🌓تبت على يديه🌓
💎بقلم : ايمان العماري💎
✨الجزء : 88✨
ربيعة : ياك امًي ياك خليتي لي من لحمك ودمك وجيتي مع لبراني
محجوبة : ياهاد لمرا مالك مبغاااش تفهمي ... راه بدر الدين لي بغاها حنا راه مبززنهاش عليه هانتي لامتقتيش طلعي عندو سوليه ... وشوفي باش غيجاوبك
ربيعة : مغنطلعش لعندو ومغنهدرش معاه حلفت من داك نهار لي غوت عليا وعلى المختار .... الولد مكانش هاكا ملي دخلات عليكم هاد المنحوسة لدار وهو يتسيف عليا انا لي خالتو فمقام مو ومحتارمنيش ولكن نعذرو مسكين ماشي لخاطرو داك للفعة لوات عليه حتى ولا يشوف غا فيها
نجاة : من سعدي بيهم اختي بنتي نور تستاااهلو ... جاو مع بعضياتهم ... انا فرحت غير ملي وافق يتزوج ليا حتى كنت كنقول عمرو يتزوج ولكن حمد لله ... كنحمد الله ونشكرو لي جاب نور فطريقو
ربيعة : هاد البنت بانت ليا ساحرة ليكم كلكم هبلتو وليتو تمتمو غير بسميتها
نجاة وقفات غادة لدروج متجاهلة كلام ختها
نجاة : نطلع نشوف بنتي نور واش بدات تقاد حالتها
ربيعة تمتمات بعصبية : الله يغبر ليك نتي وهاد نور ديالك الشقف
محجوبة وهي كتسبح : راني حداك وسمعاك وعارفاك علاش طاوية ...راكي بنتي وكنفهمك شنو بغا تكولي من شوفة دعينيك بعدي من البنت وقيليها عليك ... بلاما نخرجو العيب
ربيعة ناضت واقفة : حسن ليا نمشي لبيتي
لفوق ...
كانت كتجمع حوايجها باش تمشي الحمام تاسمعات الباب تحلات ...
نجاة : بنتي نور
نور : دخلي اخالتي انا لداخل
دخلات وسدات لباب غادة لعندها ....
نجاة : شنو كديري
نور : كنجمع حوايجي اخالتي بغيت نمشي الحمام
نجاة : وعلاش ابنتي راه دايرين حمام الفوق طلعي دوشي فيه
نور بابتسامة وهي كتقاد فحوايجها : من عادتنا البنت فاش كتبغي تزوج كنديرو ليها حمام العروس
نجاة : ولكن ابنتي الحمام راه حرام
نور شافت فيها مطرطقة عينيها : هاااا !!!! ....
نجاة : حرام ابنتي الحمام
نور : كيفاش حرام اخالتي راه كلشي كيمشي الحمام ماشي غير انا
نجاة جراتها وجلستها فوق النموسية : سمعني ابنتي نور راه ماشي اي حاجة كنشوفو الناس كيديروها تاحنا غنتبعوهم ونديرو بحالهم .... الحمام ابنتي حرام وكون شافك ولدي بدر الدين غادة ليه هو بنفسو غيقولها ليك ومغيخليكش تمشي ليه
نور زيرات على يديها كتحاول تكتم غضبها لانه حسات بيه زاد فيه بزاف الحاجة لي كديرها كيقوليها حرام ... نجاة حسات بيها تعصبات ...... هي تمد يديها كتمسح على شعرها وتبتاسم ليها باغا تفهمها غير بالخاطر مبغهااش تنفر من الدين ... بالعكس هوما باغيين يحببوها فيه ..
نجاة : معرفاش اش قال نبينا محمد عليه الصلاة والسلام !
نور سرطات ريقها وشافت فيها وهزات راسها بلا
أنت تقرأ
ثبت على يديه🌱مكتملة🌱
Romance💎مكتملة💎 #قصة_دينية بعنوان : #تُبْتُ على يديه ✍️ بقلم : ايمان العماري لا شك أننا أصبحنا في زمن مليء بالفتن والملهيات عن طريق الله ونحتاج جميعاً لتجديد التوبة وتجديد العهد مع الله -جل و علاه- فمهما عَظُم ذنبُك، ل...
