🌓تبت على يديه🌓
💎بقلم : ايمان العماري💎
✨الجزء : 75✨
بدر الدين سرط ريقو ومد يديه باغي يبعدها عليه ولكن هي كانت متمسكة بيه بقوة كتبكي وسط حضنو حتى جات نجاة ونهيلة وقفو عليهم كينهجو لانه تاهوما كانو كيقلبو عليها
نجاة : نور بنتي فين مشيتي و خليتي عقلنا خارج عليك من قبيلة وحنا نقلبو فين كنتي؟؟؟
نور مزيرة على بدر الدين بيديها كتبكي : بغا يخرج لي على حياتي و مغيتهناا حتى يديرها
نجاة : شكون هو ؟؟؟؟
بدر الدين بغا يبعدها لتاني مرة ولكن كانت مزيرة عليه سرط ريقو بصعووببة ونطق : نور تهدني وخلينا نهضرو بالعقل ! ...
نور كتهز راسها بلا : غيحمقني باغي يتكرفس عليا ومغيرتاح حتى يديرها ( كترجف كاملة وكتهدر بهستيرية ) هو غيرجع يتكرفس عليا اه غيرجع يديرها ( علات فيه عينيها المدمعييين ) انا خايفة ....خايفة منووو يعاود يرجع عندي
نهيلة : شكون هدا لي باغي يتكرفس عليك ؟؟
بدر الدين : ديوها لطوموبيل
نهيلة : بلاتي بعدا نفهمو منها شكو ....
بدر الدين قاطعها بحدة : نهيلة باركة ( شاف عند مو ) ديها معاك لطوموبيل
نجاة : هي دبا اولدي
جروها معهم وداوها وبدر الدين مشا باتجاه البلاصة لي خرجات منها نور طل براسو مابان ليه حد فيها كانت خاويةجا راجع فحالو هو يلمح شالها طايح مشاا ليه هزو ورجع لطوموبيل فتح عليها الباب اللوراني لواه على شعرها وركب فمكان السياقة وكسيرا للدار
وقف قدام دارو نزلت نجاة ونهيلة بقات نور ... نزل فتح عليها وطل عليها غير براسو ونطق
بدر الدين : شنو بينك وبين عمر ؟
نور شافت فيه : كنت خدامة عندو فالقهوة
بدر الدين : هادشي عارفو ولكن بغيت نعرف شنو بيناتكم
نور تفكرات الليلة لي بغا يتعدا عليها فالقهوة وهبطات راسها كتبكي وتشهق تاسمعاتو نطق وهاد المرة بحدة كثثر
بدر الدين : واااش هو معامن كنتي لليلة لي هزيتك ووصلتك لدار ؟
نور هزات راسها بااه
بدر الدين زير على عينيه : دار ليك شي حاجة يكما اذاك
نور هزات راسها بلا بسرعة وعينيها كيسيلو بدموع
بدر الدين : نزلي دخلي لدار انا شوية ونرجع
نور : متعطلش
بدر الدين : متخافيش دبا راك فدارك مكاين لي يقدر يقرب ليك
نور تبسمات وسط دموعها ونزلات هو بقا متبعها بعينو تادخلات عاد ديمارا غادي باتجاه الكوميسارية يبلغ على عمر
أنت تقرأ
ثبت على يديه🌱مكتملة🌱
Romance💎مكتملة💎 #قصة_دينية بعنوان : #تُبْتُ على يديه ✍️ بقلم : ايمان العماري لا شك أننا أصبحنا في زمن مليء بالفتن والملهيات عن طريق الله ونحتاج جميعاً لتجديد التوبة وتجديد العهد مع الله -جل و علاه- فمهما عَظُم ذنبُك، ل...
