🌓تبت على يديه🌓
💎بقلم : ايمان العماري💎
✨الجزء : 91✨
نجاة : غير الخير اولدي ( قربات عندو مبتاسمة ) بنتي نور الله يرضي عليها كتسمع الهدرة وكادير بيها
بدر الدين : داكشي لي بغينا تاحنا نطلبو ربي يهديها
نجاة : امين ... ولدي نور راها باغا تخدم هدرات معيا وقالت ليا من ورا زواجكم باغا تشوف ليها خدمة فشي سبيطار ولا كلينيك
بدر الدين سكت مدة : يكون خير ان شاء الله
نجاة غمزات ليه : امين ياربي .... الخدمة ماشي عيب اولدي هي قارية وواعية وكانت خدامة قبل منعرفوها منجيوش حنا ونحبسوها من الخدمة
بدر الدين : انا مغنحبسهاش الواليدة غير هو لابغات تخرج وتمشي لخدمتها راها عارفة الشرط ديالي
نور زيرات على عينيها عرفاتو شنو بغا يقصد ونجاة ضحكات باغا تستملح ليهم الجو .....
نحاة : نور تبارك الله عليها كتسمع للهدرة خاصها غير شوية د الوقت وراه غتولي دير كولشي تحجب وتصلي وتستر راسها خاص غير شوية د الصبر
بدر الدين : تاحنا مغنمنعوها من تاحاجة حياتها تعيشها كيف مابغات تخرج و تخدم خدمتها كيف ما كانت كادير من قبل
نجاة : الله يرضي عليك اولدي
بدر الدين : امين
باس على راس مو وخطف شوفة فنور بانت ليها حانية راسها تنهد هو ينزل بلاما ينطق بحتى كلمة .. نور حسات براسها تزيرات ... معجبتهااش معاملتو جديدة .... كانت متعودة عليه يهدر معاها ولا ... يشوف فيها دبا حساتو ولا بارد معها .... ماشي بدر الدين لي عرفاتو فلول حسات بيه مزال شاد فخاطرو من جيهتها .... عيات صابرة فلخر حطات داك صاك دالحوايج ونزلات تبعاه فدروج نور من نوع لي مكتبغيش شي حد يبقا مقلق من جيهتها خصوصا لاكانت هي اللي غالطة فحقو ......
شافتو غيحل الباب ويخرج وهي تعيط ليه بسميتو
نور : بدر الدين
بدر الدين زير على عينيه ملي سمع سميتو خارجة من فمها كانت هادي تاني مرة تنطق بيها ضار لعندها غير براسو ونطق .....
بدر الدين : نعام
نور قربات لعندو : بغيت نهدر معك
بدر الدين : هدري كنسمعك
نور تنهدات : مكنبغيش شي حد يبقا هاز فخاطرو من جيهتي ولا مقلق مني .... ( حدرات راسها كتشوف فلارض ) بغيتك تسمح ليا على داك داكشي لي وقع انا عارفة راسي غلطت ونتا معطتنيش فرصة فين نشرح ليك ... داك الولد انا ...
بدر الدين قاطعها : هادي شي فات معندنا علاش نتناقشو فيه سيري طلعي الحمام ملي تسالي رتاحي شوية
ضار بغا يفتح الباب هو يسمعها نطقات .....
نور : باقي مقلق نتي ؟
بدر الدين : لا
نور : سمحتي ليا من قلبك !
بدر الدين تبسم بينو وبين نفسو : من قلبي ا نور
فتح الباب وخرج مخلي قلب من موراه قريب يسكت من كثرة ماكيضرب ....
أنت تقرأ
ثبت على يديه🌱مكتملة🌱
Любовные романы💎مكتملة💎 #قصة_دينية بعنوان : #تُبْتُ على يديه ✍️ بقلم : ايمان العماري لا شك أننا أصبحنا في زمن مليء بالفتن والملهيات عن طريق الله ونحتاج جميعاً لتجديد التوبة وتجديد العهد مع الله -جل و علاه- فمهما عَظُم ذنبُك، ل...
