ثبت على يديه🌱مكتملة🌱

🌱الجزء 45🌱

🌓تبت على يديه🌓
💎بقلم : ايمان العماري💎
✨الجزء : 45✨
طلعات نهيلة كتبتاسم ونور وقفة كتستوعب هدرت نهيلة  ديك ندي معه الاجر  هي عمرها فكرات فالاجر   تديه شافت راسها كانت كتفكر عير تشد اجر من عملها وتصرفو على حوايجها  عمرها فكرات ف اجر لله   ضارت جهت دروج وتبعات لعين ل نهيلة لي كانت غادية ولبسها شرعي مجرجر فدروج سترها كاملة  ... شافت فيها  مطولة  وهي  تبدا تخمم مع رسها  وتهدر بوحدها

نور : هي كتقرا وكتخرج لبرا وخا هكاك لبسة مستورة  هي عايشة حياتها وكتبان عادية فدار بلا حجاب بلا والو كتبان متحررة فدار وفاش تخرج كتستر  وكتبان زوينة بداك لباس  وعاد كتصلي  صلتها وقالت بغات تدي الاجر مع خوها ف صيامو  كيفاش هي هكا كيفاش قدرات على هداشي كامل 

بقات نور على داك الحال حتا بانت ليها تاني نهيلة نازلة لبسة بجامة عبارة على سروال كلون وتيشورت تاعو وشعرها مطلوق  نزلات وهي فرحانة  وجها مبشور كتبان مرتاحة معندها لا هم لا غم    ركزات معها حتا وصلات عندها

نهيلة : مالكي تصمرتي بلاصتك

نور : لا والو غير شفت جداك مزال كتسبح وقلت بلا منقطعها حتا تسالي ونمشي نعطيها دوها

نهيلة : اه غير سيري عطيه ليها راه جدة كتبقا تسبح حتا المغرب

نور : داااكوغ   

مشات نور عطات لمحجوبة دواها وهي تمشي دخل لكوزينة تما لقات نهيلة ونجاة كيوجدو فالفطور ل بدر دين بحلا كيوجدو فطور فرمضان  كيصاوبو الحريرة وشهيوات  شافت فيهم وهي دخل تعاونهم  وجدو طبلة فيها كل مالذا وطاب فكرات نور غير فطبلة تاع شهر  رمضان تاسمعات ادن المغرب نزل بدر الدين من لفوق وجا جنب طبلة هز كاس دالما وتلاثة تمرات وجلس فرق صيامو  من بعد مقرا دعاء نهاية الادن ودعاء قبل لفطور

بدر الدين : اللهم ربي هده الدعوة التمة وصلاة القائمة اتي محمدا لوسيلة والفضيله والدرجة الرافعة وبعته مقاما محمودا لدي وعدته انك لا تخلف المعاد  بسم الله دهب الضماء وبتلت العروق وتبت الاجر ان شاء الله

كمل دعاء وشرب تلاثة جغمات وكلا تمر وهو ايوقف مشا اقم صلاة 

نجاة : الله اقبل صيامك

بدر الدين : امين يارب العالمين  تصليو المغرب

نجاة : اه

تقدم بدر وقف وقفو وراه تاني ونور بقات جلسة كانت متبعة مع بدرالدين بلا متشعر كانت كتشوف فيه كيف كان كياكل بهدوء وفاش كيدعي وكيقرا دعاء ويديه هزهم لسما 

فيقها من سهوتها غير صوتو فاش بدا كيرتل فالفاتحة وهو وقف مستقبل لقبلة  ومو وختو وجداه وقفين وراه   نور  بقات كتشوف فيهم وفنمط عيشهم كيف كيتعاونو على كولشي على دنيا ودين كيخدمو لدنيا ولاخيرة فنفس الوقت وعيشين حياتهم فهدوء وراحة لبال.... تفكرات حياتها هي كيف كانت عايشة فصداع لي كان ينوض ديما فدرهم يوميا  كتخاصم معه خوها  تفكرات ماماها كيف كدخل كتلقها جالسة فشلانة بزز باش كتحل عنيها كيبان عليها اتار العيا تاع شقا والهم  تفكرات خوها لي كيضل انعس نهار كامل وفاش افيق احرر فيهم العيشة  .... شافت حياتها كيف كانت وشافت حياة بدرالدين وعائلتو  كيف دايرا وهي تسائل علاش هدو عيشين مرتاحين وكولشي موفر ليهم وهانين فحياتهم ؟ علاش هي وعائلتها عمرهم شافو نهار زين فحياتهم فين غيكون الخلل ؟؟؟؟

هنا انجوبو لبطلة تعنا ونجاوبو بزاف دالبنات كيسولو هاد السؤال

قال الله سبحانه وتعالى

وَمَنْ أَعْرَضَ عَنْ ذِكْرِي فَإِنَّ لَهُ مَعِيشَةً ضَنكًا وَنَحْشُرُهُ يَوْمَ الْقِيَامَةِ أَعْمَى ۝ قَالَ رَبِّ لِمَ حَشَرْتَنِي أَعْمَى وَقَدْ كُنتُ بَصِيرًا ۝ قَالَ كَذَلِكَ أَتَتْكَ آيَاتُنَا فَنَسِيتَهَا وَكَذَلِكَ الْيَوْمَ تُنسَى

يعني فاش كتعرض عن دكر الله كتبعدي على الله  وكتسولي مالك وعلاش نتي هكا ديرة فراجعي راسك ورجعي لطريق وتقربي من الله سبحانه وتعالى وفوضي امرك لله

وفاش كتسولو علاش  هدا مرتاح فحياتو ولا  هادي مرتاحة ومعندهاش مشاكيل  ف بغيت نقول ليكم اش قال الله تعالى  فهادشي

اعود بالله من الشيطان الرجيم
{ مَنْ عَمِلَ صَالِحًا مِّن ذَكَرٍ أَوْ أُنثَىٰ وَهُوَ مُؤْمِنٌ فَلَنُحْيِيَنَّهُ حَيَاةً طَيِّبَةً ۖ وَلَنَجْزِيَنَّهُمْ أَجْرَهُم بِأَحْسَنِ مَا كَانُوا يَعْمَلُونَ }

يعني حنا لي كنقررو اش نعيشو واش حياة طيبة ولا معيشة ضنكا  ..... نسأل الله الهداية وتوبة