ឈុតរន្ធត់មកហើយ🙆♀️
រឿង #ដែនស្នេហ៍សាតាន 🌷 #រដូវកាលទី៣
#ភាគ៤៧B
#វគ្គ៥ជនសើុបការសម្ងាត់ ( ត)" គេតាមជារឿងរបស់គេ ខ្ញុំមិនខ្វល់! "
" តែអូនខ្វល់! អូនមិនចង់ឲ្យស្រីផ្សេងតាមញ៉ែពូទេ! "
" ចឹង?? " យ៉ុនហ្គី ញញឹមញញែមគួរឲ្យស្រលាញ់ដាក់នាង រួចក៏ដើរចេញទៅវិញចោលឡាស្ទីន រាងស្តើងជញ្ជក់មាត់តិចៗ ខឹងគេដែលមិនខ្វល់ពីនាង ហើយទៅចោលនាងទៀត។
" ពូយ៉ុនឆ្កួត! " ឡាស្ទីន ដើរញាប់ៗទៅតាមគេយ៉ាងលឿន ចិត្តរ៉េដូចចុងស្រល់ម្តងក្តៅម្តងត្រជាក់តាមមិនទាន់ទេ ពីថ្ងៃដូចបារម្ភនាងណាស់ ដល់ពេលនេះក៏ទុកនាងចោល ប្រុសចាស់ចរិតដូចគេចឹងទើបគ្មានសង្សារសូម្បីតែមួយ។// មន្ទីរពេទ្យ //
ក្លិនថ្នាំពេទ្យសាយភាយពេញបន្ទប់ទាំងមូល ដល់ថ្នាក់គ្រូពេទ្យក៏សាំនឹងក្លិនថ្នាំគ្រប់ប្រភេទ បើមិនបានហិតថ្នាំម្តងទេ ធ្វើការមិនកើតទេ ព្រោះជាទម្លាប់របស់គ្រូពេទ្យទៅហើយ តែបើនិយាយចំពោះអ្នកកម្លោះយើងវិញ គេយកដៃញីច្រមុះឡើងក្រហមងាំង មិនសាំនិងក្លិនឆួល ក្រពុលនៃថ្នាំពេទ្យ ក្លិនសេរ៉ូមឡើយ។
" ចៅហ្វាយទៅចាំខាងក្រៅក៏បានដែរទាន៎! " ម៉ៃគ៍ និយាយឡើង ពេលឃើញចៅហ្វាយ មិនស្រណុកក្នុងខ្លួន យ៉ុនហ្គី គេមិនចូលចិត្តក្លិនថ្នាំនៅពេទ្យទេ ប៉ុន្តែដើម្បីតែឡាស្ទីនគេសុខចិត្តអង្គុយទ្រាំហិតក្លិនថ្នាំ អាកុលទាំងនេះយ៉ាងវេទនា។" មិនបាច់ទេ! ប្រហែលជិតរួចហើយ! " គេលើកនាឡិកាឡើង ហើយនិយាយស្របពេលងើបមុខមើលទៅមាត់ទ្វារបន្ទប់ពិនិត្យសុខភាព។ ទ្វាររបើកបង្ហាញរាងតូចច្រលឹងក្នុងឈុតអ្នកជម្ងឺដើរចេញមកខាងក្រៅជាមួយដុកទ័រផ្ទាល់ខ្លួននាង ក៏ដូចជាដុកទ័រប្រចាំត្រកូលអាល់ប៊ឺតហ្សង់ដ្រូ ផងដែរ គឺជេសុី។
" សុខភាពនាងយ៉ាងម៉េចដែរជេស? "
" មិនអីទេ បានល្អប្រសើរជាងមុនហើយ! យ៉ាងណាក៏ប្រុងប្រយ័ត្ននាងខ្លះផង ដូចខ្ញុំបាននិយាយប្រាប់លោកតាំងពីដើមម្លេះ! " ជេសុី និយាយបណ្តើរគ្រានាងតូចឲ្យអង្គុយលើកៅអីបណ្តើរ។ យ៉ុនហ្គី អង្អែលក្បាលនាងថ្នមៗរួចនិយាយយ៉ាងទន់ភ្លន់។
YOU ARE READING
ដែនស្នេហ៍សាតាន🌷 រដូវកាលទី៣
Romanceដំបូងគេមើលថែនាងព្រោះតួនាទី តែក្រោយមកគេចង់មើលថែនាងដោយផ្ទាល់