ياديرةٍ ضمّت كل الأحباب

الشخصيات

                          " الرياض "

بيت ابو راشد

_ ابو راشد

( عبدالله ) شايب من الاولين قوي وشديد اذا عصب محد ينطق حرف واذا روّق يازينه بس بالحالتين فيه حنيّه تتوزع للدنيا كلها عمره ٦٠ سنه

_ام راشد

( العنود ) حنونه وتعصب وتسامح بسرعه وصاحبة حق ماترضى بالغلط يعتبرونها عيالها اختهم من كثر ما انها طيّبه عمرها ٥٥ سنه

_ راشد

ولدهم الكبير ورغم انه اكبر واحد لكن انسان فلاوي ولا يعرف المجاملات يعطي الواحد على جوه لكن وقت الجد تطلع شخصيته الثانيه الجديّه الصارمه يبلغ من العمر ٣٢ سنه

_ زوجته ( منيره ) انسانه حالها حال نفسها هاديه وطيبه مالها بأحد عمرها ٢٨ سنه

عيالهم ( ناصر ٨ سنوات ، جوري ٦ سنوات ، اميره ومناير " توأم " ٣ سنوات )

_ عبير

اكبر بنات ابو راشد وثاني اولاده تشابه راشد بالطبع ومتزوجه من ولد خالتها سعد وعندها ولدين وبنت ( عبدالله ٧ سنوات ، ترف ٤سنوات، خالد سنتين ) عمرها ٣٠سنه

_ عيسى

ثالثهم حنون وطيب وسوالفه تهبل مبتعث لبرا يدرس طب جراحة متزوج ( رغد ٢٤سنه وعندهم بنت " تالين " ٣سنوات ) عمره ٢٩ سنه

_تركي

شايل فكرة الزواج من راسه ومايهمه الا انه يطلع ويستانس ماعنده مسؤوليه واكثر واحد ينجلد من اخوانه بس احب اخو لهم عمره ٢٧ سنه

_ نايف "بطلنا"

يحب الوناسه والسوالف رغم انه عصبي بس بثواني يروق و ٢٤ ساعه يتناقر مع احب خواته ويمثل الثقل دايم عشان ماينجلد من ابوه عمره ٢٥ سنه

_ شريفه

حساسه واكثر وحده حنونه عليهم والكل يحبها متزوجه وحامل عمرها ٢٢ سنه

_ هاجر

احب وحده لنايف ومايرفض لها طلب مع انه دايم يعاندها وتعانده بس مالهم غنى عن بعض والعناد بينهم هو معنى الحب عندهم والكل يحبها عفويه ودايم تجيب العيد وتعصب على اتفه شي بس على طول ترضى عمرها ٢٠ سنه

_ اروى

اصغر العنقود انسانه اجتماعيه وروحها حلوه ماتهتم لأحد اهم شي وناستها ومافيه شي يصير ماتعرفه ذكيه وتعرف تتصرف عمرها ١٨ سنه

••••••

                          " المدينه "

بيت ابو هادي

_ ابو هادي

( حاتم ) رجال طيب واهم ماعنده اهله يعطي عياله على جوهم بس قوي و له هيبته بينهم عمره ٥٢

_ ام هادي

( مريم ) انسانه مايعرفها احد الا ويحبها ويحب سوالفها طيبه وتنحب بسرعه ويعتبرونها عيالها صديقتهم عمرها ٤٨ سنه

_ هادي

طيب ومايرضى على اهله رغم ان ملامحه وحدّتها تقول انه عصبي وماعنده تفاهم الا ان شخصيته عكس ملامحه يشابه اخوه بالهبال اذا فصل ويحب بطنه عمره ٢٥ سنه

_ حمد

وسطاني ومسحوب عليه دايم لكن ماتحلى السوالف الا معه مايعرف الطفش كل يوم له شخصيه بس تبقى المرحه هي الحقيقيه عمره ٢٢ سنه

_ شهد " بطلتنا "

شخصيتها عسل حبوبه واجتماعيه ولها ضحكه سبحان من خلقها تشابه هادي بالملامح والأطباع تحب الليل والهدوء رغم شخصيتها العكس عمرها ٢٠ سنه

•

•

هذي اهم الشخصيات باقي الشخصيات بنعرفهم بالبارتات الجايه