🌓تبت على يديه🌓
💎بقلم : ايمان العماري💎
✨الجزء : 63✨
بدر الدين قرب عندها خاشي يديه فجياب وقف جنبها ونطق بلاما يهز عينو فيها
بدر الدين : كنواعدك مغتندميش على هاد الخطوة لي درتي معيا
خلاها ومشا نزل وهي بقات واقفة فبلاصتها مصمرة وقلبها كتحس بيه كيضرب ومعرفاش علاش ! حتى فاش كتكون قدامو مكتقدش تهز فيه العين نور البنت الجريئة لي تاحاجة مكانت كتخلعها جا بدر الدين بدل كولشي عندو واحد الهبة كتخليك تحتارميه بسيف عليك وتحدري عينيك بلا ما تحسي ......
حتى لدبا مزال معرفاتش كيفاش حتى وفقات تزوج بيه !!! ....
واش حيت باغا تستر راسها وتلقاا دراع يحميها وتحط راس عليه اولا شي حاجة خرة ! ...
تنهدات بعمق ونزلات لتحت لقاتو جالس مع عائلتو شافها هو يشير ليها باش تجلس ومشات حدا نجاة وجلسات
بدر الدين : مادام كولشي مجموع غنبشركم بواحد الخبر
كولشي شاف فيه من غير نور لي حادرة راسها وكتسمع ليه ....
بدر الدين : كيف قلت ليك نور ولات خطيبتي .. مدرناش الخطوبة حيت نور ماعندها حتى شي حد فالعائلة لي نطلبها منو ( نور زيرات على عينيها ملي تفكرات ماماها وباباها لي ماتو وخلاوها بوحدها ) من دبا يوماين غانديرو العقد
نور عينيها توسعو على جهدهم آش هاد زربة !!! ..
ربيعة شافت فيها محقدة وبناتها كذلك اما نجاة ومحجوبة فرحو ليهم ....
نور طلعات عينيها فيه كتشوف فملامحو جدييين واضح انه كيهدر جدي وكتسائل مع راسها هدا علاش زرب هاد زربة ياك الأمر ومافيه يستر بنت ويحميها ؟
قالت مع راسها زعما نكون كنعني لو شي حاجة ؟؟؟ .....
بسرعة نفضات افكار مركزة مع كلام نجاة
نجاة : خاصنا نبداو فتوجاد لعرسكم
نور بهدوء تام : منقدرش اخالتي ندير العرس وماما يالاه دفنتها ... نديرو عشا خفيف يكون غير بيناتنا والمقربين ليكم حيت انا مابقا ليا حتى واحد فهاد الدنيا ....
نجاة : وخا بنتي كلامك هو الكبير وخا كنت باغا نفرح بيك وبولدي ولكن ان شاء الله نفرحو فسبوع حفيدي لاكتاب
نور سرطات ريقها وحنات راسها كتفرك فصبعانها
ربيعة : هوما تزوجو بعدا باش تفكري ليهم فسبوع !
نجاة : راك سمعتي ولدي شنو قال يوماين وغيضربو لاكط ديالهم متعرفيها تحمل فهاد شهر مالها شنو فيها كاع
نورا غطسات راسها بين يديها وبدر الدين غير كيدور فراسو ..ملي شافهم غيزيدو فالهدرة هو يحنحن باش يفهمو راسهم ... هوما نساو بلي هو جالس معهم نجاة فهماتو لا هي لا ربيعة جمعو وطواو دغية وقف هو ونطق
بدر الدين : مهم من هنا ليومين العقد ان شاء الله بينما وجدنا لوراق لي ايخصو ( شاف ف نور ) البطاقة تاعك حتى تعطيها ليا
نور : واخا
نجاة وقفات حتا هي : بدر ولدي واحد دقيقة
بدر الدين تبعها الكوزينة ودخلو سدو عليهم كيهضرو
بدر الدين : نعم الواليدة
نجاة : ولدي انت اتزوج بالبنت وقلتي مكيناش خطبة حيت ولي امرها مكينش وانت طلبتي منها الزواج هي وقبلات لكن باش تقول ليها حطي بطاقتك باش تجمع وراق وتكتب عليها لا اولدي هدا ماشي صواب منك خاصك تجهزها بعدا وخا هي قالت مبغاتش تفرح هدا مكيعنيش بلي مغديش نفرحو بيها ولدي بغيت نور تحس براسها بحلا مزال ماماها عايشة بغيت نتقضا ليها دهازها وخاتم ونحني ليها ونجهزوها فديك الليلة لي قالت عشا خفيف مهم نفرحو ليها حيت هدا نهار ايبقا دكرى ليها
بدر الدين : كنت غنعطيها فلوس صداقها ديك ساعة تاخد هي لي بغات
نجاة : مهم معليش اولدي انت غير وصلنا فالعشية ناخدو لي ايخصها
بدر الدين : وخا الواليدة وجدو راسكم عشية نجي نديكم تاخدو لي بغيتو
أنت تقرأ
ثبت على يديه🌱مكتملة🌱
عاطفية💎مكتملة💎 #قصة_دينية بعنوان : #تُبْتُ على يديه ✍️ بقلم : ايمان العماري لا شك أننا أصبحنا في زمن مليء بالفتن والملهيات عن طريق الله ونحتاج جميعاً لتجديد التوبة وتجديد العهد مع الله -جل و علاه- فمهما عَظُم ذنبُك، ل...
