ដែនស្នេហ៍សាតាន🌷 រដូវកាលទី៣

Ep-53 " នាងមានអីលាក់បាំងនឹងខ្ញុំទេ?

មកហើយចាស៎ 😍
រឿង #ដែនស្នេហ៍សាតាន 🌷 #រដូវកាលទី៣
#ភាគ៥២B

#មង្គលការក្រាលឈាម ( ត )

// មន្ទីរពេទ្យ //

រាងក្រាស់ ពាក់ឈុតពណ៍ខ្មៅពីលើដល់ចុងជើង អង្គុយនៅមុខបន្ទប់រង់ចាំ ភ្នែកងាកទៅមើលទ្វារបន្ទប់ម្តងម្តាល ដៃប្រឡាក់ឈាមជោកកំពុងក្តាប់យ៉ាងណែន គេខាំធ្មេញលាន់ឮសូគ្រឺតៗទឹកមុខមាំពេញទៅដោយកំហឹង ខណៈពេលកំពុងរង់ចាំសុខទុក្ខស្រីជាទីស្រលាញ់ វេលក៏អូសនរណាម្នាក់ចូលមកដោយសភាពមុខមាត់បែកហូរឈាមកក្លាក់ តែក៏មើលស្គាល់ថាជាវីលៀម។

*ដឹប!!
យ៉ុនហ្គី ក្រោកដាល់កណ្តាលមុខវីលៀមបន្ថែម រួចចាប់កាច់ដៃគេមួយទំហឹង រីឯវេល មានតួនាទីយកស្រោមជើងទៅញាត់មាត់វីលៀមកុំឲ្យគេស្រែក។
  " ដៃហ្នឹងមែនទេដែលឯងវ៉ៃនាង?? " យ៉ុនហ្គី សម្លក់វីលៀមពេញដោយកំហឹងឆេះឆួលពេញទ្រូង គេកាច់ដៃវីលៀមមិនអស់ចិត្តហើយយកកាំបិតចាក់មួយតង់ទៀត ឈាមបាញ់ឆ្វាចពីប្រអប់ដៃខ្ទាយទៅប្រឡាក់ជញ្ជាំងមន្ទីរពេទ្យជេសុី វីលៀម ឈឺចុកចាប់ពើតៗទន់ជង្គង់ដួលព្រូស ទឹកភ្នែកហូរច្រាកៗ តែវាមិនបានធ្វើឲ្យយ៉ុនហ្គីបាត់ខឹងទេ គេនៅដកកាំបិតចេញហើយចាក់ចូលម្រាមដៃគេម្តង ចាក់ដកៗរហូតវីលៀមសន្លប់ឈឹង ចំណែកសភាពរាងកាយគេពោរពេញដោយឈាមជោគជាំស្រោចមន្ទីរពេទ្យហើយ។

" ចៅហ្វាយបានហើយចៅហ្វាយ! នៅជាមន្ទីរពេទ្យណាចៅហ្វាយ..." វេលព្យាយាមឃាត់ តែគេមិនស្តាប់ក៏លូកដៃដកកាំភ្លើងចេញប្រុងបាញ់សម្លាប់វីលៀមចោល ប៉ុន្តែរំពេចនោះក៏ឮសម្លេងបើកទ្វារដាស់សតិគេមកវិញ។

*ក្រាក...!
  ទ្វារបន្ទប់អាយសុីយូបើកឡើង ជេសុីនាំគ្រែគេងអ្នកជម្ងឺចេញមកខាងក្រៅ យ៉ុនហ្គី ទុកកាំភ្លើងសៀតចង្កេះវិញក៏ស្ទុះរត់ទៅស្ទាក់ផ្លូវដើម្បីសួរ ប៉ុន្តែបង្កការភ្ងាក់ផ្អើលដល់ក្រុមគ្រូពេទ្យជាខ្លាំង ព្រោះរូបរាងយ៉ុនហ្គី ប្រឡាក់ដោយឈាមជោគជាំក្លិនក៏ឆ្អាបធុំក្លិនចង់ក្អួតដែរ។

" យ-យ៉ុនហ្គី ទៅប្តូរខោអាវចេញទៅ! លោកអាចចម្លងជម្ងឺមេរោគឲ្យនាងបាន..."
" ខ្ញុំចង់ដឹងថានាងយ៉ាងម៉េចហើយ!!! "
" នាងលែងអីហើយ របួសត្រូវការប្រើពេលវេលាទើបឆាប់ជា..."
" ទុកឲ្យខ្ញុំនាំនាងទៅ...." យ៉ុនហ្គី ហាក់បីដូចជាមនុស្សបាត់បង់សតិ គេដណ្តើមជេសុីរុញគ្រែនាងតូចទៅបន្ទប់សម្រាក ជេសុីក៏រត់ទៅមើលវីលៀមហើយយកគេទៅព្យាបាល។