លូវពូវីលឯងចង់បានអីទៀត? រន្ទះជើង ឬកណ្តាប់ដៃ?
រឿង #ដែនស្នេហ៍សាតាន 🌷 #រដូវកាលទី៣
#ភាគ៣៥+៣៦
#វគ្គ៤_ស្នេហ៍ដែលមិនបានព្រាងទុក (ត)
" លោកប្រុសកើតរឿងហើយ...." មីល រត់បំបុកទ្វារចូលក្នុងបន្ទប់ធ្វើការយ៉ុនហ្គី ដោយទឹកមុខស្លន់ស្លោរ។
" មានរឿងអីមីល? "
" អ្នកនាងស្ទីនី..." មីលនិយាយតែឈ្មោះនាងក្រមុំ យ៉ុនហ្គី ក្រោកដើរចេញពីបន្ទប់យ៉ាងលឿន ក្នុងចិត្តភ័យព្រួយខ្លាំងណាស់ ខ្លាចនាងមានបញ្ហាព្រោះគេ។
" ស្ទីន...." យ៉ុនហ្គី បើកទ្វារបន្ទប់នាង ឃើញនាងគេងស្ងៀម គេលូកដៃប៉ះថ្ពាល់នាងទទួលបានភាពក្តៅគគុក ប្រហែលជានាងក្តៅខ្លួនហើយ ណាមួយម្សិលមិញមិនបានញាំបាយទៀត។
" ស្ទីនី... ឮខ្ញុំហៅទេ? " គេខំហៅនាងយ៉ាងណាក៏នាងមិនភ្ងាក់ដែរ ម៉ាដាមរ៉ូសា បើកទ្វារចូលមកតាមក៏ឆោឡាដោយឬកពារតក់ក្រហល់។
" ប្រុសយ៉ុន នាំនាងទៅពេទ្យទៅ...."
" ម៉ៃគ៍ ទៅត្រៀមឡាន យើងយកនាងទៅពេទ្យ..."
" បាទចៅហ្វាយ..." រាងក្រាស់ទាំងពីរស្ទុះស្ទារញាប់ដៃញាប់ជើង នាំនាងទៅកាន់មន្ទីរពេទ្យ។
// មន្ទីរពេទ្យ //
" ជេសុី ផ្ញើអនាគតកូនប្រសាខ្ញុំផងណា៎! "
" ចាសម៉ាដាម..." ម៉ាដាមរ៉ូសា ក្តាប់ដៃដើរទៅដើរមក ចំណែកយ៉ុនហ្គី ក៏នៅមិនសុខដូចគ្នា បារម្ភពីនាងសឹងស្លាប់ហើយ។ ប្រហែលមួយម៉ោងក្រោយមក ជេសុីក៏ចេញមកខាងក្រៅ ដោយមានគិលានុបដ្ឋាក រុញរទះនាងតូចទៅបន្ទប់សម្រាកវីអាយភី។
" ស្ទីនយ៉ាងម៉េចហើយជេសុី? "
" នាងមិនអីទេ! នាងគ្រាន់តែអស់កម្លាំងហើយមិនបានសម្រាកគ្រប់គ្រាន់ យ៉ាងណាកុំឲ្យនាងរងសម្ពាធច្រើនពេកអី អាការៈនាងខ្ញុំធ្លាប់ប្រាប់លោកម្តងហើយយ៉ុនហ្គី...." ជេសុី និយាយចប់ក៏លាពួកគេទៅមើលអ្នកជម្ងឺផ្សេងទៀត ម៉ាដាមងាកទៅរកកូនប្រុស ចង់ជេស្តីគេណាស់តែទូរស័ព្ទគាត់រោទ៍ឡើងមុន ។
" ពេលម៉ាក់មកវិញ ត្រូវនិយាយគ្រប់យ៉ាងឲ្យម៉ាក់ស្តាប់..."
នៅក្នុងបន្ទប់សម្រាក នាងតូចបើកភ្នែកឡើងព្រឺមៗ ឃើញអំពូលនៅលើក្បាល ងាកមើលដៃជាប់ខ្សែរសឺរ៉ូមក៏ទាញផ្តាច់ចេញយ៉ាងលឿន ធ្វើឲ្យឈាមស្រក់ហូរតក់ៗពេញឥដ្ឋការ៉ូ។ រាងតូចច្រលឹងងើបយឺតៗក្នុងឈុតអ្នកជម្ងឺពណ៍ទឹកសមុទ្រស្រាល រហ័សដើរចេញពីបន្ទប់សម្តៅទៅទ្វារជណ្តើរជើង ស្របពេលយ៉ុនហ្គី និងម៉ៃគ៍ ទើបចេញពីជណ្តើរយន្ត ដើរទៅបន្ទប់សម្រាក។
YOU ARE READING
ដែនស្នេហ៍សាតាន🌷 រដូវកាលទី៣
Romanceដំបូងគេមើលថែនាងព្រោះតួនាទី តែក្រោយមកគេចង់មើលថែនាងដោយផ្ទាល់
