ដែនស្នេហ៍សាតាន🌷 រដូវកាលទី៣

Ep-49 គេបង្ខំនាងឲ្យទាល់ច្រកហើយ

បើនាងស្លាប់តើគ្រប់យ៉ាងនឹងត្រូវបញ្ចប់ដែរទេ?
រឿង #ដែនស្នេហ៍សាតាន 🌷 #រដូវកាលទី៣
  #ភាគ៥១A

#មង្គលការក្រាលឈាម ( ត )

យ៉ុនហ្គី ស្តាប់នាងនិយាយរួច មិនស្រឡះក្នុងចិត្តទាល់តែសោះ គេទុកឯកសារមួយឡែកទៅកៅអីបាំងខាងក្រោយរួចស៊ូកដៃទ្រភ្លៅនាងល្អិតលើកនាងមកដាក់លើភ្លៅគេវិប។
  " ពូយ៉ុន...ដាក់អូនចុះ..."
  " ងរង៉ក់ខ្លាំងណាស់ បានដៃដល់ហើយនាងល្អិត..."
  " អូនមិនងរ..."
  " បើមិនបានងរចឹងរៀបការទៅ..."
  " ពូយ៉ុនបង្ខំអូនហ៎? "
  " មិនបានបង្ខំតែតម្រូវឲ្យនាងត្រូវតែឆ្លើយ..."
"...." ឡាស្ទីនក្តាប់មាត់សម្លក់មុខគេ ដៃលើកក្រសោបកញ្ចឹងកយ៉ុនហ្គី រួចផ្តេកក្បាលកើយទ្រូងគេយ៉ាងទន់ភ្លន់ នាងគួរឆ្លយតបថាម៉េច? នាងមិនអាចរៀបការជាមួយគេបានទេ នាងគ្មានសិទ្ធិរួមរស់ជាមួយយ៉ុនហ្គីឡើយ ព្រោះនាងជាមនុស្សអាក្រក់ក្នុងខ្សែរភ្នែកគេ។

ឡាស្ទីននិយយខ្សឹបៗរហឹមដាក់ត្រចៀកយ៉ុនហ្គី នាងនិយាយជំនួសពាក្យថាយល់ព្រមរៀបការតែមិនមែនបានន័យថានាងរៀបការឡើយ។
  " អូនស្រលាញ់ពូយ៉ុន! ស្រលាញ់ពូយ៉ុនតែម្នាក់គត់ ទោះមានរឿងអីក៏ដោយក៏អូននៅតែស្រលាញ់ពូយ៉ុនរហូត..."
  " ស្ទីនី..."
  " អូនអាចជាក្មេងប្រើអារម្មណ៍ជ្រុល តែអូនប្រាកដចិត្តថាអារម្មណ៍អូនមានចំពោះពូ គឺអូនស្រលាញ់ពូណាស់ អូនព្រមលះបង់គ្រប់យ៉ាង បូជាអ្វីទាំងអស់ដែលអូនមានដើម្បីពូយ៉ុនតែម្នាក់..."
*តក់...!
  ទឹកភ្នែកមួយដំណក់ស្រក់ហូរកាត់ថ្ពាល់សខ្ចី យ៉ុនហ្គី ញញឹមតិចៗលូកដៃក្តោបថ្ពាល់ស្រីតូចអង្អែលថ្នមៗដោយមិនដឹងថាអ្នកដែលគេឪបជាប់ទ្រូងកំពុងតែលួចយំឡើយ។

// ពេលរាត្រី //

យ៉ុនហ្គី នៅក្នុងបន្ទប់ធ្វើការ ដោយមានរាងតូចនៅជាមួយចាំមើលការងារ សម្រួលកិច្ចការសំខាន់ៗ ពេលនេះយ៉ុនហ្គីក៏ផ្តល់ភាពសំខាន់ដល់នាងក្នុងការសុីញ៉េឯកសារមួយចំនួនជំនួសគេផងដែរ។ ឡាស្ទីន អង្គុយនៅលើតុ មើលឯកសារដោយលួចចម្លងលេខសម្ងាត់មួយចំនួនទៅក្នុងអុីម៉ែលនាង ស្របពេលដែលយ៉ុនហ្គី ដើរចេញទៅខាងក្រៅនិយាយទូរស័ព្ទ ខណៈពេលនាងកំពុងធ្វើទង្វើផិតក្បត់យ៉ុនហ្គី មន្តសិកាជាមនុស្សបានជេស្តីនាងយ៉ាងចាស់ដៃ សម្រាប់ទង្វើថោកទាបរបស់នាង។

*ក្រោក...!
" នាងកំពុងធ្វើអីឡាស្ទីន? "
" ព-ពូយ៉ុន..." ឡាស្ទីនញ័របបូរមាត់តតាត់ កែវភ្នែកមុតថ្លារលីងរលោង សម្លឹងមុខយ៉ុនហ្គីដោយការភ័យខ្លាចជាខ្លាំង។ គេដើរចូលមករកនាងយឺតៗដោយដៃកាន់ទូរស័ព្ទជាប់រួចសួរនាងម្តងទៀត។
" នាងធ្វើអីទើបខ្ញុំហៅមិនឆ្លើយ? "
" ពូយ៉ុន..."
"  មានអ្វីឬ? "
( ឲ្យអូនសុំទោសពូយ៉ុន...) ឡាស្ទីនស្រែកយំក្នុងចិត្ត ខួរក្បាលច្របូកច្របល់គិតអ្វីលែងចេញសុខៗនាងក៏ទាញកុំព្យូរទ័របិទគ្រិបរួចងើបរត់ចេញពីបន្ទប់ធ្វើការយ៉ាងលឿន ជាហេតុធ្វើឲ្យយ៉ុនហ្គី រត់ទៅតាម។

" ឡាស្ទីន..." 
" បើកទ្វារឡាស្ទីន នាងកើតអី? "
" អ្ហឹក...ពូកុំចូលមក កុំមករកអូនហុឹក " ឡាស្ទីននៅក្នុងបន្ទប់ទឹកឃុំខ្លួនឯងជាប់ ដោយដៃកាន់ក្បង់ថ្នាំជាប់ណែន រួចសម្លឹងមើលគ្រប់ថ្នាំនោះទាំងទឹកភ្នែករហាម។

" ខ្ញុំគួរតែស្លាប់! អ្ហឹកៗ បើខ្ញុំស្លាប់គ្រប់យ៉ាងនឹងត្រូវបញ្ចប់..."
" ឡាស្ទីនបើកទ្វារ..." យ៉ុនហ្គី ស្រែកខ្លាំងៗពេលស្ងាត់មួយសន្ទុះធំគេបារម្ភខ្លាចនាងធ្វើអីផ្តេសផ្តាសក៏ ហក់ទៅទម្លុះទ្វារមួយទំហឹងតែម្តង ពេលទ្វាររបើកគេសឹងទន់ជង្គង់សម្រាប់រូបភាពនៅចំពោះមុខគេ គឺនាងតូចយំខាំដៃខ្លួនឯងឡើងដាច់សាច់ហូរឈាមលាយនឹងគ្រាប់ថ្នាំងងុយគេងច្រើនគ្រាប់ជ្រុះរប៉ាត់រប៉ាយ។

_______
ឡាចឲ្យគ្រប់៣០០មុនម៉ោង១០ អេតមីនឲ្យ១ភាគទៀត 😘