ដែនស្នេហ៍សាតាន🌷 រដូវកាលទី៣

Ep-20

២ភាគតាមសន្យាហិហិ

#ស្នេហ៍ដែលមិនបានព្រាងទុក

| មិនមែនមិនចង់មានស្នេហាទេ គ្រាន់តែចង់ស្វែងរកដៃគូរដែលសាកសមសម្រាប់ខ្លួនឯង, មិនមែនទាល់តែសាកសមទេទើបហៅថាស្នេហា គ្រាន់តែចង់បានមនុស្សដែលគេអាចយល់ពីយើង នោះទើបជាស្នេហាពិត|

// ធនាគារ អាល់ប៊ឺតហ្សង់ដ្រូ //

  " សួស្តីលោកអគ្គនាយក! " កម្លោះខ្ពស់សង្ហារដើរចូលក្នុងអូហ្វីស យ៉ុនហ្គី ជាមួយស្នាមញញឹម និងការនឹករលឹក ធ្វើឲ្យអ្នកដែលអង្គុយភ្លឹកនោះដាច់អារម្មណ៍អន្លង់អន្លោចអស់រលីង។
  " អ្ហឹម...មានការអី? នេះមកយ៉ាងម៉េចបាន? "
  " ក៏ជិះយន្តហោះមកហ្នឹងហើយ! សួរអីចម្លែកៗមែនឯងនេះ! ការងាររលូនទេ?? " គេដាក់គូថអង្គុយលើសាឡុង ស្របគ្នាជាមួយក្លិនថ្នាំពេទ្យរត់សាយភាយពេញបន្ទប់។
  " ល្អគួរសម! ឯងមកបានប៉ុន្មានថ្ងៃហើយ? "
  " ទើបតែមកដល់ម្សិលមិញ! មានអ្នកជម្ងឺពិសេស ទើបផ្លាស់មក! "
  " រវល់សំបើមណាស់ឯង! "
  " ឯងក៏មិនអន់ប៉ុន្មានដែរ ផ្តាច់កិច្ចសន្យាជាមួយ វីលៀម ស្តាខេនន៍ ហើយនៅបន្តការសាងសង់សាខាថ្មីទៀត! ប្រយ័ត្នប៉ះជើងទៅ! "
  " វាគ្មានថ្ងៃនោះមកដល់ទេ! មនុស្សដូចយើងគ្មានថ្ងៃបរាជ័យឡើយ!! " គេតបយ៉ាងជឿជាក់ ខណៈដែលមិត្តសម្លាញ់ញញឹមពេបមាត់ជ្រេញឬកនិងភាពអំនួតរបស់គេណាស់។

" តែយើងឆ្ងល់ហេតុអីទើបឯងផ្តាច់កុងត្រាជាមួយវា? ឈ្លោះគ្នារឿងអី? "
" ឯងចាប់ផ្តើមចេះដឹងរឿងអ្នកដទៃពីពេលណា? មន្ទីរពេទ្យគ្មានអ្នកជម្ងឺមែនទេទើបគ្រូពេទ្យដូចឯងទំនេរយ៉ាងនេះ? " យ៉ុនហ្គី ជ្រួញចិញ្ចើមដាក់មិត្តរបស់ខ្លួន គេសើចហិហិ លើកកែវកាហ្វេរក្រេបបន្តិចទើបនិយាយបន្ត។

  " គ្រាន់តែចង់ដឹង ធម្មតាឯងស្ងប់អារម្មណ៍ណាស់
វាចម្លែកដែលឯងផ្តាច់កិច្ចសន្យាជាមួយវា..."
  " ឬក៏មានអាថ៍កំបាំងអីដែលយើងមិនដឹង?? "
  " មិនមែនអត់ទេ! "
  " ពាក់ព័ន្ធនឹងក្មេងនោះមែនអត់? " ហ៊ូស៊ុក និយាយឡើង ស្របពេលមើលទៅយ៉ុនហ្គី ដូចជានៅស្ងៀមៗ ក៏សន្និដ្ឋានយកតែម្តង។
  " វាប៉ះពាល់នាង? "
  " មិនមែនទេ! វាព្យាយាមធ្វើបាបនាង! ពួកគេមានទំនាក់ទំនងដែលអាថ៍កំបាំងខ្លាំង! ឯងជឿទេនាងថាមិនស្គាល់អាវីលៀមឡើយ ប៉ុន្តែយើងឃើញអាវីលៀម ច្របាច់កនាង! កែវភ្នែកគេបង្ហាញថាស្អប់នាងខ្លាំងណាស់! "