🌓تبت على يديه🌓
💎بقلم : ايمان العماري💎
✨الجزء : 97✨
محجوبة قربات عندهم كتعكز بعكازها وعينيها دمعااانين : مبروك عليكم اوليداتي
نور وبدر الدين ناضو عندها دقة وحدة نور عنقتها وبدر الدين شد يدها عندو وباسها وهي كترضي عليهم وتدعي معهم الله يبارك فزواجهم ويرزقهم الذرية الصالحة
نجاة : يلاه ابنتي حليو بتمر و الحليب وركبو الخواتم
نور شافت فبدر الدين هو بدورو شافيها ....
نجاة مدات ليه الحليب : بسم الله ا ولدي هاك شرب مرتك
نور شافتو شد الكاس هي توسع عينيها : خ خالتي انا ...
نجاة قاطعتها : يلاه اولدي شربها الحليب
هز الكاس وضار عندها قرب الكاس لفمها كيشوف فحناكها تزنگو ويديها مزيرة عليهم بجوج ضحك فنفسو عرفها حشمانة منو سمات الله هو يشربها من الحليب هز تمرة عضات منها بسيف باش كتاكل وتسرط خصوصا وانظار الكل عليها .....
نور جمعات يديها عندها الحركة لي دارت خلات كلشي كيضحك عليها
نجاة : متكونيش أنانية ابنتي شربيه كيفما حتى هو شربك الحليب ا وكلك التمر
نور كتشوف فيها بمعنى لا منديرهاش ونجاة هزات الكاس دالحليب وعطاتو ليها
نجاة : يلاه ا نور
نور شدات الكاس بين يديها كيرجفو ...بدر الدين شاف يديها كيترعدو هو يشدهم بين يديه قرب لكاس لفمو شرب من داك الحليب وحطو فصينية هز تمرة دارها فمو مبغاش يزيد يحرجها كثر
رجع مد يدو هز الخاتم لي فالبواط تاعو شدو بين يديه وضار عند نور شاف فيها وكيتسنها تمد يدها
نجاة : عطيه يديك ابنتي
نور هزات راسها باه مدات ليه يدها هو شدها عندو تاحس بضو ضربو من ملمس يديها خلات داتو تبورش ركب ليه الخاتم فصبعها كيشوف فضفيراتها طوال دايرا ليهم لفرانش معجبوش الحال ولكن معندو ميدير شوية بشوية غيعلمها كل حاجة
بدر الدين تبسم ليها وهو كيشوف فعينيها : مبروك علينا
نور كانت كتشوف فالخاتم عجبها بزاف تاسمعاتو نطق هي تعلي عينيها فيه بقاو مدة كيشوفو فبعضياتهم تاقطعهم صوت نجاة
نجاة عطاتها خاتم فضي ديال بدر شداتو وركباتو ليه بزربة وجمعات يديها عندها
طلقو لعيالات زغاريت تاقلبو داك الصالة و بدر الدين قرب من نور طبع قبلة على جبينها تاوسعات عينيها على جهدهم
صدمها ومكنتش متوقعاها منو ....
بعد عليها كيشوف فعينيها المصدومين فيه هوما اصلا كبار وواسعين ومشفرين وزادو توسعو كثر بصدمة ... سها فلون عينيها للي دوخوه من نهار شافها وهو كيحماق على دوك لعوينات ....
مكرهش يخبيها وميشوفها تاواحد من غيرو ولكن ميقدرش خصوصا فهاد الفترة باغي يمشي معها دقة دقة باش متنفرش و يخليها تقتانع راسها .....
بدر الدين نساحب وخرج من الصالة ونجاة حطات ديك صينية وقربات عند نور وهدرات معها
أنت تقرأ
ثبت على يديه🌱مكتملة🌱
Romance💎مكتملة💎 #قصة_دينية بعنوان : #تُبْتُ على يديه ✍️ بقلم : ايمان العماري لا شك أننا أصبحنا في زمن مليء بالفتن والملهيات عن طريق الله ونحتاج جميعاً لتجديد التوبة وتجديد العهد مع الله -جل و علاه- فمهما عَظُم ذنبُك، ل...
