រឿង #ដែនស្នេហ៍សាតាន🌷
#ភាគ៧៥A+B ( ២ភាគណាចាស៎😘)
#វគ្គ៨_ជីវិតក្រោយការលែងលះរបស់នាង ( ត )
// ថ្ងៃបន្ទាប់ //
ព្រឹកព្រលឹមឡើងស្រាងៗ ឡាស្ទីន រៀបចំខ្លួនទៅសួរសុខទុក្ខម្តាយនៅមន្ទីរពេទ្យ ជាមួយថេយ៉ុង និងទៅឆែកសុខភាពកូនផង។ រាងតូចបួងសក់ ស្លៀករ៉ូបពោះធំពណ៌បៃតងចាស់ ស្ពាយកូនកាបូបតូចពណ៍ស ពាក់ស្បែកជើងស៊ូករាបៗ ដើរញញឹមញញែមទៅក្នុងមន្ទីរពេទ្យជាមួយបងប្រុស។
« ជិតដល់ថ្ងៃសម្រាលហើយភ័យទេស្ទីនី? » កំពុងរង់ចាំជណ្តើរយន្ត ថេយ៉ុង ងាកសួរប្អូនស្រីទាំងញញឹមៗ គេភ័យអរៗ អារម្មណ៍គេ ដូចទើបមានក្មួយលើកដំបូងអិចឹង គេមើលឡាស្ទីនដោយក្តីស្រលាញ់ ព្រោះនាងជាក្មេងស្រីកម្សត់តាំងពីក្មេងម្ល៉េះ ហើយក៏ពូកែតស៊ូពីក្មេងស្រីធម្មតា ក្លាយជាប្រពន្ធម្ចាស់ធនាគារនៅស្វីស ដោយខ្លួនឯង។
« ភ័យណាស់បងថេយ៍! ប៉ុន្តែចង់ឃើញមុខគេច្រើនជាង! គេមានសុខភាពល្អណាស់ គេគួរតែបានឃើញព្រះអាទិត្យជាមួយម៉ាមីឆាប់ៗហិហិ...» នាងតូចញញឹមញញែមស្រស់ស្រាយ ដាក់ដៃអង្អែលពោះថ្នមៗទាំងចិត្តញាប់ញ័ររំភើបបរិយាមិនបាន។
« ហើយស្ទីនីរកឈ្មោះដាក់ឲ្យក្មួយបងបានហើយនៅ?? »
«បានហើយចាស!! »
« ឈ្មោះអីទៅស្ទីនី?? »
« អាថ៌កំបាំងអូនជាមួយកូន! អត់ប្រាប់ទេហិហិ...» នាងសើចកខិក ឪបពោះដើរចូលជណ្តើរយន្តមុនថេយ៉ុង គេក្រវីក្បាលនឹងនាងដែលលេងសើចមិនលោះពេល ប៉ុន្តែនិយាយបានថាគេពេញចិត្តដែលឃើញនាងអាចញញឹមបាន សើចបានបែបនេះ។
// ប៉ុន្មានខែបន្ទាប់ //
ឡាស្ទីន កំពុងឆ្លងទន្លេដោយសម្រាលធម្មជាតិ នាងស្រែកត្រហ៊ោយំរកឪពុកម្តាយ យំដង្ហក់ ឈាមហូរទាំងថ្លុក បែកញើសសស្រាក់ទើបអាចសម្រាលទារកបានយ៉ាងរលូន។ ទារកស្បែកសខ្ចីមុខមាត់មិនបានកាត់ទៅរកម្តាយ ប៉ុន្តែកាត់ទៅអ្នកជាឪពុកទាំងស្រុង ទាំងអស់ សូម្បីតែម្រាមដៃម្រាមជើង សម្បុរសស្គុស។
« ង៉ា~~~ ង៉ា~~~» សម្លេងទារកយំលាន់ពេញមន្ទីរពេទ្យ ឡាស្ទីនបើកភ្នែកយឺតៗលូកដៃប៉ះមុខកូនប្រុសថ្នមៗ ក្នុងដៃគិលានុបដ្ឋាក ដោយចិត្តរំភើបជាពន់ពេក ក្តីស្រឡាញ់បង្ហាញតាមកែវភ្នែកថានាងស្រលាញ់កូនខ្លាំងប៉ុណ្ណា។
« គេឈ្មោះថា ហ្សាន់យ៉ូនអ៊ែ អាល់ប៊ឺតហ្សង់ដ្រូ » ឡាស្ទីន អង្អែលមុខកូនប្រុសទាំងញញឹមញញែម ឮសម្លេងកូនយំ នាងបាត់ឈឺ បាត់ហត់ហើយ មានតែក្តីសុខពេញទ្រូងប៉ុណ្ណោះ។ ត្របកភ្នែកស្តើងៗបិទយឺតៗមុននឹងនាងសន្លប់ស្តូក ដៃធ្លាក់ពីថ្ពាល់កូនប្រុសយ៉ាងទន់ល្ហូក ចំណែកទារកយំង៉ាៗ រកម្តាយត្រហឹងពេញមន្ទីរពេទ្យ។
YOU ARE READING
ដែនស្នេហ៍សាតាន🌷 រដូវកាលទី៣
Romanceដំបូងគេមើលថែនាងព្រោះតួនាទី តែក្រោយមកគេចង់មើលថែនាងដោយផ្ទាល់
