ដែនស្នេហ៍សាតាន🌷 រដូវកាលទី៣

Ep-3

រឿង #ដែនស្នេហ៍សាតាន 🌷 #រដូវកាលទី៣
#ភាគ៥+៦
#វគ្គ១_កាតព្វកិច្ចអ្នកមើលថែ (ត)

// ទីក្រុងហ្ស៊ូរិច សហព័ន្ធស្វីស //

ទីក្រុងដ៏ធំនិងពោពេញដោយសម្រស់ធម្មជាតិដ៏ស្រស់ត្រកាលកំពុងបង្អួតសម្រស់ដាក់ភ្ញៀវទេសចរណ៍។ ប្រទេស ស្វីស បានជាប់ចំណាត់ជាប្រទេសមួយ ដែលមានសុភមង្គល និងសុវត្ថិភាពបំផុតលើពិភពលោក ជាហេតុនាំឱ្យប្រទេសនេះក្លាយជាតំបន់ទាក់ទាញ ភ្ញៀវទេសចរណ៍ និងជាកន្លែងប្រមូលផ្តុំធនាគារ និងទីស្នាក់ការអង្គការអន្តរជាតិសំខាន់ៗលើពិភពលោក ។ តំបន់ Zurich បានក្លាយជាជម្រកសម្រាប់មនុស្សរស់នៅ១.៥លាននាក់ និង១៥០ក្រុមហ៊ុន ដែលជាមជ្ឈមណ្ឌលសេដ្ឋកិច្ចដ៏មានសារៈសំខាន់ជាងគេបំផុតលើពិភពលោក។ ប្រទេសស្វីសក៏បានជាប់ចំណាត់ថ្នាក់ជាប្រទេសដែលមាន ថាមពលសេដ្ឋកិច្ចខ្លាំងបំផុតផងដែរលើពិភពលោក។

ធនាគារ អាល់ប៊ឺតហ្សង់ដ្រូ ជាធនាគារមួយក្នុងចំណោមធនាគារល្បីក្នុងតារាង Top5 នៃប្រទេសស្វីស ជាទីទុកចិត្តរបស់ប្រជាជនក៏ដូចជាជនបរទេសដែលតម្កល់ទ្រព្យសម្បត្តិពួកគេផងដែរ។ នាងល្អិតអានព័ត៌មានរួចក៏ចំហមាត់ងាកមើលបរុសដែលធ្មេចភ្នែកក្បែរខ្លួននាងជាមួយការភ្ងាក់ផ្អើល រូបរាងខាងក្រៅរបស់គេមើលមិនធ្លុះឡើងថាគេជាម្ចាស់ធនាគារដ៏ល្បីល្បាញនោះឡើយ។

" កើតអីទើបចេះតែមើលមុខខ្ញុំមិនឈប់បែបនេះ? " យ៉ុនហ្គី សួរនាងតូចដែលអង្គុយក្បែរខ្លួន នាងរហ័សដកម្ខងាកចេញយ៉ាងលឿនឆ្លើយទាំងញ័រមាត់តតាត់។
  " អត់-អត់មានទេ...."
  " គិតថាខ្ញុំមិនដឹងឬ? បើចង់ដឹងអីសួរមកមិនបាច់ខ្លាចចិត្តទេ ចរិតនាងជួបដំបូងក៏ដៀលខ្ញុំយកៗទៅហើយ ធ្វើខ្លួនសុភាពបែបនេះមិនមែនជាចរិតនាងទេ"
  " ខ្ញុំងងុយគេងហើយមិនចង់និយាយជាមួយពូទេ....." នាងល្អិតដាក់ខ្លួនត្រសុលគេងលើកៅអីយន្តហោះរួមត្រសុលចូលគ្នាយ៉ាងតូចតែមួយ យ៉ុនហ្គីដាក់កាសែតចុះពីដៃ ទាញភួយមកដណ្តប់ឲ្យរាងស្តើង នាងអៀនឡើងក្រហមមុខ ឪនចុះលឹបនឹងភួយបាំងកុំឲ្យគេឃើញមុខនាង។

" កើតអីទើបចេញតែគេចពីខ្ញុំ? "
" មិនបានគេចទេ! ពូគិតតែឯង..."
" ពូទៀត..."
" ពូសង្ហារហើយចិត្តល្អណាស់កុំប្រកាន់រឿងបែបហ្នឹងបានទេ? ខ្ញុំហៅពូថាពូព្រោះពូសង្ហារនោះអីហុហុ..." នាងល្អិតនិយាយសម្លេងស្រទន់ជាមួយស្នាមញញឹមសស្គុសធ្វើឲ្យយ៉ុនហ្គីបាត់ខឹងជាមួយនាង ក្មេងនេះពូកែលួងគ្រាន់បើ។