لبارت الثاني والخامسون
زهور بنت سلسبيل
بقلمي منى عبدلعزيز.
أحمد ينظر إلي زهور الجالسه دون ان تتحدث يقترب منها بعد ان استاذن من تلك التي بجانبه..
أحمد / عارف إنك زعلانه عشان مجبتلكيش
سيرة علي علاقتي بالدكتورة هنا بس كل حاجه جات فجاءة من غير معاد.
زهور/ بسرعه تحدثت بالعكس انا فرحانة اوي عشان
حضرتك وربنا يعلم قد ايه سعيدة وبدعي ربنا يعوضك علي كل ال عشته وكمان فرحانه
إن الدكتورة باين عليها بتحبك اوي.
أحمد /ابتسم وهو ينظر تجاه هنا
كل حاجه جات صدفةمن غير معاد
عقلي إختارها قبل قلبي والحمد لله هي كمان
اختارت بنفس الطريقة واتفقنا نديي بعض فرصه
نقرب من بعض ونفهم شخصياتنا وأهو كل يوم
بنقرب من بعض وقريب اوي هنعمل حفلة علي الضيق وهنكتب الكتاب .
زهور/بفرحه الله ده أحلا خبر سمعته بحياتي
مبروك يا بابا لتقف سريعا متناسية عصاها
الطبية تحاول تخطوا تجاه هنا الجالسة
بجوار احلام تتجاذب معها اطراف الحديث
لتخطوا خطوة والثانية لم تحملها قدمها
وتسقط أرضاً.
لتصرخ بالجميع وهم يحاولوا مساعدتها
زهور / أنا مش عوزة اشوف النظرة دي
فعيونكم ومحدش يقربلي انا هقف لوحدي
ماهو لازم اققع عشان اعرف اققف من تاني
ماهو مش هفضل طول عمري ااقع وانتم
تساعدوني مش طول الوقت هتكونوا
جنبي لتحاول الوقوف عدة مرات لتسقط مع كل
محاولة لها تبكي وتضرب الارض.
احمد / يقترب أحمد منها يمد يده زهور خاليني اساعدك المرة دي لحد
ما تكملي علاجك وتعتمدي علي نفسك.
زهور/ ارجوك سبني يا بابا دلوقتى
وياريت كلكم تسبوني وتخرجوا
انا عوزة افضل لوحدي .
هنا نظرت لها بشفقه وتحدثت بحب لزهور.
هنا/ مع اني كنت حابة ااقعد معاكي شوية
ونتعرف علي بعض من كتر كلام أحمد عنك
وانا نفسي نتعرف علي بعض بس إية رايك
نحدد معاد تاني.
زهور/ رفعت عينها لتقابل عين هنا لتنظر لها هنا
ببتسامة حانيه، وأنا نفسي اتعرف عليكي واشوف الست ال خطفت عقل وقلب بابا أحمد. بس أنا
أسفة علي ال حصل واوعدك هجي بنفسي
للمركز ونتعرف علي بعض.
خرجت هنا بصحبة احمد وبدير وروحية وأحلام. بعد الحاح من زهور.
ظلت زهور جالسة مكانها عينها مثبته علي نقطه ما
تحاول رفع نفسها مرة تلو ألاخري لاكثر من محاولة
نجحت اخيراً بعد ملامست الكرسي لتقف بصعوبه
لتنقل قدمها اليسري وتجر اليمني التي فقدة الحياة
تشعر بانها تقف علي قدم واحدة كادت أن تسقط
لولا استندها علي الكرسي .
لتعتدل وتجلس فوقة تتلمس قدمها تحدثها وتضرب
بيدها عليها. ظلت جالسه مكانها تتنفس بصوت عالي
تنظر امامها وعينها مثبته علي الحائط وتجلس صامته لا تيسمع غير صوت انفاسها العاليه مرت عدة ايام
وزهور قليل ما تخرج من غرفتها دائما نائمه مغمضة
العينين قريرت العقل. ترفض الذهاب لجلسات العلاج
الطبيعي رأفةًبحال جدتها من ثقل الحمل عليها
وزاد بتلك الجالسات العلاجية المكلفة حتي احمد
اصبحت ترفض مقابلته أو الاتصال به أنطفاءت
ضحكتها اصبحت عصبيه ترفض تناول العلاج
مهما ترجتها أحلام شاردة معظم الوقت لا تتحدث
او تنطق بكلمة مع جدتها، طوال الوقت نائمة
ترفع راسها فور خروج احلام من المنزل لتهب من مكانها تجزب عصاها وتبداء بالتمرين التي كانت تتدرب عليها بمركز العلاج الطبيعي وما تتعلمه
من تمرينات علي هاتفها ساعدها المدرب وسجلهم له حتي تتدرب بالمنزل عليها تبكي من شدة الالم وتحملها علي نفسها تضغط علي أعصابها لتمر ايام وهي تتدرب حتي نجحت واستطاعت الوقوف بشكل طبيعي جداً لم تدم فرحتها لتسقط ارضا وتعاود الكارة مرات حتي نجحت ولكن باءت محاولتها بالفشل حتي تحاملت قبل سقوطها
لتستند علي عصاها بداءت تمشي بثبات متكزه علي
عصاها لعده ايام حتي نجحت اخيراً في خطوا اول خطواتها بنجاح مع عرج بسيط بقدمها اليمنى.
تقف تحمد ربها مع اتزان جسدها.
زهور / اللهم لك الحمد تقولها وهي تخطوا ذهابا وايابا لتأتي برأسها فكره وتقوم پإتصال هاتفي لجدتها !
أحلام جالسة في محلها تحدث بدير في عدة أمور.
احلام / تعبت وقلبي معتش متحمل وأنا شايفة البنت بتنطفي قدام عنيا ومش قادرة اعمل ليها
حاجه .
بدير / هنسبها كده بضيع نفسها ومستقبلها الجامعات
فتحت والدراسة بداءت فيها من شهر فات مش حرام ده؟!.
أحلام / غلبت أاقول لها حتي الدكتور أحمد جاب ليها
الكتب وكام محاضرة وبردة رفضت تشوفهم او تقربلهم حتي إنها رفضت تقابله وكسرت فرحته.
لتزهل وهي تري اسم زهور ينير هاتفها مع تزايد
رناته لتفتح الاتصال سريعا.
أحلام / تضع الهاتف علي اذنها تبلع اريقها خلف بعضهم تبتسم وتدمع عينها لتغلق الهاتف وتلتف
لبدير الواقف ينظر لها متعجبا للحالة التي عليها دون
ان تنطق بكلمة مع المتصل!
أحلام/ زهور إتصلت وبتقولي عوزاني ضروري بالبيت.
بدير / انا جاي معاكي أمكن تحتاجوني.
أحلام / بلاش لو إحتاجتك هتصل عليك زهور بقت حساسة واديك شوفت أخر مرة حصل عملت إيه.
ذهبت احلام لمنزلها وصعدت مسرعه الدرج وهي تلهث فتحت الباب بيد مرتعشه لتقف متسمره مكانها
وهي تري زهور واقفه دون عصا وترتدي ملابس خروج تخطوا خطوات تجاهها بدون ان تسقط او تستند علي شئ تتساقط دمعتها من فرط ساعدتها
لتقترب منها زهور ترتمي باحضانها.
زهور/ حبيت اعملهالك مفجاءة.
أحلام تضمها اليها تنتحب بسعادة .
احلام / الحمد لله يارب الحمد لله كده تخبي عليا
وتسبيني قلقانه وهموت من القلق والخوف عليكي.
زهور/ ننسي ال فات لترفع وجهها ستي وديني المركز لبابا أحمد عوذة اعملهالوا مفجاءه هو تعب معايا كتير وانا كنت قليلة الذؤق معاه.
أومت احلام وامسكت يدها وخرجتا من الشقه تهبط الدرج بصعوبه لعدم تدربها علي الصعود والهبوط
كادت تسقط لولا يد أحلام حتي انتهت من درجات
المنزل لتخرج للشارع وتبعد يد أحلام عنها تنظر
للطريق بسعادة لتشير أحلام الي عربة إجرة وصعدتا
بها متوجهين للمركز الخاص بأحمد.
احمد جالس بمكتبه يراجع أحد التقرير مع هنا
ليدق الباب.
احمد / ادخل.
ليفتح الباب وتدخل زهور بجوار احلام.
زهور /بابا أحمد.
احمد رفع عينه لاعلي ليهب
واقف من مكان جلوسة وهو يري تلك الواقفه امام الباب ليبتعد من مكانه وهو يري خطواتها اليه وضحكتها علي وجهها تحدثة مع كل خطوة تخطوها تجاهه.
زهور/ وحشتني اوي يا بابا اسفة اني زعلتك مني
حبيت اعملهالك مفجاءة واجي بنفسي اشوف الدكتورة هنا واتعرف عليها.
احمد وقف امامها تلقفها بيديه يدور بها وهو يضمها بسعاده.
هنا / ببعض الحدة مما راءت من تبدل حال أحمد
أحمد مش كفاية كدة وتخلينا مجال انا وزهور
نتعرف علي بعض.
اخرج احمد زهور من احضانه وامسك يدها واجلسها
بجوارة بينه وبين هنا واشار الي احلام التي تنظر لهانا وامتعاض وجهها لتجلس بالقرب منهم.
أحمد / كدة تتعبي اعصابنا الفترة ال فاتت دي وترفضي تحضري جوازنا انا وهنا.
زهور/ سامحني يا بابا وحضرتك يا دكتورة غصب عني كنت محتاجه افضل لوحدي فترة اعتمد علي نفسي. واستعيد قوتي واديني جيت افرحكم معايا
وأبارك لكم وكمان كنت وعدت الدكتور ة إني هاجي ازورها بنفسي.
ظلت فترة تتحدث مع هنا التي استشعرت غيرتها
علي أحمد منها مهما حاولت هنا ان تداري مشاعرها
وترسم الابتسامه علي وجهها الا وصلت تلك الاحاسيس لزهور لتستاذن بالذهاب .
زهور/ انا مبسوطه اني قابلتك اوي يا دكتورة وان شاء الله نتقابل قريب بعد اذنكم لازم أمشي الوقت إتاخر وعندي جامعه بكرة.
خرجت زهور واحلام دون ان تتحدثا.
يمر الليل باحداثه وفي الصباح ترتدي زهور ملابسها
وتخرج لجدتها لتذهب معها لجامعتها بعد الحاح من احلام حتي تتطمئن عليها.
ذهبت زهور لكلية الهندسة تسالةعن جدول محاضرتها ودخلت قاعة المحاضرة تري عالم جديد عليها شباب وبنات يجلسون بالقرب من بعضهم ظلت تجوب بعينها بالمدرج تبحث عن مكان تجلس به حتي وقع بصرها علي مكان فارغ ذهبت بخطواتها تحاول ان تسرع خوفا من ملاحظة أحد عرج قدمها
جلست بعد تعرفت علي زميلة لها تجلس بجوارها
بلباقتها.
زهور / السلام عليكم انا زهروان زياد ممكن نتعرف .
الفتاة /اهلا زهروان طبعا عارفاكي كنت معاكي بالمدرسة بس عشان مكنتيش بتحضري كتير متعرفنيش انا ياسمين محمود .
تحدثتا سويا وأخبرتها ياسمين بانها سوف تعرفها
علي باقي زميلاتهم بعد المحاضرة
أتي دكتور المادة بداء بالشرح وزهور جالسة تستمع له بانصات تدون كل ما يقوله
بعد الانتهاء تعرفت علي اكثر من زميله قامت ياسمين بتعرفها عليها.
مر اليوم تبدلوا أرقام الهواتف زهور طلبت منهم بعض المحاضرات التي فاتتها قامت إحداهما بمساعدتها بشرحهم لها.
مرت الايام وزهور تذهب للجامعه وتعود اصبحت لا تقابل احمد الا نادرا حفاظا علي مشاعر هنا وخاصة
بتقرب هنا من رشا شقيقة أحمد.
زهور أصبحت حديث دكاترة الجامعه وطلابها بتفوقها ومناقشتها لهم حاول الكثيرين التقرب منها
وخاصة بعض الشباب المشهورين بالجامعه
واكثرهم جذبا للفتايات تجنبتهم زهور بقدر الامكان جزبت احدهم اصبح كظلها بالجامعه
حاولت الكثير ان تتلاش الكلام معه مما زاد ه
تعلقاً بها اثار هذا حفيظة الكثير من الفتايات
واثارت غيرتهن وخاصة من هن قريبات من ذاك
الشاب شارف العام علي الانتهاء وهي تعاني
من تنمر الفتايات عليها وكلامهم عليها
بانها تدعي البراءة وهي من تسعد
بتقرب الشباب منها، حتي انها انقطعت
فترة عن الذهاب للجامعه وإكتفت
بمقابلة صديقتها ياسمين واخذ
المحاضرات منها تذكرها جيدا
مما اثار شك احلام بداءت تسالها
لتتهرب منها زهور وتخبرها كل يوم بحجه غير الاخري لتعود زهور لجامعه بصخبة ياسمين
فور دخولها المدرج وجدت من يجلس جوارها
يخبرها بسعادته بعودتها يمسك كتابها ويكتب
لها رقم هاتفه ويتركها تنظر في اثره بزهول
تشير الي ياسمين وتحدثها.
زهور / شفتي بجاحه بالشكل ده هو فاكر
نفسه مين.
ياسمين / متزعليش مني يا زهور بس كل
ال بالجامعه بيحسدك علي جمالك وليه
حق يجنن ويعمل أكتر من كدة مش بتشوفي
وشك بالمراية ولا جمال عيونك يابنتي دا
انا بنت وعيونك جننوني ببق مش عوزة
ابطل بص فيهم لونهم غريب لا تعرفيهم
ازرق ولا اخضر حاجه كده تخطف القلب.
زهور/ ياسمين انتي بتكلمي بجد إيه
الكلام ال بتقولية ده انا مستغرباكي.
باسمين /يا بنتي حقك تفرحي كل
شباب ودكاترة كلية الهندسه بدفعاتها
الخمسة هيجننوا عليكي وتاني مرة
بقلك ليهم حق ادب وجمال واخلاق
وتفوق والله انا كلمت ماما عليكي
نخطبك لاخويا سيد.
زهور تضرب كف بالاخر والله مجنونه
يابنتي بقي عوزاني اجوز سيد اخوكي
ال في ثانوي لا كمان ابق مدام سيد
لتضحكا معا لتختفي ابتسامتها تدريجيا
وهي تسمع ما تلقية عليها إحدي
الطالبات كلمات إهانه وتسبها ابشع
السباب.
الفتاة / تقف امامها وتشير عليها
بقي انتي ال سامح سبني عشانها.
زهور/ تنظر لها ببلاهه وتحدثها
نعم سامح مين لا مؤخذه وسابك ازاي
يعني.
الفتاة / لا والله متعرفيش بقي متعرفيش مين
سامح، سامح ال لسه كانةقاعد جنبك وبيكتبلك رقمه
علي الكتاب حالا ولا بقي هتعمليهم عليا وتقولي محصلش.
زهور/ هو فرقع لوز ده إسمه سامح تصدقي مخصليش القرف عشان اعرفه ولو علي الرقم
انا شطبت عليه وتقدري تتأكدى بنفسك.
لتفتح زهور كتابها ترفعه امام عين الفتاة
التي نظرت تجاه زهور بكراهية تشير باصباعها
الفتاة/ عمايلك دي تعمليها علي حد غيري انا مبيضحكش عليا بسهوله، انا مش هقولك هعمل
فيكي إيه ماهو العيبك دي وتمثيل التقل عليه لحد
ما يقع فيكي مايخلش عليا وبقولك اهو ابعدي عنه
احسن لك.
لتتركها زهور تسشيط غضباً تتوعد بداخلها لزهور بالانتقام منها.
زهور عادت لبيتها بعد يوم طويل لم تسلم فيه
من نظرات الشباب لها وحديث الفتايات عليها
بالرغم من ملابسها العادية غير الملفته لكن
طالتها تخطف القلوب قبل العقول قررت
ان تبدل مظهرها وملابسها لتقوم
زهور برجع لملابسها القديمه البنطال الواسع والحجاب الطويل الذي يصل لمنتصف ظهرها
والبلوز الواسع الثقيل وقامت باخفاء نصف وجهها
بالحجاب حتي تتجنب تلك النظرات.
لتصدم ياسمين من تلك الملابس التي ترتديها زهور
سامح فور رؤية ياسمين تدخل الجامعه بدون زهور
كما يعتقد ذهب اليها يسالها عنها ليصدم وهو يري زهور هي التي بصحبة ياسمين ليقترب منها بجزبها من يدها.
سامح / ليه متصلتيش عليا طول الليل مستني اتصالك.
زهور ابعدت يده عنها وقامت بصقه علي وجهه
بكف يدها تحدثه بنبرة حاده
زهور /انت إجننت ازاي تمسك ايدي بالشكل ده
وتطلع مين انت عشان اتصل عليك، انا بحزرك
لو قربت مني مرة تانية شوف ال هيحصلك
لتتركه يستشيط غضباً ويقسم لها بانها ستاتي
لتعتزر منه عن قريب.
