ដែនស្នេហ៍សាតាន🌷 រដូវកាលទី៣

Ep-57

ស្រីស្ទីន ជាតួដែលសាច់កម្ម ព្រោះក្រៅពីមិនត្រូវបានពូយ៉ុនវ៉ៃហើយ មានគេលួចធ្វើបាបរហូត

រឿង #ដែនស្នេហ៍សាតាន 🌷 #រដូវកាលទី៣
  #ភាគ៥៣B

#មង្គលការក្រាលឈាម ( ត )

// វិមានអាល់ប៊ឺតហ្សង់ដ្រូ //

ឡាស្ទីន ចុះពីឡានទាំងគ្មានព្រលឹងព្រលះក្នុងខ្លួន នាងដើរសំដៅទៅបន្ទប់សម្រាកដោយមិននិយាយរកអ្នកណាទាំងអស់។ ភ្លាមៗនោះឡានពណ៍ក្រហមស្រស់បើកចូលយ៉ាងលឿនដូចហោះ ហើយអ្នកដែលបើកឡានក្រហមនោះជា ម៉ូរ៉ា ។
" អ្នកនាងម៉ូ..."
" ដាឡាស្ទីន សាន់ត្រូរី នៅឯណា? " សម្លេងនាងតូចមាំ កែវភ្នែកពេញដោយកំហឹងចងអាឃាត ស្រែកសំឡុតអ្នកបម្រើដោយសម្លេងកងរំពង។
" អ្នកនាងស្ទីននៅខាងលើអ្នកនាង.." បានចម្លើយហើយ ម៉ូរ៉ា ក៏ទម្លាក់កាបូប ដើរញាប់ជើងស្អេកទៅខាងលើរកនាងក្រមុំយ៉ាងលឿន។

ឡាស្ទីន ចូលដល់ក្នុងបន្ទប់ក៏សម្រុកទៅបន្ទប់ទឹក ដើម្បីលុបមុខលាងភ្នែកនិងសម្ងំយំឲ្យធូរចិត្ត តែគ្រប់យ៉ាងខុសពីការគិតទាំងស្រុង គ្រាន់តែនាងចូលដល់ក្នុងបន្ទប់ទឹកភ្លាម ភ្លើងក៏ចាប់ផ្តើមដាច់ ដៃនរណាម្នាក់លូកចាប់ក្របួចសក់ឡាស្ទីនយ៉ាងណែន អូសរាងកាយនាងទៅរកអាងទឹកដែលមានទឹកហៀរពេញអាងរួច ច្រាននាងទម្លាក់ចូលអាងទឹក ដៃក្របួចសក់នាងជម្រុជចូលក្នុងទឹកយ៉ាងយូរ។
" អ្ហឹក...ជ-ជួយ...អឹក..." នាងតូចប្រឹងរើបម្រះតែគ្មានបានការនោះទេ កម្លាំងនាងកាន់តែខ្សោយទៅៗ ការរើដ៏ខ្លាំងក្លាអំបាញ់មិញប្រែទៅជាយឺតៗ ខ្លួនប្រាណនាងក៏ទន់ល្អូកដួលបោកក្បាលនឹងអាងទឹកតែម្តង។

" នាងឡាស្ទីន....!! " សម្លេងស្រែករបស់ម៉ូរ៉ា បន្លឺខ្ទរជញ្ជាំងជាមួយដៃស្រឡូនរុញទ្វារបន្ទប់ច្រានមួយទំហឹង ប៉ុន្តែនាងចូលដល់ក្នុងបន្ទប់ហើយរកមិនឃើញឡាស្ទីនទេ ប៉ុន្តែឃើញមានស្នាមទឹកហៀរចេញមកខាងក្រៅ ម៉ូរ៉ា មិនបង្អង់យូរ រត់ទៅមើលនៅបន្ទប់ទឹកក៏ឃើញឡាស្ទីនដួលសន្លប់ដោយឈាមជោគប្រាណទៅហើយ នាងក៏ស្រែកមួយទំហឹងតែម្តង។
" ហ្អាយ៎យយយ..."
" ឯង...ឯងជាអ្នកណា? " ម៉ូរ៉ា បើកភ្នែកពិនពងមាន់មើលទៅមនុស្សអាថ៌កំបាំងនោះ គេមិននិយាយអ្វី ឆូតដៃនាងមួយកាំបិតហើយច្រាននាងឲ្យដួល រួចរត់ទៅមាត់បង្អួច។
*គ្រាំង...!
  សម្លេងលោតផ្លោះបង្អួចបន្លឺឡើង នាងក្រមុំតូចរត់ទៅមើលតាមបង្អួចឃើញបរុសម្នាក់ស្លៀកឈុតខ្មៅរត់ចាកចេញយ៉ាងលឿនស្លេវ។