🌓تبت على يديه🌓
💎بقلم : ايمان العماري💎
✨الجزء : 37✨
قرب عند جداتو باس ليها راسها ويديها بجوج
محجوبة : الله يرضي عليك اولدي
بدر الدين : امين .. رتاحيتي شوية .. كيف بقيتي ؟
محجوبة : و ها حنا اوليدي كنعديو صحيحة ولات على قد الحال عايشين هاد شي لي بقى لينا فالعمر
بدر الدين : متقوليش هكا مزال العمر طويل ان شاء الله
محجوبة : نطلبو الله يدينا لعندو فضو اما دنيا مابقا فيها مايعجب ( قالتها وهي كتشوف فنور )
بدر الدين عرفها كتهدر عليها : الله اهدي نفوس اميمتي والله اطول فعمرك ويخلي ليك صحيحتك
محجوبة: امين اولدي امين ويهديك حتا نتا تكمل دينك خلاص ودير وليداتك
بدر الدين بغا يقلب الموضوع : العشا واجد يالاه
جر الكورسي دجداتو حتى الطبلة وجلس كل واحد فبلاصتو ونور بقات واقفة ماعارفة فين تجلس لان بقى كورسي واحد خاوي حدا بدر الدين خافت تجلس حداه وتنوض محجوبة عليها بالهدرة ....
نجاة : بنتي نور گلسي
نور سرطات ريقها وشافت فبدر الدين لي كان حادر عينو تاسمعاتو نطق بلاما يشوف فيها
بدر الدين : گلسي
نور جرات الكورسي لي حداه وجلسات .....
محجوبة : كولي متحشميش
نور علات عينيها فيها وهي تعقد حواجبها : الضربة لي ضربتيني مزال كتحرقني
بدر الدين علا عينو فجداتو : ضربتيها !
محجوبة : ضربتها باش عمرها تعاود تلبس بحال داك اللباس قدام شي حد
بدر الدين تنهد : تعشاو .. تعشاااو قبل مايبرد
داز الوقت .....
سلاو عشاهم نور طلعات مع نهيلة توريها بيت ضياف لي غاتنعس فيه و بدر الدين تاهو طلع لبيتو دخل لدوش توضأ وخرج لحيتو كتقطر بالما ونور عاطي من وجهو توجه لواحد لقنت فبيتو مخصصو لصلاة سرح سجادتو وبدا كيصلي نوافيل صلا ودعا الله اتبتو على دينو ويسر امورو ودعا مع باه برحمة ودعا مع مو وجداه وختو وحتا من نور منسهاش بدعاء جبد القرآن كيرتل منو حتا قرا الحزب تاعو وهو أتوجه لفراشو نفضو تلات مرات ويلاه ناوي اتخشا فيه سمع غوات نور لي مهرس دنيا بلا ميحس خرج كيجير عندها لبيت تلقا مع ختو ومو حتا هوما خرجو من بيوتهم جاو عندها فاش سمعو غواتها دخلو كلهم هي تبان ليهم ناعسة وكتغوت ربي لي خلقها وداتها كاملة كتقطر بالعرق
أنت تقرأ
ثبت على يديه🌱مكتملة🌱
Romance💎مكتملة💎 #قصة_دينية بعنوان : #تُبْتُ على يديه ✍️ بقلم : ايمان العماري لا شك أننا أصبحنا في زمن مليء بالفتن والملهيات عن طريق الله ونحتاج جميعاً لتجديد التوبة وتجديد العهد مع الله -جل و علاه- فمهما عَظُم ذنبُك، ل...
