🌓تبت على يديه🌓
💎بقلم : ايمان العماري💎
✨الجزء : 122✨
عند بدر الدين ...
كان فالمحال ديالو كالس على برا مع صاحبو شادين قهوة بحال ديما كيهدرو مع بعضياتهم .....
يونس تقاد فالجلسة كيحنحن : بدر الدين
بدر الدين : مالك
يونس : ياك انا صاحبك وخوك
بدر الدين كيشوف فيه باستغراااب
يونس : البارح سولتك ومجوبتنيش
بدر الدين : معقلتش شنو قلتي
يونس : كيفاش حتى تعرفتي على نور وتزوجتي بيها
بدر الدين زير على عينيه مكيحملش لي يجبدها ويهدر ليه عليها .....
بدر الدين : ونتا علاش كتسولني واش جاتك عجب نتزوج بيها ولا شنو !!!
يونس كيحك فلحيتو : وهو صراحة اه .. نتا ونور بعاد بزاف كيف شفتي هي بنت فشكل .. لباسها وطريقة باش كتفكر وحتى الخدمة اللي كانت خدامة فيها
بدر الدين : بحالا بديتي كدخل فحوايج مكيعنيوكش
يونس : انا غير سولتك .... بلاما تقلق مني اصاحبي .. كون مكنت حاسبك كثر من خويا .... مغنجبدش كاع معك هاد الموضوع ..
بدر الدين : ضرك راسك ياك
يونس : بزاف كاع ههه
بدر الدين : تادبا خليه ضارك
سمح فيه وناض لداخل يونس بقا غير كيرمش بعينيه عرف راسو قود معاه سوايع .... ناض غادي فحالو المحالو تاسمع شي حاجة طاحت وتهرسات لداخل ... دخل بزربة عندو يشوف ... آش وقع ... هو يبان بدر واقف شاد على كتفو دايز بدم واضح. .. تضرب شي ضربة خايبة ... قرب لعندو يونس مخلوع
يونس : اش وقع ليك اصاحبي
بدر الدين خدا كلينيكس حطو على كتفو لي مجروح باش يحبس دم ....
بدر الدين : مشفتف زاج دفيطخين محلولة وتضربت معاه
يونس : ونتا مالك اصاحبي عور مكتشوفش
بدر الدين زير على عينيه موجع : مشفتهاش
يونس : تحرك نديك لسبيطار
بدر الدين : ميحتاجش ماشي شي ضربة خايبة
يونس : منيتك شوف كتفك شحال ديال الدم نازل منو تحرك قدامي دغيا
بدر الدين كلس فوق الكورسي شاد على كتفو : سير فحالك راه مغادي معاك فين
يونس : واش مريض ولا مالك اتبقا هاكا كتنزف بدم نوض تكعد نمشيو نشوفو يكما تكون محتاج لخياطة نووووض
بدر الدين : راه دويت معاك سير فحالك لمحالك
يونس : راسك قاصح ياصاحبي .. باقي مسافر فالليل ؟
بدر الدين : ضروري خاصني نمشي نجيب السلعة المحال
يونس : كون غير اجلتي سفار
بدر الدين : لا هاد الليلة ان شاء الله غنشد طريق
يونس : اللي بان ليك
أنت تقرأ
ثبت على يديه🌱مكتملة🌱
Romance💎مكتملة💎 #قصة_دينية بعنوان : #تُبْتُ على يديه ✍️ بقلم : ايمان العماري لا شك أننا أصبحنا في زمن مليء بالفتن والملهيات عن طريق الله ونحتاج جميعاً لتجديد التوبة وتجديد العهد مع الله -جل و علاه- فمهما عَظُم ذنبُك، ل...
