زهور بنت سلسبيلة
بقلمي منى عبد العزيز
حسن
البارت السادس
حسن صعد الي سيارته يبكي بصوت عالي زخرات دموعه لا تتوقف كلما تلاشت الرؤيه امامه ازاح عبراته باكمام ملابسه يناجي ربه بالصبر تحدث مع نفسة
زياد اول مرة اروح مقابلة لينا وانا عارف اني مش هشوفك ولا هكلم معاك واحكيلك همي ومشاكلي
وانت تسمع وتهز راسك وتبتسم ابتسامتك الصافيه ال بتهون عليا الصعب كنت بتعرف تخرج ال جوايا
من غير ما اخطط هقول ايه كنت بتخرج كل كلمه
وبكلامك الحلو وحكمتك بتحتوي ألالمي واوجاعي من اول مرة اتقبلنا فيها في ابتدائي وانت كنت اخويا وابويا وصحبي دايما كنت سند ليا كاتم أسراري منقذي من نفسي كتير حمتني ودفعت عني
بالرغم مشكلك واوجاعك إلا أنت كنت بتحتوني ومش بتحسسني بالوحده كنت العالم كله ليا سبتني لمين يا صاحبي سبتني لو حدي بعد كنت كل ما ليا
بعد فترة قصيره وقف بسيارته أمام مدافن عائله صديقه زياد وقف بالسيارة يضع رأسه علي المقود مدة ليرفع راسه يزيح عبراتةويتنفس عدة مرات متتاليه وفتح باب السيارة
و ترجل بصعوبه منها دموعه تسيل علي وجنتيه مع خطواته الذي يخطوها بثقل وتهبط تلامس شفتاة شعر بملوحاتها التي لا تقل عن مرارةجوفه كلما اقترب من قبر صديقه ارتعدت اوصاله ازدادت دموعه حتي
وقف أمام قبرة قليلا يترحم عليه ويتلو القرآن وبعض الادعيه بصوت مهزوز وعيون تلاشت الرؤيه منها حتي خارت قواه جثي علي ركبتيه يتلمس التراب انحن وضع راسه عليه يبكي بحرقه دموعه حفرت مكانها علامات.
حسن /ينادي بصوته علي صديقه زيااااااد زياااااد فينك يا صحبي متعرفش خبر موتك نزل علي قلبي ازاي عقلي لحد دلوقتي مش مستوعب، مش قادر أصدق انك تحت التراب وانا فوق لاول مرة يجمعنا مكان واحنا مش جنب بعض، لاول مرة من عشرين سنة نكون جنب بعض ومش شايفين بعض
كدة يا صاحبي تروح وتمشي وتسبني وحدي لاحضرت صلاتك ولا رفعت نعشك علي كتفي .
كل وجع الدنيا يهون الا وجع بعدك
ااااه اااه يارب يارب صبرني يارب علي فراقه اااااه علي وجع قلبي عليكي يا صحبي
مش قادر اتحمل حاسس ان قلبي هيقف بس انا مش مسمحك يا صحبي هو ده العهد الا عهدتهولي اننا مش هنفترق
هنت عليك تروح وتبعد عني بعد العمر ده كله واحنا مع بعض اكتر من الاخوات رحت فين وسبتني مهنش عليك تودعني هانت عليك العشرة والسنين الطويله تبعد كده وتسبني من امته بتروح مكان من غيري
عشرين سنه عشرين سنه واحنا صحاب علي الحلوة والمرة من اول يوم اتعرفنا واتعهدنا نكون اصحاب
من امته وانت بتقرر لوحدك ، بسهوله كده روحت طيب كنت نبهني قبلها وعرفني إزاي هقدر اعيش من بعدك ليه استعجلت كده واستسلمت وانت طول عمرك بتتحمل عشرين سنه متحمل اوجاع كتير ميتحملهاش بشر ضعفت اوي كدة مقدرتش تعافر وتقاوم استسلمت بسرعه كدة اختارت تهرب ولا قلبك مقدرش يتحمل ظلمهم ليك بس طول عمرك مستحمل ال اكتر من كدة مش هسمحهم كلهم مش هسامحهم حتي سلسبيل مش هسامحها عارف انك هتزعل مني بس مش هقدر انسي ان حزنك علي بعدك عنها خلاك نايم تحت التراب دلوقتي ومنعرفش هيا فين اقسم بالله يا صاحبي اشوفها واعرف مكانها لانتقم منها واخد زهروان منها وهخليها تتمنا الموت ومش تطوله حتي زايد اخوك مش هرحمه علي العيشك فيه .
