ដែនស្នេហ៍សាតាន🌷 រដូវកាលទី៣

100

រឿង #ដែនស្នេហ៍សាតាន 🌷 #ភាគ៧២C + ភាគ៧៣A

#វគ្គ៨_ជីវិតក្រោយការលែងលះរបស់នាង

// ព្រឹកឡើង //

  រាងតូចច្រលឹងគ្រងឈុតពណ៍ខ្មៅ ដើរចុះជណ្តើរបណ្តើរកាន់បង្កាន់ដៃទប់លំនឹងបណ្តើរ នាងតូចមានទឹកមុខល្អជាងមុនបន្តិចត្បិតពេលនេះមានក្រុមគ្រួសារនៅក្បែរៗ ពិសេសក្មួយប្រុសស្រីដែលពូកែយកចិត្តយកថ្លើមនាង ជួយឲ្យអារម្មណ៍សោកសៅបានធូរស្រាលមួយកម្រិត។
  « មីងតូចចុះមកហើយ! » ជុងហ្វា និយាយទាំងញញឹមចុះពីតុអាហារដើរទៅរកឡាស្ទីន ចាប់ដៃនាងបណ្តើរមកតុអាហារ។
  « ចាំមីងយូេទេហ្វា? មីងគេងលក់មិនឮសម្លេងម៉ោងរោទ៍ ដល់ថ្នាក់ក្មួយភ្ងាក់ហើយមីងមិនទាន់ក្រោកទៀត!! »
« អត់អីទេមីងតូចមានប៊េប៊ី គេងឲ្យច្រើនតិចក៏ល្អដែរហិហិ! »
« មែនហើយស្ទីនី! គេងឲ្យច្រើនក៏ល្អដល់ក្មេងដែរណា៎! បងធ្វើស៊ុបមាន់យិនសិនមួយឆ្នាំងឲ្យស្ទីនញាំ សម្បូរវីតាមីនល្អៗនិងថ្នាំប៉ូវដល់ក្មេងដែរ ត្រូវញាំឲ្យច្រើនៗ! »
« ចាសបងស្រី! » ឡាស្ទីន ញញឹមដាក់សូមី ហើយចូលអង្គុយក្នុងតុអាហារ ដោយមីល ក៏រៀបចំអាហារតាមតុ នីមួយៗ ពួកគេអង្គុយបានបន្តិចក៏ជីមីននិងថេយ៉ុង ដើរចូលមកល្មម ដោយទឹកមុខម្នាក់ៗមិនសូវល្អជាប៉ុន្មាន។ នាងតូចឃើញទឹកមុខស្វាមី ហើយហាក់បីដូចជាយល់ចិត្តទើបដើរទៅរកគេសួរនាំ។

« បងមានរឿងអីឬ? »
« ចាំញាំបាយរួចបងប្រាប់អូនណា៎! » ជីមីនអង្អែលដៃភរិយាថ្នមៗញញឹមដាក់នាងកុំឲ្យព្រួយចិត្ត រួចងាកទៅងក់ក្បាលដាក់ថេយ៉ុង ហើយនាំភរិយាញាំអាហារពេលព្រឹក។

« ឡាស្ទីន! បងមានរឿងចង់និយាយជាមួយអូនបន្តិច! » ថេយ៉ុង កាន់ឯកសារជាប់ដៃសម្លឹងទៅនាងបែបអន្ទះសារជាខ្លាំង។ ស្រីតូចងក់ក្បាលទទួលការអញ្ជើញ ក្រោកដើរទៅបន្ទប់ធ្វើការយ៉ុនហ្គី ពីមុនដើម្បីនិយាយការងារ។

« មានរឿងអីបងថេយ៍? »
« អូនមើលទៅ! ភាគហ៊ុនរបស់យ៉ុនហ្គី កំពុងតែធ្លាក់ចុះជាលំដាប់! មានព័ត៌មានចរចាមអារាមថាធនាគារអាល់ប៊ឺតហ្សង់ដ្រូ ត្រូវដួលរលំដោយសារតែបែកធ្លាយឯកសារសម្ងាត់!! » ថេយ៉ុង បង្ហាញព័ត៌មាននិងឯកសារសំខាន់ៗឲ្យនាងបានមើល ឡាស្ទីន ស្តាប់ចប់ជ្រួញចិញ្ចើមចូលគ្នា ព្រោះរឿងនេះមិនមែនសុខៗកើតឡើងដោយឯកឯងទេ ត្រូវតែមានអ្នកបំផុសបំផុល ទើបរីករាលដាល។