🌓تبت على يديه🌓
💎بقلم : ايمان العماري💎
✨الجزء : 117✨
فؤاد : نور واش متأكدة من الهدرة اللي كتقولي
نور : اه غير قول ليهم مبقيتش غنخدم يجيبو شي وحدة خرى فبلاصتي حيت غير مغنمشيش
فؤاد : عرفتي شحال وانا كنقلب ليك عليها راه بسيف باش لقيت ليك هاد الخدمة مضيعيهاش ا نور .. الى كنتي دبا مشطونة خليك تاتفكري ... مزيان متزربيش وضيعي البوسط ديالك
نور جاتها البكية : مبقيتش بغيت داك البوسط ا فؤاد
فؤاد سمع صوتها تبدل دخلات ليه شك : نور واش نتي لباس !
نور بعدات تليفون على ودنها تاتنفسات مزيان وكتنش على وجهها بيدييها باش متبكيش ورجعات كتهدر معاه
نور : انا لباس
فؤاد : واش عندك شي مشكيل ؟ .. نور هدري معيا واش مخبية عليا شي حاجة ؟؟؟
نور : ممخبية والو ا فؤاد بلاما دير فبالك شي حاجة
فؤاد : نور
نور نزلو دموعها : ممممم
فؤاد : الى حتاجيتي شي حاجة صوني ليا متحشميش مني انا خوك ماشي شي حد غريب عليك
نور قطعات عليه وطاحت بالبكا على الفوطوي كتششهق ....
لتحت ....
ربيعة : نوضي تبعي ولدك شوفيه مالو
نجاة : غيكون صونا عليه شي كليان ومشا المحال
ربيعة : ممولفاش ليه يخرج بلا فطور وحتى عروستك منزلاتش يكما تكون واقعة شي حاجة
نجاة : اش غيكون واقع اختي ربيعة .. خليها دبا تنزل
ربيعة : حاسة بشي حاجة واقعة
نجاة خنزرات فيها : آش غيكون واقع كاع راهم عاد عرسان جداد اصلا قبيلا فاش طلعت عندها لقيتها عيانة ( شافت فبنتها ) نهيلة جيبي ليا بلاطو نطلع ليها لفطور لبيتها
ربيعة : لا صافي كملات
نجاة : نهيلة طلقني دغيا جيبي ليا لبلاطو
ربيعة : كنعرف انا العريسات هوما لي خصهم يدخلو الكوزينة ويعانو عگايزاتهم فشغال الدار .. ماشي العكس
نجاة : انا مزوجتهاش ولدي باش نديرها خدامة عندي البنت عيانة ولبارح ليلتها حنا لي خصنا نوجدو ليها الفطور ماشي هي
ربيعة سرطات القمعة : تطياح الدل بعينو
نجاة مدتهاش فيها شدات لبلاطو من عند نهيلة حطات فيه فطور لنور وناضت طالعة عندها البيت
أنت تقرأ
ثبت على يديه🌱مكتملة🌱
Lãng mạn💎مكتملة💎 #قصة_دينية بعنوان : #تُبْتُ على يديه ✍️ بقلم : ايمان العماري لا شك أننا أصبحنا في زمن مليء بالفتن والملهيات عن طريق الله ونحتاج جميعاً لتجديد التوبة وتجديد العهد مع الله -جل و علاه- فمهما عَظُم ذنبُك، ل...
