ယနေ့ည၌ အွန်လိုင်းစာပေလောကနှင့် ပတ်သက်သမျှ social media platform တို့၌ ညဦးယံ တစ်ဝက်ကျိုးသည့်တိုင် အလွန်တရာမှ ပွဲစည်၍ နေပြီး မနက် ၃နာရီလောက်တွင်မှ ပွဲကြည့်ပရိသတ်များ တစတစ ကျဲပါးသွားရလေသည်။
တစ်ချိန်တည်းမှာပင် နေ့အလင်းရောင် ထိန်ထိန်ညီးလျက်ရှိနေသေးသည့် ကမ္ဘာ့တစ်ဖက်ခြမ်း၌ ထန်ချူ့မှာ လူခြေတိတ်သည့် ကော်ဖီဆိုင်လေး တစ်ခု၌ ရှိ၍နေလေသည်။ သူသည် သူ၏ မူပိုင်ခွင့်ကိစ္စအား တာဝန်ယူ ကိုင်တွယ်ရသည့် ရှေ့နေ့နှင့် အရင်ဆုံး တွေ့ဆုံမည် ဖြစ်ကာ မနက်ဖြန်တွင်မှ ထိုကိစ္စနှင့် ပတ်သက်၍ ဆက်လက်ဆွေးနွေးရန် Ao Te ဘက်မှ စေလွှတ်လာသည့် တာဝန်ရှိသူများနှင့် တွေ့ဆုံမည် ဖြစ်လေသည်။
သူသည် ချိန်းဆိုထားသည့် အချိန်ထက် စောစွာရောက်ရှိနေလေရာ ရှေ့နေ ဖြစ်သူမှာ မလာသေးသဖြင့် တစ်ယောက်တည်း ရောက်တတ်ရာရာ တွေး၍နေလေသည်။
သူသည် 'အဓိပတိနတ်ဘုရား' ဆိုသည့် နေရာ၌ ရပ်တည်နေသည်မှာ အချိန်အတော် ကြာမြင့်ခဲ့ဖြစ်၍ သတိလက်လွတ် ဖြစ်သွားခဲ့သည် ဖြစ်ပေလိမ့်မည်။ သူသည် လုလျန်ကွမ်း၏ အယ်ဒီတာ ဖြစ်သူက အပိုင်းအသစ် တင်ချိန် လောဆော်နေသည်အား တွေ့ခဲ့သည့်အချိန်ကပင် မရိပ်မိခဲ့ပါချေ။
PenNib ကဲ့သို့ စာပေဝက်ဆိုက်ဘ်ကြီး အနေဖြင့် စာရေးသူဆိုသည်မှာ ရှားပါးပြတ်လပ်ခြင်း အလျဉ်းမရှိပါချေ။ သို့ဖြစ်ရာ အယ်ဒီတာ တစ်ယောက်၌ တာဝန်ယူထားရသော စာရေးသူမှာ ရာပေါင်းများစွာ၊ ထောင်ပေါင်းများစွာ ရှိတတ်ပေသည်။ သာမန်ညောင်ည စာရေးသူတစ်ယောက် အနေဖြင့် အယ်ဒီတာဘက်မှ အင်တိုက်အားတိုက် အပိုင်းသစ် တင်ပေးရန် သတိပေးဖို့ မဆိုထားနှင့် ပြန်စာ ရဖို့ရန်အတွက်ပင် ခက်ခဲလွန်းလှပေသည်။
သင်သာ အပိုင်းအသစ်မတင်လျှင် ranking list ၌ နေရာတစ်နေရာစာ ရရန်အတွက် အသည်းအသန် တိုက်ပွဲဝင်ကြနေသော တခြား စာရေးသူများ ပျော်ရွှင်ရုံသာ ရှိလိမ့်မည်။ ပရိမစ်၏ အောက်ဆုံးနားသို့ ရောက်လေလေ ရှင်သန်ရန်အတွက် တိုက်ပွဲမှာ ပိုမို ပြင်းထန်လေလေ ဖြစ်သည်။ သာမန်ညောင်ည စာရေးသူ တစ်ယောက်၏ အယ်ဒီတာသာ သူတာဝန်ယူထားရသည့် စာရေးသူမှာ ပုံမှန် update အချိန်ဇယားအား လိုက်နာခြင်းမရှိပါက ဒီအတိုင်းပင် blacklist ထဲသို့ သွင်းကာ ranking အတွင်း၌ ပါဝင်ရန်အတွက် အခွင့်အရေး ပေးလိမ့်မည် မဟုတ်ပါချေ။ ဘယ် အယ်ဒီတာကများ ကြင်နာတရား ပြည့်ဝစွာဖြင့် ကိုယ်တိုင်ကိုယ်ကျ လာနှိုးဆော်လိမ့်မလဲ?
YOU ARE READING
ဒီလို အေးတိအေးစက်နိုင်တဲ့ စာရေးသူမျိုးကို တွေ့ဖူးကြပါရဲ့လား?(Completed)
Romanceကျယ်ပြောလှတဲ့ အနန္တအမှောင်ထုရဲ့ အဆုံးသတ်မှာတော့ အလင်းရောင်ခြည်ဆိုတာ ရှိစမြဲပါပဲလေ... Name - Have you ever met such a cold author? Author Name - Shou Chu It's just a fun translation and I don't own this novel. I don't get any permission so I might de...
