ដែនស្នេហ៍សាតាន🌷 រដូវកាលទី៣

Ep-98

ប្រុសវ៉ូន កាត់រកប៉ាៗគេ

រឿង #ដែនស្នេហ៍សាតាន 🌷 #ភាគ៧១B+ភាគ៧១C

#វគ្គ៧_មនុស្សជំនិត(ត)

// មន្ទីរពេទ្យ //
 
អេឡិច នៅអង្គុយនិយាយលេងជាមួយឡាស្ទីនជាហូហែរ គេមានអារម្មណ៍ថាចូលចិត្តនាងយ៉ាងចម្លែក មនុស្សស្រីម្នាក់នេះស្អាតទន់ភ្លន់ មានស្នាមញញឹមទាក់ទាញឆក់បេះដូងគេតាំងពីជួបដំបូង ត្បិតតែមានផ្ទៃពោះក៏ពិតមែន ប៉ុន្តែនាងមានសម្រស់ស្អាតណាស់ សម្តីក៏ពិរោះ កែវភ្នែកមុតថ្លា សម្លឹងចំគេម្តងៗបេះដូងគេលែងដំណើរការម្តងៗហើយ។

  « និយាយអិច៊ឹងអ្នកនាងមកមន្ទីរពេទ្យតែម្នាក់ឯងទេឬ? » អេឡិច ជ្រឹមចិញ្ចើមសួរទាំងចម្ងល់ ពួកគេនិយាយគ្នាយូរហើយ សមតែមានស្វាមីមកតាមទៅផ្ទះ ប៉ុន្តែនេះគេនៅជាមួយនាងយូរហើយ មិនឃើញមកសោះ។
  « ខ្ញុំនៅទីនេះជាមួយម៉ាក់! ចៃដន្យខ្ញុំស្គាល់ដុកទ័រនៅទីនេះ ទើបខ្ញុំនិងម៉ាក់ សម្រាកនៅខាងក្នុងមន្ទីរពេទ្យ ប្រហែលពីរបីថ្ងៃទៀតអាចត្រលប់ទៅផ្ទះបានហើយ! »
  « ចុះម៉ាក់អ្នកនាងគាត់ឈឺអ្វីដែរ? »
  « ឈាមកកក្នុងខួរក្បាល! គាត់រស់នៅពឹងផ្អែកលើឧបករណ៍ពេទ្យ! ហើយខ្ញុំតែងតែបួងសួងសុំឲ្យគាត់ភ្ងាក់ដឹងខ្លួនឡើងវិញ! » ឡាស្ទីន និយាយដោយសម្លឹងទៅជញ្ជាំងបន្ទប់របស់ម្តាយដោយទឹកមុខស្រងូតស្រងាត់។

« គាត់ប្រាកដជាដឹងខ្លួនមកវិញឆាប់ៗនេះ! ដើម្បីបានមកមើលថែចៅរបស់គាត់នោះអី! »
« ខ្ញុំក៏សង្ឃឹមបែបហ្នឹងដែរ! អរគុណច្រើនហើយ! ចុះលោកមកមន្ទីរពេទ្យមានបញ្ហាអីមែនទេ? »
« ខ្ញុំមករកមិត្ត! គេជាពេទ្យនៅទីនេះ! »
« ហើយលោកបានខួបគេហើយឬនៅ? នេះខ្ញុំរំខានការណាត់ជួបរបស់លោកនិងមិត្តដែរទេ?? »
« គេចូលវេះកាត់ហើយ ប្រហែលនៅមិនទាន់រួចរាល់! អូនោះ...» អេឡិច លើកដៃហាយហ្វាយទៅជេស៊ី ទាំងស្នាមញញឹមបែបមិត្តភក្កិនឹកគ្នា។ ជេស៊ី ញញឹមជ្រឹមភ្នែកសម្លឹងមកពួកគេរហ៍សដើរចូលទៅរកយ៉ាងលឿន មិនភ្លេចញញឹមដាក់ឡាស្ទីន ហើយក៏បបួលនាងទៅញាំអីជាមួយគ្នាទៀត។

« អេឡិចមកយូរនៅ? »
« មួយសន្ទុះហើយ! នៅមានរវល់ទៀតឬអត់? »
« គ្មានទេ! ប៉ុន្តែឡាស្ទីនស្គាល់អេឡិចដែរឬ?? »
« ទើបតែស្គាល់ទេបងជេស! ខ្ញុំមិននឹកស្មានថាអ្នកទាំងពីរជាមិត្តនឹងគ្នាសោះ! នេះហើយជាដុកទ័រដែលខ្ញុំនិយាយប្រាប់លោកអេឡិច! »
« អ្ហា៎...! ផែនដីមូលមែន!  »
« ស្ទីនទៅញាំអីជាមួយពួកយើងទេ? »
« អ្ហឹម... មិនអីទេបងជេស! បងកម្រនឹងបានជួបមិត្តភក្តិណាស់ដូច្នេះទៅញាំអាហារឲ្យរីករាយចុះ ខ្ញុំជិតទៅផ្ទះដែរហើយ! »
« គួរឲ្យស្តាយមែន! ចុះអ្នកនៅវិមានមកទទួលហើយឬនៅ? » ជេស៊ី ស៊ូកដៃចូលហោប៉ៅសួរនាងតូច ដោយសម្លឹងទៅក្រោយខ្នងនាង ធម្មតាឃើញមនុស្សយ៉ុនហ្គី នៅយាមក្បែរៗនាង ចម្លែកអីថ្ងៃនេះមិនឃើញម្នាក់សោះ។