ممرض والطبيب يحادث الممرض :
- أول ما ندخل تكتفه وأنا هديله المهدئ
توسعت حدقتيه ليتنفض يهدر محتدا :
-ايه يا جماعة جو الأفلام العربي دا ، هو اللي جوا مدمن ، لو سمحتوا ابعدوا عن الأوضة أنا هتصرف ، لو سمحت يا دكتور سمير اتفضل

نظر الطبيب له حانقا ذلك المتحذلق يظن أنه أفضل منهم لأنه ابن مدير المستشفى فقط ، التفت له يحادثه غاضبا:
- أنت مش من حقك تقولي اتفضل يا جاسر ، أنت لسه دكتور صغير ما عندكش الخبرة اللي عندي وعندنا كلنا
تأفف جاسر حانقا الوقت ليس بالمناسب إطلاقا مع صوت صرخات سامر ... ابتسم جاسر يغمغم بهدوء تام :
- لو على الخبرة ، فالخبرة اللي عندي تتعمل كتب ومراجع وابقى اقراها عشان تتعلم منها ، وأنت عارف أنها مش بالسن يا دكتور سمير .. اللي جوا دا مش مدمن عشان تكتفه وتديله مهدئ وكل ما نفوق نكتفه ونديله مهدئ إحنا كدة بندمره مش بنساعده ، لو سمحت دي الحالة بتاعتي بقرار من الدكتور ياسر نفسه وبعد إذنك اتفضل
ونظرة حادة غاضبة تتأجج حقدا ألقاها سمير على جاسر قبل أن يتركه ويغادر ، ابتسم الأخير ساخرا .... أخرج المفتاح من جيبه يفتح باب غرفة سامر ليراه يجلس في أحد أركان الغرفة يضم ركبيته لصدره يتحرك للأمام وللخلف يحادث نفسه مشتتا ، وقف بالقرب منه يحادثه بنبرة مترفقة :
- سامر ، مالك يا صاحبي
رفع سامر وجهه ينظر لجاسر وكلمة صديقي تدق في أذنيه بعنف لتزيده تشتتا ، قام من مكانه وقف أمام جاسر يحرك رأسه للجانبين بعنف ارتعشت شفتيه يصرخ فيه :
-إحنا مش أصحاب ، ابعد عني أنت عايز مني ايييه ، سيبني في حالي .. أنا كنت كويس قبل ما اشوفك
لم يبتسم حتى رسم التأثر جيدا على قسمات وجهه يغمغم حزينا متأثرا :
- ليه ، أنا زيك ماليش أصحاب ... دا أنا قولت أخيرا لقيت صديق ، ليه عايزني أبعد يا سامر