ثبت على يديه🌱مكتملة🌱

🌱الجزء 17🌱

🌓تبت على يديه🌓
💎بقلم : ايمان العماري💎
✨الجزء : 17✨
نزل معها لاموغ وخرجو ليها جتة تاع ماماها شافت فيها وقربات بغات تحيد عليها ليزار حبسها فؤاد

فؤاد : نور من الاحسن بلا متعري ليها وجها هي ....

نور قاطعاتو : هي محروقة كيف محروق قلبي  دبا حيد يدك

بعداتو عليها وحيدات ليزار ل ماماها شافت وجها لي تشوه وجامد شافت كيف تحرمات حتا من اخير شوفة فوجه ماماها  نزلو دموعها وهي حطات يديها على فمها  كتشهق

فؤاد شافها هكاك بقات فيه شير على رجل لي وقف اغطي لجتة ودكشي لي دار جر فؤاد نور خرجها على برا هي لي طاحت جلسات الأرض كتبكي بحرقة

وقفو عليهم لبوليس باغيين ياخدو إفادة تعها مشات معهم حتى سالاو معها

داز الوقت ...
 
دخلات مع فؤاد لدارو وهي  كيف شي جثة تحيد منها روح غادية بلا عقل بحال شي دمية متحركة ملي جابها من لمقبرة فاش شافت ماماها تحت تراب وعرفات بلي هي تما بسبابها تمناتها كون ماتت بموت الله ومتمووتش محروقة على يدين وحووووش 

حطها فؤاد فوق سرير وغطها وهي حالة عنيها كتفكر وتخمم وكتلوم رسها كتقول كون غير مشدات ضد مع زكريا وصحابو كون تسترات كون دبا ماماها جنبها وخوها حتا هو .... كتشوف راسها  بين ليلة ونهار فقدات كاع عائلتها خوها فالحبس تحكم سنين طويلة وصحابو وزكرياء تحكم عليهم بالمؤبد حيت لقاوه عليهم بزاف ديال التهم منها التهرييب وتجارة فالاسلحة والقتل العمد  

فؤاد : نور  محتاجة شي حاجة قبل منمشي (شافها  ساكتة   تنهد وكمل ) مهم ها ساكك جبتو ليك فيه تليفون تاعك لحتاجتي شي حاجة عيطي عليا وخا

شاف فيها مزالة بنفس الوضعية تحسر على وضعها  خرج من لبيت وصا الخدمة عليها   وهو مشا لخدمتو لي خلها تلتيام هادي

نور بقات متكية وكتخمم وتلوم فرسها ساعات وهي على داك لوضع  وقفات وهي لبسة عباية كحلة عباية باش مشات لمقبرة باقية فوق لحمها   شافت فالبيت وفصورة تاع فؤاد لي محطوطة فوق كوفوز  شافت صكها وهي تهزو حلاتو لقات فيه بزطمها وكارط نصيونال تعها ولي كاغط بونكيغ  وتليفونها  ردات ليه دكشي وهي تهز  تصويرة تاع فؤاد درتها فصكها  وخرجات من لبيت كان وصط نهار  مبان ليها حد تما وهي تخرج دارت شافت فدار فؤاد شحال وهي تحرك   طلعات ف اول طاكسي طلبات منو اوصلها لاگار ديال تران  ... غير وصلات  نزلات وخلصات طاكسي  وقطعات ورقة لمدينة المحمدية