🌓تبت على يديه🌓
💎بقلم : ايمان العماري💎
✨الجزء : 73✨
بدر الدين كان على برا واقف سمعها هو يدخل ونور وسعات عينيها على جهدهم ونترات داك شوميز من يدين نهيلة ودارتها مورا ضهرها حتى وقف عليهم خاشي يديه فجيابو
بدر الدين : مالك كتعيطي صافي ساليتو تقضيتو كولشي ؟
نهيلة : لا مزال خاص شي حوايج
نور نطقات تحت سنانها : نهيلة
نهيلة كتشوف فخوها : نور بغاتك تختار معها من دوك لي شوميز ( نعتات ليه بصبعها ليهم ونور حنات راسها مزنگة كون صابت الارض تشق وتبلعها ) لي لهيه
بدر الدين شاف فين نعتات ليه هو يحنحن وبدا كيحك فلحيتو ونطق .....
بدر الدين : ختاري معاها نتي هادشي دنسا انا مكنعرفش ليه ( عطاهم بضهر وخرج )
نور : شفتي الاحراج لي درتي ليا
نهيلة جراتها من يديها غادة بيها جيهت لي شوميز دونوي
نهيلة : اشمن احراج اصاحبتي راه بقات ليك يوماين وتولي مراتو وزايدون نتي لي قلتي خويا مغيعجبوش هادشي كون مكانش غيعجبو مغيقولش ليا نختار معك
نور سرطات ريقها بصعوبة : دبا انا غنلبس لخوك هادشي لمشبك !
نهيلة : وشنووو يكما بغيتي تلبسي ليه سروال قندريسي !
نور كتشوف فلي شوميز قدامها اشكال وانواع اكثرية كاين غير المشبكين والمعريين
نور : منقدش نلبس هادشي قدامو ... مبغيتهمش
جات ماشية شداتها نهيلة من يديها
نهيلة : هادشي جاك حشومة تلبسيه قدامو ونتي فراشو علاش ميجيكش حشومة تلبسي المعري قدام الناس لي على برا
نور : معرفتش .. انا .. معرفتش والله ...
نهيلة : ودبا جاوبيني علاش مكيجيكش حشومة تلبسيه قدام كاع هاد القوم لي برا ؟؟
نور : انا هادشي ولفتو ولا كيجيني عادي ولكن خوك .. خوك فشكل كتجيني الهبة والحشمة منو ومعرفتش علاش انا عمرني حشمت من شي واحد ولكن هو ...
نهيلة قاطعتها : نور انا مغنشكرش ليك بدر حيت خويا ولكن راه والله ماتلقاي بحالو ... يخاف عليك ويغير عليك راكي شفتي كولشي بعينيك شفتيه كيفاش وقف فوجه راجل خالتي خويا كيحتارم الناس ... وكولشي كيحتارمو ولكن داك نهار انا وماما وتصدمنا فيه متوقعناااش منو داك ردة الفعل واش عرفتي علاش دار هكاك ولا معرفتيش ؟
نور هزات راسها بلا
نهيلة : راه باينة باغيك خويا وكنعرفو مغيجيش يدير على اي وحدة هكاك .. اه هو معزيزش عليه يشوف الظلم ويسكت خويا حقاني معزيزش عليه شي واحد يآذي شخص اخر ويطعنو فشرفو .... ولكن مغتوصلش بيه الجرأة يغوت على خالتي وراجلها ويقوليهم هادي خطيبتي وغتولي مراتي ...
نور غير كتشوف فالارض وساكتة
نهيلة : دبا خلينا من هادشي وختاري لي يعجبك
أنت تقرأ
ثبت على يديه🌱مكتملة🌱
Romance💎مكتملة💎 #قصة_دينية بعنوان : #تُبْتُ على يديه ✍️ بقلم : ايمان العماري لا شك أننا أصبحنا في زمن مليء بالفتن والملهيات عن طريق الله ونحتاج جميعاً لتجديد التوبة وتجديد العهد مع الله -جل و علاه- فمهما عَظُم ذنبُك، ل...
