ثبت على يديه🌱مكتملة🌱

🌱الجزء 51🌱

🌓تبت على يديه🌓
💎بقلم : ايمان العماري💎
✨الجزء : 51✨
ربيعة :  بغيت غير نعرف باشمن حق مسكنين معكم  فرملية فدار ولدك  عزري باقي ممزوج

نجاة : ختي واقلة هدرنا معك فهداشي

ربيعة : واش مشفتيهاش شنو لابسة ! ... مخفتيش دير ليك شي شوهة وتلصقها لولدك اش بغتي الناس اقولو عليه لشافوها عندكم فدار

نجاة : لي عندو فمو اهدر بيه حنا مكنديرو حتا حاجة حرام البنت محتاجة  خدمة وحنا وفرنها ليها ومي محتاجة  لي تقابلها بغض نظر على لباسها وعلى حياتها هي كتبقا بنت مسلمة ولامشديناش بيديها حنا وعوناها باش مطيحش فشي طريق خايبة شكون لي ايدير هادشي شوفي اختي نتي عندك بنات كيف عندي حتا انا بنت وكنخافو عليهم وبغينا ليهم السترة والخير وحتا هاد البنت خاصنا نبغيو ليها دكشي لي بغينا لبناتنا ونطلب لله اهديها  وان شاء الله ربي غدي اوجها لطريق تاعو ودير الحجاب وحنا ناخدو الاجر معها

ربيعة :  علاش نتي نية اختي و كتهدري بالعاطفة راه هاد زمان صعاب  وتخيلي ميوقعش هادشي لي كتمناي نتي كتمناي الخير لناس راه ماشي كاع ناس فحالك خافي على ولادك قبل عاد شوفي ولاد ناس نتي كتعرفي هاد البنت لي مدخلة لدارك كتعرفي اش تحت راسها شكون  ضمن ليك   ماديرا شي منتف وجات تخبا عندكم ولا تكون هازة شي كرش حتا طيح الباطل على ولدك

نجاة : لا حولا ولا قوة الا بالله العلي العظيم  استغفر الله العظيم واتوب اليه ختي ها مي  حداك  شوفيها ودري دكشي لي وجيتي على قبلو وشي لاخور خطيك منو   نوض ندير لغدا يطيب ونور بعدي عليها بلا ما نخرجو العيب

ناضت نجاة ونور رجعات بزربة لكوزينة عند نهيلة لي كتغسل الماعن  نور  وقفات متكية على بوطاجي  وملامحها طاغي عليهم الحزن 

نهيلة : نور مالك

نور : والو اختي  غير جيت نشرب

هزات كاس دالما كدوز بيه الغصة من حلقها حتا دخلات عليهم نجاة لي  شافت عند نور حطات لكاس وحدرات عنيها كتحاول تهربهم باش ميشفوش دمعة لي خنتها  ... نجاة قربات عندها وعلات ليها راسها لفوق 

نجاة : حتا حد ميستاهل تنزلي دموعك عليه ابنتي  انتي هنا فداري وانا تايقة فيك وربي شاهد   درتك فبلاصة بنتي نهيلة   ومكانتك بحال مكنتها وانا باغا ليك لي كنتمناه لبنتي   ومتديش على هدرت ختي

نور عيات صابرة وهي تلاح فحضنها معنقاها كتبكي بالحرقة

نور : انا اخالتي والله مدرت شي حاجة ولا عمري فسدت ولا درت شي حاجة خايبة  انا بصح لباسي فشكل  وممحجباش ولكن هدا مكيعنيش بلي انا كافرة  انا خالتي محتاجة غير شوية دالوقت ونصلح من راسي عارفة راسي مقصرة من جيهت الدين ولكن ماشي لخاطري انا فقت لقيت راسي كندمر ونخدم باش نعيشو حياة زوينة انا ومي ومكانش عندي لوقت نبحت فدين  كنت كنخدم مرة ليل كامل بنهار نعس مرة نهار وليل نعس ومشاكيل لحياة شغلوني 

نجاة : بنتي متحتاجيش تبرري ليا انا عارفة قلبك بيض ودخلتي ليا لخاطري وانا انبقا ندعي معك فكل صلاتي ربي يهديك

نور : اميين ياربي

مسحات ليها نجاة عنييها وهي دوز توجد لغدا اما نور  خرجات تمشي دير خدمتها مشات هزات دوا تاع محجوبة وهي تقرب عندها باش تعطيه ليها  وربيعة كتخنزر فيها   هي وبناتها  محملوش نور 

محجوبة غير قربات عندها نور وهي  طلع معها بواحد قرصة لفخدها : اش كنقوليك اسليعفانة علاش معرية علينا طرف ونزلتي حتا  جيفتي الراجل حتا كانو عنيه ايخرجو

نور : حرام عليك قصحتني