🌓تبت على يديه🌓
💎بقلم : ايمان العماري💎
✨الجزء : 70✨
نجاة نزلات كتمدح ف نور وتشوف فيها كيفاش جات مبدلة بديك جلابة والفولار لي لبسات فرحات وحسات بلي بصاح ولدها اينجح ويرد نور لطريق الله ويخليها تكون زوجة صالحة
نجاة قربات لنور كتقرا علييها القرآن وترقيها كيف كيديرو لدراري صغار قبل ميخرجهم من دار سلات وهي دوز يديها علييها
نجاة : الله احجبك من العين ابنتي
نور :ديك لحركة لي دارت معها نجاة خلاتها تحس بحالا فعلا الام تعها لي واقفة قدامها وكتحصنها بالقرآن هزات يد نجاة بستها بكل حب
نور : شكرا اخالتي الله يحفضك حتا نتي
نجاة : امين يارب العالمين
كيهدرو سمعو صوت محجوبة من وراهم كانت جات فكورسيها المتحرك دفعتها ربيعة لي سم كيقطر من عنييها محملاش نور
محجوبة : هاي هاي هاي على نور تسترات .... شفتي سترة شحال وتاتك ابنتي
نور :بتسمات ليها : شوية وصافي
محجوبة : تبارك الله عاطية لعين ابنتي ودبا تسترتي جيتي زوينة بزاف الله احجبك
ربيعة : شمن سترة هدي امي جلابة باغية طرطق علييها
محجوبة : لا هي غير جاتها ملبوسة والبنت مستورة وقطرة قطرة يحمل الواد ليوم هكا غدا بعدو تلبس لباس شرعي بادن الله
نور : شنهواااا !!!!
بدر الدين كان نزل لابس لباس كلاص فالكحل :احم احم
سمعو تحنحينتو ضارو كاملين شافو فيه
بدر الدين : وجدتو مشينا !
نجاة : واجدين ا ولدي
بدر الدين شاف ف نور لي ضارت عندو هو يوسع عينيه فيها كيشوف كيفاش جتها جلابة كتفتن والحجاب كيفاش بين جمالها الرباني كتر ولات تفتن كتر من الاول مكرهش اخبي ليها وجها حتا هو ولكن مبغاش اجي ويفرض علييها كولشي من الاول باغي ايمشي معها دقة دقة حتا تحجب كاملة نزل عنيه دغية وقرب منهم هنا دخلات ريحت عطر لي قدر اميزو ديالمن تغلغلات فجيوبو الأنفية وهو يضور غادي جيهت لدروج ونطق
بدر الدين : نور تبعني
نور مفهمات والو : هاااا !! ....
بدر الدين : تبعني لفوق بغيت ندوي معك
نجاة : ولدي ياك لباس
بدر الدين : مكاين باس ا مي غير موضوع بينتنا ... نهيلة اجي حتى نتي معها
طلع وتبعاتو نور لفوق ونهيلة لي حتا هي تقدمات تبعتهم مافهمو والو ونجاة جلسات كتسناهم
بدر الدين وصل لفوق قدام بيت نهيلة ونطق : نهيلة دخلي جيبي ليها جلابة اخرا
نور نطقات بعصبية : علاش مالها هادي لي لبسة ماشي جلابة ؟؟؟ ياك بغتي نتستر هاني لبسن كيف بغتي لاش نبدلها
بدر الدين وجه كلامو لختو : نهيلة دخلي ديري هادشي لي قلت ليك
نهيلة حنات راسها : وخا خويا
دخلات نهيلة وبدر الدين دار باش اهدر مع نور لي سبقاتو كتهدر كيف ديما
نور : مبغيتش نبدلها واصلا مبقيت بغيت نخرج لحتى بلاصة
بغات تمشي لبيت وقفها بكلامو
بدر الدين : وقفي ( شافها وقفات فبلاصتها وكمل هدرتو ) كتعرفي عقاب الزانية ؟
أنت تقرأ
ثبت على يديه🌱مكتملة🌱
Romance💎مكتملة💎 #قصة_دينية بعنوان : #تُبْتُ على يديه ✍️ بقلم : ايمان العماري لا شك أننا أصبحنا في زمن مليء بالفتن والملهيات عن طريق الله ونحتاج جميعاً لتجديد التوبة وتجديد العهد مع الله -جل و علاه- فمهما عَظُم ذنبُك، ل...
