ثبت على يديه🌱مكتملة🌱

🌱الجزء 78🌱

🌓تبت على يديه🌓
💎بقلم : ايمان العماري💎
✨الجزء : 78✨
بدر الدين : هنا ابيلس لم يقل من فوقهم او تحتهم الان فوق الرحمه فالدعاء يرفع لله  ومن تحتهم السجود لله ..... يعني كيجيك شيطان يوسوس ليك من كل جهة   ولي ضعيف كيتبعو ويمشي معه فدكشي لي كيأمرو بيه ولي ايمانو قوي شيطان معندو منين ادوز ليه ... لقوله تعالي  قَالَ رَبِّ بِمَآ أَغْوَيْتَنِي لأُزَيِّنَنَّ لَهُمْ فِي الأَرْضِ وَلأُغْوِيَنَّهُمْ أَجْمَعِينَ ﴿39﴾ إِلاَّ عِبَادَكَ مِنْهُمُ الْمُخْلَصِينَ ﴿40﴾ قَالَ هَذَا صِرَاطٌ عَلَيَّ مُسْتَقِيمٌ ﴿41﴾ إِنَّ عِبَادِي لَيْسَ لَكَ عَلَيْهِمْ سُلْطَانٌ إِلاَّ مَنِ اتَّبَعَكَ مِنَ الْغَاوِينَ ﴿42﴾ وَإِنَّ جَهَنَّمَ لَمَوْعِدُهُمْ أَجْمَعِينَ ﴿43﴾ ...... (شاف فيها ونطق) انتي واش باغية تكوني من عباد الله المخلصين ولا تكوني من الغاوين   هادشي لي تفكري فيه دبا متفكريش ف لا كنت صغيرة وكنشوف لبنات كيلبسو وماكنش عندي ودبا عندي وبغيت نعوض راسي   .. 

كمل كلامو ليها وشاف فيها فعلا شاردة بحلا كتفكر تنهد ونطق

بدر الدين :  مهم عمر مشدود وغيتحاسب على افعالو فدنيا ونتمنا ليه الهداية ويراجع راسو  حتا نتي راجعي راسك وفكري علاش عمر تجرء عليك وحاول اتعدا عليك سولي راسك واش حتا نتي عندك يد فهادشي لي وقع  

كمل كلامو ونزل خلاها كتفكر   فهدرتو    شوية وقفات مرفوعة ونزلات لبيت  وهي تمشي لسلة تاع لحوايج لي كانت رمات فيها حوايجها لي كانت جات بيهم نهار لول لهنا هزاتهم وجات لبساتهم وقفات قدام لمريا كتحاول تشوف شنو لي دارت وخلا عمر اطمع فيها   هي براسها كيجيها عادي بداك لباس مزير ومعري   مفرسهاش بلي نضرة رجال ليها ماشي هي نضرة تعها لراسها ... وغير كتزيد تهز دنوب على رقبتها ... وكتزيد فالفتنة وبداك اللباس كتخلي رجال يشوفو فيها بشهوة وكاين لي غيشوف فيها بشوفة ناقصة مجتمعنا ولا كيحكم على المظاهر كثر من الأفعال ...
كاين البعض لي كيحسب هاد شي تحرر الفكر وكيجيه عادي ولكن معرفنيش الاثم والذنب لي كياخدوه وهدشي فيه معصية كبيرة

حيدات دوك الحوايج ولبسات بيجامة مستورة ونزلات لتحت لقاتهم يالاه غيتجمعو على طبلة يتعشااو جرات كورسي ديالها وجلسات

محجوبة : مورتينيش شنو خديتي

ربيعة  شافت فيها : اش بغيتيها امي خليها كون بالها فيك كون وراتك

نجاة : ربيعة عيقتي على البنت مالك معها ملي جيتي ونتي حاطة عينيك عليها

ربيعة :  جاوبت غير مي ماقلت  عيب

نور تبسمات لمحجوبة : فاش نطلعك لبيتك غنوريك الحوايج لي خداو ليا

محجوبة : وخا بنتي

نجاة : اوا ختي ربيعة امتى ناويين تقلعو

ربيعة : يكما ثقلنا عليكم اختي 

نجاة : حاشا بغيت غير نعرف واش غتكونو حاضرين فضريب صداق د نور وولدي بدر

ربيعة عوجات فمها : اوا حتى لتما ونشوفو لاكانت مسلكاني نحضر لولد ختي علاش لا

نجاة : ان شاء الله

نور غير كضور بملعقتها بشهية مسدوووودة حتى كولشي رد ليها البال ..

نجاة : نور ماكليتي والو ابنتي

نور بتاسمت : هانا كناكل اخالتي

نجاة سكتات كتشوف فيها مطولة عرفاتها غتكون باقا مخلوعة من الموقف تاع قبيلة .... نور حدرات عينيها  كتحاول تاكل بزز ... وخا معندهاش شهية حتى كتسمع صوني دتيليفون كان حداها فوق الطبلة محطوط بينها وبين بدر الدين لي جات عينو على سمية المتصل هو يزير على قبضة  يدو و نور سرطات ريقها وشافت فيهم

نور : سمحوليا

ناضت من فوق الكورسي  وطلعات لفوق باش تجاوب ...