ثبت على يديه🌱مكتملة🌱

🌱الجزء 128🌱

🌓تبت على يديه🌓
💎بقلم : ايمان العماري💎
✨الجزء : 128✨
بدر الدين : ماشي بزاف ونتي

نور خدودها توردو : شوية  باقا كنحس الحريق

بدر الدين : دبا تفوت ان شاء الله

نور : رتاح شوية غاتكون عيان بالخدمة

بدر الدين : بغيت نهدر معك

نور : شنو كاين

بدر الدين : هاد الليلة غنسافر خصني نمشي نشوف السلعة جديدة باش نجيبها المحال

نور سكتات مدة : غتعطل ؟

بدر الدين : 3 ايام ونرجع المحمدية

نور : علاش متشوفش شي واحد يصيفت ليك السلعة بلاما تعدب راسك وتسافر

بدر الدين : بحال هاد الامور مكنعول على  واحد فيها
كنبغي نوقف على الحاجة بيدي

نور نطقات بنبرة جافة : طريق السلامة

جات نايضة هو يشدها من يدها ...

بدر الدين : فين غادة ؟

نور : غنهبط نسخن ليك غداك

بدر الدين : جلسي  باقي مساليتش هدرتي

نور نترات يدها : هدر كنسمعك

بدر الدين وقف قدامها : مالك

نور : ممليش

بدر الدين شاف دمعة جنب عينيها مسحها ليها قبل متنزل : علاش لبكا دبا

نور بصوت مخنوق  : مكنبكيش

بدر الدين ميل راسو فيها : نور

نور شهقات بالبكا حطات يديها على وجها تاحسات بيه عنقها بدات كتبكي بجهد وسط حضنو مزيرة بيدها على حوايجو كتشهق

بدر الدين : هادشي هو لي مباغيش .. نور سمعني راه مغنفوتش 3 ايام .. مكرهتش نديك معيا ولكن معندي كيف ندير ليك صبري عليا غير نرجع ونسافر انا وياك ... واعدتك نسافرو ومغنخلفش بوعدي ...( بعدها عليه ) حبسي من لبكا مكنبغيش نشوف هاد دمووع .. ( قبل جبينها ) .. اللي غنطلب منك دبا هو ديري عقلك وخليك كالسة فدارك ولا خصاتك شي حاجة وبغتي تخرجي قوليها الواليدة تخرج معك متخرجيش بوحدك وانا مكينش فدار

نور هزات راسها بااه : مغطولش كثر من 3 ايام ياك

بدر الدين : لا 3 ايام وانا معك مغنفوتهاش

نور رجعات عنقاتو : رد لبال راسك عافاك

بدر الدين : انا لي خصني نوصيك تردي لبال راسك وديها فصحتك متبقايش عطاياها غير لبكا

نور : بغيت منك طلب

بدر الدين :  نتي غير طلبي وانا نفد

نور بعدات عليه كتمسح عينيها : ملي نسافرو ان شاء الله بغيت نمشي لكازا ..  نزور ماما

بدر الدين : غير هدشي لي بغتي طلبي

نور هزات راسها بااه

بدر الدين : ان شاء الله نديك تشوفي ماماك وحتى خوك لابغتي تزوريه

نور سكتات مدة ونطقات : لا .. مبغيتش نشوفو