🌓تبت على يديه🌓
💎بقلم : ايمان العماري💎
✨الجزء : 113✨
شاف دموعها حس براسو تزير دموعها وهدرتها وديك النبرة باش هدرات عرفها هادشي كامل لي كديرو فوق خاطرها غير باش ترضيه ماشي باش ترضي الله سبحانه وهدشي هو لي مكنش باغي ... بعد يدو من فمها وهي طلق البكية بججهد .. مشات السرير و جلسات عليه كتبكي مغطية وجها بيديها بجوج وكتشهق ....
بدر ضرب الكورسي الهزاز بركلة ومشا دخل لدوش رادخ بابو ...
و نور باقا على وضعيتها كاتبكي ، عيات صابرة ولكن قلبها عمر وفاض ... عيات ماتصبر فراسها ودير فجهدها ... باش تكون كيف ما هو باغي ولكن هادشي فوق طاقتها عمرها توقعات انه غيجي نهار .. لي غتبدل راسها على ود شي شخص نور ماشي غير متحررة نور مكتبغيش لي يفرض عليها شي حاجة هي ممرتحاش فيها ...
سمعات باب دوش تحل وهي تعلي راسها فيه جات عينو فعينيها هو يحدر راسو ودخل لدريسينغ وناضت تبعاتو
نور : خصنا نهدرو
بدر الدين مال براسو عندها : نسيتي شي حاجة مقلتيهاش !
نور مسحات دموعها : داك الولد انا ما بيني وبينو والو مجرد صديق ..
بدر الدين تنهد : نزلي لتحت راه كيتسناوك لفطور
نور بصوت باكي وبلغوات : علاش كلكم فهاد الدار كتفهموني غلاط علاااش
بدر الدين : دبا مالك كتبكي
نور : انا مخيباش وخا متحررة فلبلسي وشخصيتي وحياااتي راه متوصلش بيا لدرجة ندير شي حاجة خايبة داك الولد لي كيصوني ويسول فيا صديق كنت خدامة معاه فالكلينيك ديال باه من تما ولات بيناتنا علاقة صداقة لا غير ودابا لاشفتيه كيصوني حيت مشطون من جيهتي وكيبغي يطمن عليا
بدر الدين ربع يديه كيشوف فيها : انا مقلتش ليك راك كديري شي حاجة خايبة ....
نور قطعاتو : ملي هاكا علاش سولتني واش بيني وبينو شي حاجة اذن نتا مكتيقش فيا
بدر الدين مسح على شعرو : ماشي مسألة الثقة
نور : اهااا ! .....
بدر الدين : مبغيتش مراتي تهدر مع شي واحد من غيري
نور وسعات عينيها فيه : كنحاول نفهمك ولكن مبغتيش تفهم ليا فلول جبتني لدارك خدمتوني عندكم منبعد بديتي كدافع عليا قدام خالتك وراجلها حتى صدمتني بهاد زواج بغيت نعرف علاش كادير معيا هادشي كامل .. علاش !!!
بدر الدين سكت كيشوف فيها
نور : يلاااه دوي .... قوليا علاش هادشي كامل .. علاش تزوجتي بوحدة مكتعرف عليها والو ... لقتيها غير فزنقة وجبتيها معاك لدارك .... معارفش واش كان عندها شي شخص فحياتها ولا كتبغي شي واحد ( بدر الدين زير على عينيه هدرتها شعلات فيه العافية ) ... واش مسولتيش راسك هممم .. مقلتيش هاد البنت ممكن تكون كتبغي شي واحد وانا طلبت منها زواج ؟؟؟
بدر الدين وجهو رجع حمررر : طلبت منك زواج ولكن مفرضتوش عليك كلشي كان بخاطرك ونتي وافقتي عليه
أنت تقرأ
ثبت على يديه🌱مكتملة🌱
Romantik💎مكتملة💎 #قصة_دينية بعنوان : #تُبْتُ على يديه ✍️ بقلم : ايمان العماري لا شك أننا أصبحنا في زمن مليء بالفتن والملهيات عن طريق الله ونحتاج جميعاً لتجديد التوبة وتجديد العهد مع الله -جل و علاه- فمهما عَظُم ذنبُك، ل...
