🌓تبت على يديه🌓
💎بقلم : ايمان العماري💎
✨الجزء : 94✨
فاللييل ...
كانت فبيتها جالسة بقفطانها الجوهرة وشال مغطية بيه شعرها طلعات أية فالجمال والحجاب زادها نور على نور مكياج خفيف لامع مواتيها السر كان طايح عليها وبانت عليها عروسة فليلة عرسها ......
دخلات نجاة ونهيلة وعمات بدر الدين بزغارت كلشي كان فرحان ليهم دخلو كيباركو لنور وهي مكتافية فقط بابتسامة بشوشة ....
نجاة : واحد شوية غيوصلو العدول ابنتي
نور حركات راسها بآه
نجاة : يكما خايفة ؟
نور سرطات ريقها : انا ! .... لا مناش انخاف
نجاة ضارت عندهم : خليوني معها بوحدي
خرجو ونجاة سدات الباب بساروت باش مايقطعهم تاواحد وقربات عند نور جلسات حداها
نجاة : كتباني ليا غير ساهية مالكي
نور تنهدات : والو اخالتي ماعندي والو
نجاة : ياك انا بحال ماماك وعاودي ليا مالكي شنو مقلقك ومخليك غير ساهية
نور حدرات راسها كتفرك فصبعانها : معرفتش حاسة براسي خايفة بزاف ... ومعرفاش شنو غندير
نجاة تبسمات ليها : مناش خايفة ابنتي
نور سرطات ريقها : من كلشي ... انا معرفاش كيفاش غدوز هاد الليلة
نجاة : وهدشي راه عادي ابنتي ... ونتي زعما راكي قارية واعية و فرملية وعارفة شنو خاصك ديري
نور عينيها دمعو : وخا هكاك اخالتي .. انا خايفة .. المعرفة ماشي هي فاش كتحطي امام الواقع انا ....
نجاة قاطعتها : راه غير انت كتخوفي فراسك اما كلشي غيدوز بيخير
نور بصوت باكي : غادي نخاف اخالتي .... منقدرش
نجاة : ستغفري الله وقراي شوية دالقرآن وربي يسهلها ( شافتها كتبكي هي تعنقها ) هانتي ابنتي الله ارضي علييك و احفظك ليا .. ديري هادشي لي نقوليك متخليش الخوف يسيطر عليك عطي لراجلك حقو بلاما تنعسي والملائكة كتلعن فيك
نور كتهز راسها بالنفي وكتبكي : مغنقدرش .. مغنقدرش ا خالتي .... نتي راك معارفة والو
نجاة : عارفة ابنتي ... عارفة .. لي عليك نت هو ترخي راسك هو عارف شغلو و الى بقيتي هاكا خايفة وكتبكي غتصعبيها على راسك ....
نور سكتات معنقاها كتبكي هي ماشي غير الخوف لي مسيطر عليها حتى تجربتها فاش كان عمر ايتعدا عليها خلاتها تخاف من اي حاجة ومن اي رجل يلمسها هي كتبكي ونجاة كطبطب عليها تسكت وتدعي الله معها باش يسر ليهم امورهم ويبارك ليهم فهاد الزواج
أنت تقرأ
ثبت على يديه🌱مكتملة🌱
Romance💎مكتملة💎 #قصة_دينية بعنوان : #تُبْتُ على يديه ✍️ بقلم : ايمان العماري لا شك أننا أصبحنا في زمن مليء بالفتن والملهيات عن طريق الله ونحتاج جميعاً لتجديد التوبة وتجديد العهد مع الله -جل و علاه- فمهما عَظُم ذنبُك، ل...
