ដែនស្នេហ៍សាតាន🌷 រដូវកាលទី៣

Ep_56

អេតមីនត្រលប់មកវិញហើយ លើកនេះសន្យានឹងផុសឲ្យទៀងទាត់ដូចកាលពីមុនវិញហិហិ
រឿង #ដែនស្នេហ៍សាតាន🌷 #រដូវកាលទី៣
#ភាគ៥៣A

#មង្គលការក្រាលឈាម ( ត )

យ៉ុនហ្គី ដើរចេញមកខាងក្រៅដោយអារម្មណ៍ទទេស្អាត ពិភពលោកគ្រប់យ៉ាងសម្រាប់គេនៅពេលនេះគឺគាំងអស់ហើយ គេស្ទើរតែមិនជឿនោះទេថា នឹងមានរឿងឆ្កួតឡប់នេះកើតឡើងចំពោះគេ គេខំប្រឹងអស់ហើយ លះបង់ ប្រគល់អ្វីដែលនាងចង់បានបំពេញតម្រូវការនាងទាំងអស់ ចុងក្រោយគេទទួលបានគឺការកហុកអិចឹងមែនទេ?
  " ចៅហ្វាយ...! " ម៉ៃគ៍ និយាយឡើង ពេលឃើញយ៉ុនហ្គី ឈរផ្អែកខ្នងនឹងជញ្ចាំងមន្ទីរពេទ្យដោយសភាពអស់កម្លាំងកំហែង។
" មីល នៅមើលនាងផង! ខ្ញុំវិញហើយ! " និយាយចប់គេដើតចេញទាំងគ្មានកម្លាំងក្នុងខ្លួន មីល ឃើញចៅហ្វាយខ្លួនបាត់បង់កម្លាំងចិត្ត ធ្លាក់ចុះអស់បែបនេះក៏បារម្ភទើបងាកមុខទៅរកម៉ៃគ៍ សួរគេក្រែងគេដឹងរឿងខ្លះៗ។

" បងម៉ៃគ៍ ចៅហ្វាយមានរឿងអីជាមួយអ្នកនាងស្ទីនមែនទេ? "
" បងមិនដឹងទេមីល! អូននៅមើលថែអ្នកនាងចុះបងទៅតាមចៅហ្វាយហើយ! "
" ប្រយ័ត្នខ្លួនផងណា៎! "
" បាទ! " នាយកម្លោះក៏រត់ចេញទៅតាមរាងក្រាស់យ៉ាងលឿន ចំណែកមីល ចូលទៅក្នុងបន្ទប់ក៏ឃើញឡាស្ទីននៅយំសំកុកអង្គុយលើសាឡុងដដែរ។ មើលទៅនាងខូចចិត្តណាស់ តើចៅហ្វាយនាងនិងអ្នកនាងតូចម្នាក់នេះឈ្លោះគ្នារឿងអីទៅ?

" អ្នកនាងឈប់យំទៅណា៎ បន្តិចទៀតគ្រូពេទ្យមកហើយ! កុំយំណាអ្នកនាង! "
" បងមីល! ពូយ៉ុនគាត់ទៅណាហុឹកៗ "
" ចៅហ្វាយទៅធ្វើការណាអ្នកនាង..."
" យប់បែបនេះគាត់ទៅធ្វើការទៀតមែនទេ? អត់ទេគឺគាត់គេចពីខ្ញុំអ្ហឹកៗ "
" ពុទ្ធាអ្នកនាង..." មីល ចូលទៅឪបលួងលោមស្រីក្រមុំរហូតនាងទន់ខ្លួនក៏នាំទៅគ្រែសម្រាក ត្រៀមឲ្យគ្រូពេទ្យចាក់ថ្នាំឲ្យតាមតួនាទី។

// មួយសប្តាហ៍បន្ទាប់ //

   តាំងពីមានរឿងនៅមន្ទីរពេទ្យរួចមក យ៉ុនហ្គី មិនដែលបង្ហាញមុខឲ្យឡាស្ទីនបានឃើញឡើយ គេទៅសម្ងំធ្វើការ ពេលយប់ក៏សម្រាកនៅផេនហោស៍ គឺគេនៅធ្វើចិត្តមិនទាន់បានសម្រាប់រឿងដែលកើតលើគេ។ ចំណែកឡាស្ទីន នៅវិមាន ទន្ទឹមចាំផ្លូវយ៉ុនហ្គី រាល់ថ្ងៃ ទូរស័ព្ទខលផង ផ្ញើសាររាប់រយដង គេមិនខ្ចីមើល មិនតបមកនាងសូម្បីតែម្តង រាល់យប់នាងតែងតែគេងយំ នឹកគេ ហើយសួរគ្រប់គ្នា ពិសេសម៉ៃគ៍ និងវេល នាងចង់ដឹងសុខទុក្ខគេយ៉ាងណាហើយ។