ثبت على يديه🌱مكتملة🌱

🌱الجزء 61🌱

🌓تبت على يديه🌓
💎بقلم : ايمان العماري💎
✨الجزء : 61✨
حرك راسو بآه وطلع الفوق لبيتو خدا دوش ديالو و لبس حوايجو وخرج هو يتلاقا بيها نيشان خارجة من بيتها .. نور حدرات راسها وضارت بغات تنزل .. هو يوقفها

بدر الدين : بغيت نهضر معك تبعيني

نور تنهدات ووتبعاتو لسطح لفوق ... وقفات خاشية يديها فجيابها وهو ضار عاطيها بضهر كيشوف الشوارع المحمدية من سطح .. وشميسة شرقات واشعة ديالها ضاربة فعينيهم .... وهي بقات واقفة فبلاصتها .. حادرة عينيها لارض وكتفكر فموضوع عمر لي شاغلها تاسمعاتو نطق

بدر الدين : جبتك لهنا باش نسمع موافقتك

نور بلعات ريقها وبقات ساكتة  ماعرفات باش تجاوبو ...
هو يدور لعندها  متكي على السور .. مربع يديه وهاد المرة كيشوف فوجها باريحة .. كيحس بلي مبقاوش بيناتهم حواجز ... بقات غير موافقتها وغتولي نور ديالو رسميا .. هو مبغهااش غير حيت مو خترتها لو عروسة هو راه من نهار شافها فالقهوة اول مرة  وكيفكر فيها ... هاد البنت شغلات بالو وسكنتات كيانو بلا مايحس !
نور بدات كتفرك صبعانها وعلات راسها فيه تبلوكات ملي لقاتو كيشوفيها .. مضنتهاااش كاع ... ولا جاتها على البال حدرات راسها بززربة لارض مقداش تكمل فيه شوفة ..و هو بديك الهبة كاملة .. كيخليك تحشم منو وتخاف بدون ماتشعر

نور : بغيت نعرف حاجة وحدة ( علات عينيها فيه ) واش نتا بغيتي تزوج حيت باغيني ولا حيت باغي تسرتني وتسد فام الناس باش ميبقاوش يهدرو فيا ؟

بدر الدين: {هُنَّ لِبَاسٌ لَكُمْ وَأَنْتُمْ لِبَاسٌ لَهُنَّ}   .... ربي سبحانه وتعالى بدا بيكم نتوما فالاية قال هن لباس لكم عاد قال وانتم لباس لهن   يعني تسترني ونسترك   انا ناوي زواج ماشي باش نسد فم شي حد ولا نحلو انا ابنت ناس ناوي نتزوج على سنة الله ورسوله وختاريتك تكوني زوجة ليا لاقبلتي ونتمنا الله اصلحك ويهديك

نور سلا معها بهاد لجواب تاعو  خلا قلبها كيترعد معرفات متقول  ليه حدها   نزلات عنييها الارض ونطقات :  انا وياك مختالفين انت حياتك فشكل وانا حياتي فشكل

بدر الدين : يَا أَيُّهَا النَّاسُ إِنَّا خَلَقْنَاكُم مِّن ذَكَرٍ وَأُنثَي وَجَعَلْنَاكُمْ شُعُوباً وَقَبَائِلَ لِتَعَارَفُوا إِنَّ أَكْرَمَكُمْ عِندَ اللَّهِ أَتْقَاكُمْ إِنَّ اللَّهَ عَلِيمٌ خَبِيرٌ (الحجرات/13)   ربي خلقنا خلق الذكر وخلق الانثى ودرنا شعب وقبائل وكنتعارفو   يعني هادا ماشي مشكيل مزال نتعارفو  ونوليو واحد انا وياك

نور :  ماشي هادشي لي بغيت نقصد ( رسمات ملامح الجد ) سمعني ا بدر ( بدر الدين زير على عينيه هادي اول مرة يسمع سميتو خارجة من فهما حس باحساس فشكل معارفش معنى ديالو  )  ... انا ونتا بعاد بزاف على بعضياتنا نتا عايش فعالمك بوحدك وانا كذلك ... انا وياك عمرنا غنتفاهمو حياتي انا كنعيشها على طبيعتي كيفما كنت موالفة ... انا متحررة فدماغي عكس انت رجل دين ومثقف وعارف بزاف دالحوايج

بدر الدين : اها ! ...

نور : انا مغنقدرش ندير شي حاجة نتا فارضها عليا

بدر الدين : انا عمري ماغنفرض عليك شي حاجة

نور : وغاترضا تزوج بوحدة بحالي متحررة فدماغها وفلباسها ؟؟؟ 

بدر الدين : وعلاش  مغنرضاش !