استغفر الله لي ولوالديّ وللمسلمين والمسلمات
☆ اضغطوها وصلوا ع النبي وقراءه مُمتعه ❤.
..........••..........
بيت ابو راشد
بالليل بعد صلاة العشاء
كانت ام راشد بالمطبخ تحط العشاء وعندها هاجر واروى يساعدونها
ام راشد ؛ هاجر هاتي الصحن الثاني ، اروى ودي السفره والاغراض للصاله
اروى اخذتهم ؛ ابشري
وطلعت للصاله وابتسمت وهي تشوف الصغار يلعبون يزن وغيث واخته يارا
وحطت الاغراض وهي تشيل يزن اللي يركض وتبوسه ؛ يازقيينك وين تركض لاتطيح تعالوا تعالوا احط لكم قناه تتابعون
ومشت وهي شايلته وجلسوا ع الكنب وحطت يزن وهي تغير لهم القناه ؛ يلا تابعوا والحين نجيب العشاء
ومشت راجعه للمطبخ تكمل معهم ودخلت على كلمة ام راشد اللي ناظرت هاجر بأستغراب ؛ انتي فيك شي ؟ علام وجهك اصفر
هاجر تنحنحت ؛ لا بس كني مصدعه
اروى عرفت ان هاجر للحين تفكر بالسالفه ومتوتره ؛ اا ايه يمه حتى بالمزرعه قالت لي مصدعه شكله من البرد
ام راشد ؛ يوه الله يصلحك .. اخوانك وين راحوا عطيني جوالي
لفت اروى تاخذه من الدولاب ومدته لأمها اللي وقفت تمسح يدها وتدق ؛ الو .. تعالوا خذوا عشاكم
ووقفلت وناظرت هاجر واروى ؛ شيلوا الصحن يلا ودوه للصاله وسكروا الباب وراكم
فزت هاجر تشيله مع اروى وطلعت وهي ماتبي يجون العيال وهي بالمطبخ ويقولون لها السالفه
ودخلوا تركي ونايف اخذوا العشاء وراحوا ولا جابوا طاري هاجر وطلعت ام راشد للصاله وهي تشوف اروى واقفه عند الصغار تلعب مع يزن ؛ اروى هاجر وين ؟
اروى ؛ بالغرفه
ام راشد ؛ روحي ناديها وتعالوا تعشوا اعجلي
فزت اروى للغرفه وراحت ام راشد للمجلس
ام راشد بأبتسامه ؛ يلا تفضلوا للعشاء الله يحييكم
ام فارس ابتسمت وقامت هي والبنات ؛ الله يبقيك ويسلمك
ابتسمت ام راشد ومشت هي وشريفه وضحكت ام فارس وهي تشوف الصغار ؛ يووه الورعان لقوا التلفزون والله مايتركونه ، يلا قوموا تعشوا عشان نروح البيت غيث بتروح عند ابوك ولا تجلس معنا
غيث ؛ بجلس
اماني ام غيث ضحكت ؛ عشان يتفرج ، قم طيب يلا
طلعوا هاجر واروى وانتبهت هاجر لأبتسامة ام فارس اللي تناظرها وتنهدت وهي تجلس وتجمعوا يتعشون والصغار معهم ويتابعون ..
•
بعد العشاء قاموا هاجر واروى يشيلونه والباقين رجعوا المجلس والصغار للحين بالصاله
بالمطبخ دخلت هاجر وهي تحط الصحن بتأفف ؛ هذي علامها ابلشتني بس تعاين
اروى دخلت وراها وسكرت الباب ؛ اصص لاتسمعك علامك عليها والله انها حليله
هاجر تكتفت ؛ ماقلت شي بس اشغلتني نشبت لقمتي بحلقي
ضحكت اروى ؛ واضح عجبتيها
صدت هاجر تشرب مويه ووقفت اروى عند الشباك ؛ هذولا ماخلصوا
هاجر شرقت ؛ يويلي لايجون وانا هنا ثم يستلموني ويضحكون علي
اروى ؛ اكيد هذي مافيها شك اعرفهم كل واحد اخس من الثاني
هاجر ؛ واللي يوفقك انا بروح واسوي نفسي نايمه قولي لهم مصدعه لحد يصحيها
اروى ؛ احلفي ! والصحون من ينظفها ان شاء الله انا ؟
هاجر ودموعها بعيونها ؛ ارروى يانذلك بكره انظف
اروى بصدمه ؛ يويلي بسم الله ابك انتي علامك كل هذا عشان ما يضحكون عليك وان ضحكوا اضحكي وقولي بفتك طقيها بوجيهم ماعليك منهم ، ايييه ولا انتي خايفه ان مشاري علمهم انه شايفك
هاجر هزت راسها ودقتها اروى ؛ وتراب انتي ماتفهمين قولي ماشفته وش اقول انا من اليوم اجحديه ياخبله .. روحي روحي ارقدي
هاجر ؛ طيب هم مردهم بيتكلمون اليوم ولا بكره وش اسوي
اروى ؛ ابك صجيتيني روحي ارقدي بس الصباح رباح ماتدرين لو انك بكره تموتين
هاجر شهقت ؛ يهبيي لاتفاولين علي
اروى ؛ مدري عنك خايفه تقل بيذبحونك محد قايل شي بيضحكون واضحكي معهم
هاجر تأففت ؛ تحسبين السالفه سهله عساني اشوفك لاتزوجتي تقعدين تبكبكين
اروى ضحكت ؛ وليه ابكي بسم الله علي ماني خبله مثل وحده شافها وقعدت تنافض
هاجر دقتها ؛ نشوف انتي بتبكين لو انه ماشافك يابكايه
اروى ؛ اقول اخمدي وفكيني وبشرط ترا تردين كرفي ماهو بلاش بكره تستلمين دوري
هاجر ؛ طيب اهم شي قولي اني مصدعه عشان محد يصحيني
هزت راسها اروى وطلعت هاجر بسرعه للغرفه ودخلت وهي تنسدح وتتغطى على اساس نايمه دقايق ونامت صدق بحكم انها صاحيه بدري وهي نايمه متأخر
" بالمجلس "
أنت تقرأ
ياديرةٍ ضمّت كل الأحباب
Poetryهالروايه بتكون روايتي الأولى روايه عائليه عن ديره صغيره جمعت أحباب كثير ولمتهم بتحبونها مثل ما انا حبيتها كُتبت كل كلمه بكُل حُب ❤️. ( لا أسمح بأخذ الروايه او نقلها )
